Kaca:Bali-lontar-kidung-gaguritan-suryya-natha-450ppi.pdf/56

Saking Wikisource
Kaca puniki sampun kauji-wacén

[᭕᭕55B]
᭕᭕
ᬫ᭄ᬯᬂᬳᬶᬦᬸᬫᬶᬦᬸᬫᬦ᭄᭞ᬫ᭄ᬫᬰᬶᬄᬮᬓᬃᬧᬳᬶᬘ᭄ᬘᬵ᭞ᬧᬬᬬᬕᬦ᭄‌ᬫ᭄ᬯᬂᬮᭂᬫ᭄ᬩᬭᬶ᭞ᬲᬸᬩᭂᬬᬢ᭄ᬓᬓᬧᬫᬺᬫᬦ᭄ᬫᬗ᭄ᬭᬜ᭄ᬚᬶᬂ᭟ᬘᭀᬓᭀᬭ᭠
ᬢᬸᬮᬾᬤᬂᬓᬬᬸᬦᬾᬓᬮᬶᬯᬢ᭄᭞ᬫ᭄ᬩᬳᬦ᭄ᬥᬸᬦᬸᬗᬦ᭄ᬩᭂᬘᬶᬓ᭄᭞ᬧᬶᬢᬸᬤᬸᬳᬶᬂᬤᬾᬯᬵ᭞ᬧ᭄ᬢᭂᬂᬳᬤᬵᬦᬸᬗ᭄ᬓᬸᬮᬂ᭞ᬦᬾᬤᬤ᭄ᬯᬤᬸᬯᭂᬕ᭄
ᬗ᭄ᬮᬾᬤᬗᬶᬦ᭄᭞ᬍᬫᬄᬯᭀᬂᬤᬾᬰ᭞ᬧᬤᬵᬢ᭄ᬓᬫᬦᬗ᭄ᬓᬶᬮ᭄᭟ᬲᬕᬾᬢ᭄ᬓᬧᬵᬦ᭄ᬕᬸᬭᬦ᭄ᬥᬸᬢ᭄ᬦᬦ᭄ᬤᬦ᭄ᬧᬦᬓ᭄᭞ᬩᭂᬭᬕ᭄ᬩᭂᬭᬕ᭄ᬓᬓᬮᬶᬄ
᭞ᬫᬢᬦ᭄ᬜᬦᬾᬲᬯᬢ᭄᭞ᬩᬳᬦᬾᬓᬧᬄᬗᬫᬄ᭞ᬩ᭄ᬭᬕ᭄ᬳᬓᬶᬂᬲᬶᬢ᭄ᬲᬶᬢ᭄ᬭᬸᬦ᭄ᬢᬶᬂ᭞ᬫᬫᬸᬜᬶᬗᬯᬕ᭄᭞ᬚ᭄ᬭᭀᬫ᭄ᬓᭂᬮ᭄ᬢ᭄ᬬᬂᬫᭂᬭᬶᬓᬶ᭟
[᭕᭖56A]
ᬫᬦᬦ᭄ᬤᬯ᭄ᬕᬂᬫᬜ᭄ᬮᬂᬚᬶᬦᬳᬾᬲᬢᬓ᭄᭞ᬦᬶᬓᬶᬳᬶᬧᬸᬦᬸᬗ᭄ᬕᭀᬦᬶᬦ᭄᭞ᬢ᭄ᬬᬂᬧᭂᬲᬸᬳᬚᬶ᭞ᬤᬶᬧᬦ᭄ᬢᬶᬤᬶᬧᬫᬓ᭄ᬱᬦ᭄᭞ᬬᬦ᭄ᬢ᭄ᬬᬂᬢ᭄ᬯᬭᬫᬫᭂ
ᬲᬸᬯᬶᬦ᭄᭞ᬢ᭄ᬬᬂᬢᬸᬦ᭄ᬤᬸᬗᬵᬩᬳᬦ᭄ᬤᬾᬰᬦᬾᬲᬫᬶ᭟ᬘᭀᬓᭀᬭᬢᬸᬓᬧᬶᬯ᭄ᬮᬲᬦ᭄ᬫᬜᬶᬗᬓ᭄᭞ᬚᬦ᭄ᬫᬦᬾᬓᬲᬶᬄᬳᬰᬶᬄ᭞ᬮᬳᬸ
ᬢ᭄ᬫᬦᬓᬾᬦᬂ᭞ᬩᬧᬵᬦᬶᬓᬵᬯᬗᬧ᭞ᬩ᭄ᬭᬕ᭄ᬤᭂᬓᬶᬮ᭄ᬧᬲᬸᬭᬦ᭄ᬢᬶᬂ᭞ᬧᬤᬍᬫ᭄ᬢ᭄ᬬᬂ᭞ᬢ᭄ᬬᬂᬫ᭄ᬩᬳᬂᬳ᭄ᬬᬧᬶᬧᬶᬲ᭄᭟ᬳᬶᬗ᭄ᬕᬶᬄᬭᬢᬸᬳᬶᬧᬸᬦ᭄ᬫᬸᬮᬵ
ᬭᬾᬜ᭄ᬘᬂᬢᬶᬢ᭄ᬬᬂ᭞ᬲᬓᬶᬂᬧᬤᬲᬦ᭄ᬓᬗᬶᬦ᭄᭞ᬫᬸᬮᬜᬩ᭄ᬭᬦ᭄ᬜᬩ᭄ᬭᬦ᭄‌᭞ᬳᬶᬧᬸᬦ᭄ᬗᭂᬤᬶᬄᬘᬭᬶᬓᬦ᭄᭞ᬩ᭄ᬢᭂᬓ᭄ᬳᬦ᭄ᬢᬸᬓ᭄ᬫᬦᭂᬓᬵᬗ᭄ᬲᬶ᭞ᬫ