Kaca:Bali-lontar-kidung-gaguritan-suryya-natha-450ppi.pdf/90

Saking Wikisource
Kaca puniki sampun kauji-wacén

[᭘᭙89B]
ᬲᬩᭂᬄᬫᬜ᭄ᬚᬗᬦ᭄᭞ᬯᬶᬚᬸᬂᬫᬓᬤᬶᬓᬜ᭄ᬘᬶᬮ᭄᭟ᬳᬶᬤᬵᬩᬕᬸᬲ᭄‌ᬗᬸᬭᬄᬫᬧᬶᬢ᭄ᬯᬭᬦᬯᬂ᭞ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬭᬶᬲ᭄
᭞ᬜᭂᬜᭂᬃᬫᭂᬫ᭄ᬩᬄᬕᬸᬮᬵ᭞ᬧᬭᬄᬫᬳᬶᬧᬳᭂᬓᬂ᭞ᬢᬸᬢᬸᬭᬶᬦ᭄ᬳᬸᬯ᭄ᬯᬳᬓᬶᬓᬶᬢ᭄᭞ᬬᬦ᭄ᬥᬤᬶᬓᬯ᭄ᬤᬃ᭞ᬳᬧᬵᬕ᭄ᬮᬭᬂᬘᬳᬶ᭟ᬭ
ᬢᬸᬤ᭄ᬯᬕᬸᬂᬯᬾᬦ᭄ᬢᭂᬦ᭄ᬧᬕ᭄ᬫᭂᬢᬦ᭄ᬢᬶᬢ᭄ᬬᬂ᭞ᬳᬚᬶᬯᬦ᭄ᬢᬄᬳᬓᬶᬤᬶᬓ᭄᭞ᬧᬸᬦᬶᬓᬜᬶᬤᬬᬂ᭞ᬭᬢᬸᬕ᭄ᬮᬭᬂᬢᬶᬢ᭄ᬬᬂ᭞ᬢᬾᬫ᭄ᬩᬓ᭄ᬳ᭄ᬬᬦ᭄ᬧᬸ
ᬢᬸᬲᬶᬗ᭄ᬳᬚᬶ᭞ᬳᬸᬲᬲ᭄ᬢ᭄ᬭᬢᬸᬮ᭄ᬬ᭞ᬲᬹᬓ᭄ᬱ᭄ᬫᬮᬶᬦ᭄ᬢᬗᬶᬂᬍᬯᬶᬄ᭟ᬳᬶᬤᬾᬯᬕᬸᬂᬳᬚᬶᬓ᭄ᬜᭂᬫᬗᬦ᭄ᬤᬶᬓᬵ᭞ᬦᬄᬓᬾᬩ᭄ᬯᬶᬦ᭄ᬫᬫ᭄ᬥᬶ᭠
[᭙᭐90A]
ᬮ᭄᭞ᬳᬧᬂᬳᬸᬯ᭄ᬯᬦᬯᬂ᭞ᬓᭀᬭᬢᬸᬫᭂᬧᭂᬲ᭄ᬜᬸᬫ᭄ᬩᬄ᭞ᬫᬯᬩ᭄ᬲᬶᬢ᭄‌ᬗᬶᬲᬶᬦᬶᬦ᭄ᬩᭂᬤᬶᬮ᭄᭞ᬘᬫ᭄ᬘᬶᬬᭀᬩ᭄ᬘᬢ᭄᭞ᬲᬸᬩᭂᬗᬶ
ᬲᬶᬦᬶᬦ᭄ᬩᭂᬤᬶᬮ᭄᭟ᬘᭀᬓᭀᬃᬭᬢᬸᬫᭂᬧᭂᬲ᭄‌ᬜᬸᬫ᭄ᬩᬄᬦᬸᬦᬲ᭄ᬮᬸᬕ᭄ᬭ᭞ᬧᬘᬂᬗᭂᬫ᭄ᬩᬢᬂᬩ᭄ᬥᬶᬮ᭄᭞ᬩᬗᬸᬦ᭄ᬮᬸᬢ᭄ᬫᬕᬾᬩ᭄ᬭᬲ᭄᭞
ᬮᬳᬸᬢ᭄‌ᬜᬶᬗ᭄ᬲᭂᬢᬂᬘᭀᬢ᭄ᬢ᭞ᬫᬮᬮᬾᬩᬾᬄᬳᬦᬾᬄᬳᬲᬶᬦ᭄᭞ᬩᬕᬸᬲ᭄ᬫᬩ᭄ᬗᬤ᭄᭞ᬲᬬᬦ᭄ᬫᬯᬸᬯᬸᬄᬫᬦᬶᬲ᭄
᭟ᬢᬗᬦ᭄ᬳᬮᬸᬲ᭄ᬦᬓᬵᬓᬤᬶᬫᬡᬶᬓ᭄ᬘᭀᬬ᭞ᬚ᭄ᬭᬶᬚᬶᬭᬸᬭᬸ᭠ᬲ᭄ᬗᬾᬤᬦᬶᬦ᭄᭞ᬭᬭᬶᬲ᭄ᬫᬗᭂᬫ᭄ᬩᬢᬂ᭞ᬫᬢᬶᬢᬶᬲ᭄ᬫᬗᬯᬲᬂ᭞ᬧ᭄ᬭ