Kaca:Bali-lontar-kidung-gaguritan-suryya-natha-450ppi.pdf/79

Saking Wikisource
Kaca puniki sampun kauji-wacén

[᭗᭘78B]
᭗᭘
ᬰᬰᬶᬄ᭟ᬢᬦ᭄ᬯᬾᬦ᭄ᬢᭂᬦ᭄ᬫᬗ᭄ᬕᬶᬄᬫᬦᬸᬱ᭞ᬢᬗ᭄ᬓᬶᬮᬦᬾᬫᬓ᭄ᬚᬂᬦᬗᬶᬲ᭄᭞ᬫᬓᬤᬶᬜᬳᬶᬤᬾᬯ᭄ᬯᬕᬸᬂ᭞ᬢᬦ᭄ᬓᬯᬱᬵ
ᬗᬦ᭄ᬤᬶᬓᬵ᭞ᬲᬓᬾᬯᬮᬵᬳᬲ᭄ᬭᬸᬧᬣᬵᬫᭂᬫ᭄ᬩᬄ᭞ᬓᭀᬭᬢᬸᬫᬢᬹᬃᬗ᭄ᬕᭂᬢᬭᬂ᭞ᬤᬕᬶᬂᬗᬢᬸᬭᬂᬧᬓᬾᬮᬶᬂ᭟ᬤᬤᬶᬮᬶᬧᬹᬃ
ᬳᬲᬓ᭄ᬱᬡ᭞ᬮᬸᬢ᭄ᬗᬦ᭄ᬤᬶᬓᬵᬳᬶᬤᬵᬳᬶᬤ᭄ᬯᬕᬸᬂᬳᬚᬶ᭞ᬘᬳᬶᬳᭂᬦ᭄ᬤᭂᬓ᭄ᬳᬸᬯ᭄ᬯᬳᬕᬸᬲ᭄᭞ᬳ᭄ᬥᭂᬩ᭄ᬯᬶᬦᬕᬶᬄᬮᬸᬯᬲ᭄᭞ᬦᭀ
ᬗᭀᬲ᭄ᬥᬶᬦᬶᬢᬦ᭄ᬤᬗᬶᬦ᭄ᬩᬋᬂᬲᬢᬸᬳᬸᬓ᭄᭞ᬦᬗᬶᬂᬓᬾᬢᭀᬳᬫ᭄ᬧᬸᬭᬬᬂ᭞ᬯ᭄ᬯᬦᬶᬱ᭄ᬝᬵᬳᬶᬦᬵᬩᬸᬤ᭄ᬥᬶ᭟ᬳ᭄ᬦᭂᬗᬂ᭠
[᭗᭙79A]
ᬦᬾᬤᬶᬩᬜ᭄ᬘᬶᬗᬄ᭞ᬤᬶᬫᬳᬾᬦ᭄ᬤ᭄ᬭᬯᬢᭂᬓ᭄ᬲᬮᬶᬗ᭄ᬕᬳᬾ᭠ᬲᬫᬶ᭞ᬤᬳᬢ᭄ᬥᬸᬳᬸᬢ᭄ᬫᬭᬄᬫᭂᬭᬸᬄ᭞ᬩᬦᬾᬢ᭄ᬗᬳᬶᬧᬶᬲ᭠
ᬦ᭄᭞ᬢᭀᬦ᭄ᬤᬾᬦ᭄‌ᬫ᭄ᬯᬾᬤ᭄ᬥᬵᬗᬦ᭄ᬢᭀᬲ᭄ᬳᬶᬤᬾᬯᬕᬸᬂ᭞ᬩᬶᬮᬂᬳᬤᬵᬳᬦᬓ᭄ᬢᭂᬓ᭞ᬢᬓᭀᬦᬶᬦ᭄‌ᬗᬓᬸᬲᬶᬂᬳᬸᬦᬶᬂ᭟
ᬫᬗ᭄ᬭᬯᭀᬲ᭄ᬧᬤᬵᬧ᭄ᬥᬡ᭄ᬥᬵ᭞ᬫᬵᬃᬕ᭄ᬕᬶᬩᬸᬤᬮ᭄ᬦᬶᬓᬶᬲᬵ᭠ᬫ᭄ᬧᬸᬦ᭄ᬢᭂᬗᬳᬶ᭞ᬫᬵᬃᬕ᭄ᬕᬶᬚ᭄ᬚᬫᬧᬹᬚᬵᬫᬮᬸ᭞ᬳᬤᬧ᭄ᬥᬡ᭄ᬥᬵ᭠
ᬦᬶᬫ᭄ᬩᬮ᭄᭞ᬫᬗ᭄ᬓᬶᬦ᭄ᬤᬸᬫᬸᬦ᭄ᬳᬦ᭄ᬢᭀᬲ᭄ᬧ᭄ᬮᬶᬗ᭄ᬕᬶᬄᬳᬶᬤᬾᬯᬕᬸᬂᬫᬳᬯᬶᬦᬦ᭄‌ᬓᬤᬶᬲ᭄ᬭᬦ᭄ᬢᬵᬤᬹᬃᬫᬗ᭄ᬕᬮᬦᬶᬂᬫᬵᬃᬕ᭄ᬕᬶ᭚᭜᭚