Kaca puniki sampun kauji-wacén
[᭕᭑51B]
᭕᭑
ᬳᬸᬤᬾᬗᬸᬧᬶ᭞ᬯᭀᬂᬤᬤᬶᬢᬸᬩᬶᬤᬂ᭞ᬩᬦᬾᬢᬸᬫ᭄ᬩᬾᬦ᭄ᬗᬫ᭄ᬩᬸ᭠ᬭᬵ᭞ᬲᬯᬢ᭄ᬬᬦ᭄ᬳᬓᬸᬤᬂᬕᬸᬫᬶ᭞ᬲ᭄ᬕᬭᬵᬮᬶᬗ᭄ᬕᬄ᭞ᬕᬸᬦᬹᬂᬮᬶᬬᬸᬳᬸ
ᬗ᭄ᬓᬸᬮᬶᬦ᭄᭟ᬫᬦᬶᬲ᭄ᬫᭂᬂᬫᬢᬗᬶᬚᬕᬓᬢᬫᬦ᭄᭞ᬧ᭄ᬥᭂᬓ᭄ᬗᬢᬸᬭᬂᬪᬓ᭄ᬢᬶ᭞ᬘᭂᬦ᭄ᬤᭂᬢᬂᬳᬸᬘᬧᬂ᭞ᬭᬯᬸᬄᬳᬸᬮᬶᬤᬶᬧᬹᬭᬵ᭞ᬮᬾᬦ᭄ᬳᬤᬵᬘ᭄ᬭᬶᬢ
ᬬᬂᬚᬦᬶ᭞ᬦᬸᬚᬸᬕᭀᬘᬾᬓᬦ᭄᭞ᬘᬓ᭄ᬘᬓᬦ᭄ᬥᬶᬧᭀᬄᬕᬥᬶᬂ᭟ᬘᭀᬓᭀᬭᬢᬸᬲᬸᬩᬫᬲᬮᬶᬦᬦ᭄ᬯᬲ᭄ᬢ᭄ᬭ᭞ᬕᬕᬸᬮᬸᬂᬤᬤᬹᬗᭂᬦ᭄ᬤᬶᬄ᭞
ᬦᬾᬫᬓᬓᬬᭀᬦᬦ᭄᭞ᬩᬩᬲᬅ᭄ᬩᬢᬶᬓ᭄ᬲᬸᬢ᭄ᬭᬵ᭞ᬓᬸᬦᬶᬂᬲᭀᬭᭀᬄᬜᬾᬓᭂᬢ᭄ᬭᬶᬗ᭄ᬕᬶᬢ᭄᭞ᬫᬓᬫ᭄ᬧᬸᬄᬕᬤᬂᬕᬕᬸᬗᬾᬫᬢ᭄ᬮᬸ
[᭕᭒52A]
ᬓᬶ᭟ᬜᬸᬂᬓ᭄ᬮᬶᬢ᭄ᬓ᭄ᬭᬶᬲ᭄ᬫᬳᬾᬭᬗ᭄ᬓᬵᬓᬓᭀᬚᭀᬂᬗᬦ᭄ᬫᬲ᭄᭞ᬫ᭠ᬤᬗᬦᬦ᭄ᬕᬭᬦ᭄ᬢᬶᬫ᭄᭞ᬗᭂᬦ᭄ᬤᬶᬄᬩᬦ᭄ᬱᭀᬲᭀᬯᬦ᭄᭞ᬲ᭄ᬮᬢ᭄ᬚᬶᬦᬯ᭄ᬯᬵ
ᬚᬯ᭄ᬯᬵ᭞ᬓᬯᬘ᭄ᬘᬵᬧᬸᬢᬶᬄᬫᬲ᭄ᬮᬶᬫ᭄᭞ᬫᬫᭀᬤ᭄ᬭᬾᬳ᭄ᬫᬲ᭄᭞ᬩᬸᬗ᭄ᬓᬸᬂᬯᬶᬦ᭄ᬢᭂᬦ᭄ᬤᬶᬓᬘ᭄ᬘᬶᬂ᭟ᬗᬫ᭄ᬩᬶᬮ᭄ᬢᬸᬧᬶᬲᬼᬫᬫᭀᬤ᭄ᬭᬾᬩᬦ᭄ᬳᭂᬫᬲ᭄᭞ᬕᬸ
ᬦ᭄ᬢᬸᬳᬢᬧ᭄ᬗᬾᬤᬦᬶᬦ᭄᭞ᬓ᭄ᬜᭂᬫᬦ᭄ᬤᬶᬓᬵ᭞ᬳᬶᬤᭀᬓ᭄ᬧᬭ᭠ᬦᬶᬂᬘᬶᬗᬓ᭄᭞ᬦᬄᬚᬮᬦ᭄ᬚᬦᬶᬫᬮᬮᬶ᭞ᬫᬗᬯᬲ᭄ᬧᬬᬃ᭞ᬳᬶ᭠
ᬤᭀᬓᬳᬢᬹᬃᬓ᭄ᬬᬶᬂ᭟ᬦᬸᬦᬲ᭄ᬭᬢᬸᬓᭂᬧᭀᬳᬥᬸᬂᬫᬗ᭄ᬓᭂᬦ᭄ᬧᬢ᭠ᬲ᭄᭞ᬯᬾᬦ᭄ᬢᭂᬦ᭄ᬓᬓᬼᬘᬦ᭄ᬩᭂᬘᬶᬓ᭄᭞ᬗᬶᬂᬲᬫ᭄ᬧᬸᬦᬂᬫᬩ᭄ᬯᬢ᭄᭞ᬫᬮᬶ᭠
