Kaca:Bali-lontar-kidung-oruk-250ppi.pdf/2

Saking Wikisource
Kaca puniki sampun kauji-wacén

[1B]

᭚ ᭜ ᭚ᬦᭀᬭᬜᬗ᭄ᬓᬮ᭚ ᭜ ᭚ᬳᬦᬘᬭᬓᬦᬾᬬᬸᬮᬶᬓ᭄‌ᬳ᭄ᬥᬲᬸᬳᬸᬤ᭄ᬫᬮᬚᬳᬶᬦ᭄‌ᬳᬧᬦ᭄ᬢᬶᬗ᭄ᬓᬄᬦ᭄ᬤᬸᬫᬤᬶ᭠ᬚᬦ᭄ᬫᬤᬳᭂᬗ᭄ᬲᬧ᭄‌ᬢ᭄ᬓᬾᬦ᭄ᬰᬵᬲ᭄ᬢ᭄ᬭᬫᬸᬂᬯᬸᬂᬳᬯᬓ᭄ᬦᬸᬘ᭄ᬦᬶᬓ᭄ᬤᬫᬗᬸᬮᬳᬂᬕᬯᬾᬦᬾᬲᬳᬶᬳᬧᬦ᭄ᬪᬸᬫᬶᬦᬾᬲᬸᬩᬯᬬᬄᬳᬾᬗ᭄ᬕᬮᬦ᭄
ᬓ᭄ᬮᬶᬄᬓᬤᬸᬂᬲᬾᬧᬦ᭄ᬫᬮᬚᬄᬢᬦᬸᬭᬸᬂᬢᬮᬶᬗᬸᬲ᭄ᬓᬳᬾᬭᬗᬾᬭᬂᬩᬧᬳᭀᬭᬳᬶᬜᬕᬸᬲ᭄ᬢᬶᬧᬗᬗ᭄ᬕᭀᬦ᭄ᬰᬵᬲ᭄ᬢ᭄ᬭᬦᬾᬲᬫᬶᬬᬸᬮᬸᬲᬸᬓᬸᬘᭂᬘᭂᬓ᭄ᬫ᭄ᬯᬂᬲᬸᬭᬂᬕᬸᬳᬸᬂᬲᬸᬓᬸᬓᭂᬫ᭄ᬩᬸᬂᬋᬋᬍᬍᬢ᭄ᬤᬸᬂᬢᬮᬶᬂᬫ᭄ᬯᬂᬯᬶᬲᬳᬸᬮᬸᬧᭂᬧᭂᬢ᭄ᬦᬦ᭄ᬬᬲᬸᬭᬂᬮᬦ᭄ᬲᬸᬓᬸᬫᭂᬡ᭄ᬟᬸᬢ᭄ᬳᬶᬗᭂ
ᬢᬂᬤᬶᬳᬦᬘᬭᬓᬦᬾᬧᬢᬸᬄᬧᬢᬸᬳᬂᬬᬾᬦ᭄ᬲᬸᬩᬧᬢᬸᬄᬩ᭄ᬮᬘᬂᬳᬶᬦ᭄ᬤᬬᬂ᭟ᬮᬯᬸᬢ᭄ᬦᬾᬤᬶᬦᬶᬚ᭄ᬫᬓᬂᬓᬶᬤᬸᬗᬾᬧᬘᬬᬂᬳᬶᬗᭂᬃᬲᬓᬯᬸᬓᬸᬤ᭄‌ᬢ᭄ᬓᬾᬦ᭄ᬧᬗᬗ᭄ᬕᭀᬜᬳᬶᬗᭂᬢᬂᬩ᭄ᬲᬶᬓ᭄‌ᬩ᭄ᬲᬶᬓ᭄᭞ᬤᬶᬗ᭄ᬓᬾᬦ᭄ᬬᬧ᭄ᬮᬶᬄᬬᭀᬂᬩᬓᬢ᭄ᬩᬳᬦ᭄ᬫᬜ᭄ᬚ᭠
ᬮᬦᬂᬲᬵᬲ᭄ᬢ᭄ᬭᬦᬾᬤᬶᬓᬶᬤᬸᬂᬕᭂᬦ᭄ᬢᭀᬬᬢᬓᭀᬦᬂᬢ᭄ᬓᬾᬦ᭄ᬳᬦᬓᬾᬭᬶᬭᬶᬄ᭟ᬳᬗ᭄ᬳᬶᬂᬢᬾᬳᬧᬂᬕᬢᬶᬲ᭄ᬥᭂᬓ᭄ᬳᬦᬓᬾᬗᬚᬳᬶᬦ᭄‌ᬤᬫ᭄ᬩᬳᬂᬳᬶᬥᭂᬧᬾᬫ᭄ᬩ᭄ᬬᬧᬭᬳᬶᬗᭂᬢᬂᬤᬶᬓᬳ᭄ᬬᬸᬦ᭄‌ᬳᬤᬦ᭄ᬰᬵᬲ᭄ᬢ᭄ᬭᬦᬾᬤᬶᬕᬸᬭᬶᬢ᭄‌ᬤᬳᭂᬗ᭄ᬲᬧ᭄ᬳᬶᬗᭂᬃᬳᬶᬗᭂᬃᬤᬶ᭠
[᭒ 2A]
ᬳ᭄ᬢᬶᬳᬧᬗ᭄ᬧ᭄ᬥᬲ᭄ᬩᬳᬦ᭄ᬗᬯᬲᬂᬰᬵᬲ᭄ᬢ᭄ᬭᬦᬾᬲᬓᬩ᭄ᬲᬶᬓ᭄ᬤᬧᬧᬓ᭄ᬳᬯᬲ᭄ᬧᬢᬶᬋᬗᭂᬋᬗᭂᬭᬶᬂᬫᬸᬜᬶᬮᬾᬦᬦ᭄᭞ᬤᬧᬢᬶᬕᬸᬬᬸᬍᬯᬶᬄᬓᬤᬸᬓ᭄ᬫᬾᬭᬂᬓᬕᬸᬬᭀᬦᬶᬦ᭄‌ᬓᬾᬢᭀᬢᬶᬗ᭄ᬓᬳᬦᬓ᭄ᬫᬮᬚᬄᬳ᭄ᬥᬧᬢᬶᬓᬶᬫᬸᬤ᭄‌ᬳᬧᬦ᭄ᬲᬂᬳ᭄ᬬᬂᬲᬭᬰ᭄ᬯᬢᬶᬲᬲᬓ᭄ᬥᬧ᭄ᬦᭀᬗᭀ
ᬲ᭄ᬤᬶᬢᬸᬂᬢᬸᬂᬮᬶᬭᬶᬂᬫᬜᬸᬲᬸᬧ᭄ᬤᬶᬚ᭄ᬭᭀᬦᬶᬂᬳᬺᬤᬬᬢᭀᬂᬤᬤᬶᬳᭀᬩᬄᬕᬶᬕᬶᬲ᭄ᬩᬳᬦᭂᬍᬩᬂᬬᬳᬢᬶᬓ᭄ᬳᬗ᭄ᬕᭀᬗᬳᬾᬧ᭄ᬢᭂᬂᬍᬫᬄ᭟ᬤᬗᬸᬮᬄᬧᬕᬳᬾᬬᬦ᭄ᬤᬗᬮᬶᬄᬧᬶᬓᭀᬮᬶᬳᬦ᭄‌ᬰᬵᬲ᭄ᬢ᭄ᬭᬦᬾᬚ᭄ᬯᬭᬸᬭᬸᬄᬤᬶᬚᬵᬦᬓᬾᬩᬶᬱᬳᭂᬦ᭄ᬢᭀᬓᬲᬶᬄᬓᬲᬶᬳᬶᬦ᭄᭞ᬲᬳᬶ
ᬯᬸᬜᬳᬶᬦ᭄ᬳᬗ᭄ᬳᬶᬂᬢᬾᬳᬸᬮᬦᬶᬦ᭄ᬩᬵᬦ᭄ᬩᬶᬓᬲᬶᬂᬫᬸᬜᬶᬬᬦᬧᬶᬧᬶᬗ᭄ᬕᬶᬄᬬᬾᬦ᭄ᬯᬾᬮᬶᬜᬤᬗᬗ᭄ᬕᭀᬲ᭄ᬓᭂᬮ᭄ᬳᬢᬶ᭟ᬤᬲᬸᬳᬸᬦ᭄ᬫᬗᬲᭀᬭᬶᬦ᭄‌ᬲ᭄ᬫᬸᬫᬦᬾᬯᬓᬳᬧᬂᬧᬲ᭄ᬢᬶᬢᬶᬮᬶᬗᬂᬚ᭄ᬯᬤᬶᬫᬦᬄᬢᬶᬗ᭄ᬓᬳᬯᬓ᭄ᬫᬮᬚᬄᬳᬗ᭄ᬳᬶᬂᬳᬧᬂᬳᬲ᭄ᬣᬶᬢᬶᬤᬳᬮ᭄ᬧᬲᬶᬂᬫᬸᬜᬶᬜᬳᭀᬧᬶᬲᬶᬗ᭄ᬕᬶᬄ
ᬬᬾᬦ᭄ᬢᬸᬦ᭄ᬤᬾᬜᬳ᭄ᬥᬳᬩᭀᬢ᭄ᬫᬚᬮᬦ᭄ᬢ᭄ᬯᬄᬓᬾᬢᭀᬢᬶᬗ᭄ᬓᬳᬶᬂᬤᬤᬶᬚᬦ᭄ᬫᬲᬶᬂᬩᬶᬱᬬᬦ᭄ᬤᬶᬢᬸᬢᭀᬗᭀᬲ᭄ᬫᬮᬚᬄ᭞ᬬᬾᬦ᭄ᬲᬸᬩᬕᬸᬲ᭄ᬢᬶᬭᬶᬭᬶᬄᬦᭂᬭᬸᬲ᭄ᬢᬸᬜᬸᬂᬳᬫ᭄ᬩᭂᬓ᭄ᬚᬢᬶᬥᬸᬄᬯᬋᬕ᭄ᬩᬧᬢᬦ᭄ᬧᬦ᭄ᬥᬦᬬᬢᬶᬲ᭄ᬢᬶᬲᬶᬂᬤᬾᬯᬕᬸᬲ᭄ᬢᬶᬫᬳᬶᬦ᭄ᬤᬸᬫᬤᬶᬳᬤᬢᭀᬕ᭄ᬮᬄᬩᬧᬳ