[᭘ 8B]
᭘
ᬦ᭄ᬬᬰᬶᬦᬸᬦ᭄ᬬᬦᬶᬂᬗ᭄ᬯᬂ᭛ᬲᬂᬲᬶᬧ᭄ᬢᬢᬾᬓᬶᬯᬯᬸᬲᬶᬗ᭄ᬯᬗᬶᬚᭃᬂᬓᬭᬵᬃᬬ᭄ᬬ᭞ᬢᬦ᭄ᬯᬂᬫᬯᬮ᭄ᬓᬮᬚᬸᬕᬾᬓᬧᬶᬦᬡ᭄ᬥᬶᬢᬾᬂᬭᬵᬢ᭄᭞ᬢᬦ᭄ᬫᬡ᭄ᬥᬶᬭᬹᬧᬢᬸᬯᬶᬢᬦ᭄ᬲᬶᬫᬮᬶᬗ᭄ᬕᬫᬹᬃᬤ᭄ᬥ᭞ᬯᬳ᭄ᬬᬵᬢ᭄ᬫᬢᭀᬯᬶᬓ᭄ᬢᬬᬦ᭄ᬫᬓᬫᬹᬃᬢ᭄ᬢᬶᬲᬂᬳ᭄ᬬᬂ᭛ᬬᬧ᭄ᬯᬦ᭄ᬯᬶᬰᬾᬱᬭᬢᬸᬫᬗ᭄ᬕᬮᬢᬾ
ᬓᬶᬧᬵᬧ᭞ᬬᬦ᭄ᬧ᭛ᬭᬹᬧᬚᬸᬕᬫᬗ᭄ᬕᬳᬢᬗ᭄ᬓᬤᬶᬩ᭄ᬬᬦ᭄᭞ᬤᭀᬳᬬ᭄ᬯᬫᬗ᭄ᬓᬦᬢ᭄ᬓᬧ᭄ᬦᬭᬦᬵᬬ᭄ᬳᬧᬸᬢ᭄ᬭ᭞ᬚ᭄ᬜᬵᬦᬵᬢᬶᬰᬸᬤ᭄ᬥᬧᬭᬫᬵᬃᬣᬯᬶᬰᬾᬱᬫᬸᬮ᭄ᬬ᭛ᬲᬂᬧᬡ᭄ᬥᬶᬢᬵᬃᬬ᭄ᬬᬦᬕᬭᬷᬓᬗᬸᬰᬵᬦᬢᭀᬦᭂᬦ᭄᭞ᬲ᭄ᬢ᭄ᬭᬷᬭᬵᬢ᭄ᬦᬧᬵᬚᬭᬦᬶᬭᬾᬓᬶ
ᬫᬳᬵᬢᬶᬭᬵᬫ᭄ᬬ᭞ᬮᬷᬮᬵᬕᬕᬵᬫᬢᬸᬦᬶᬭᬹᬫ᭄ᬦᬶᬗᬓᬸᬂᬓᬮᬗ᭄ᬯᬦ᭄᭞ᬮᭀᬮ᭄ᬬᬵᬦᬘᬄᬲᬶᬭᬦᬫᬸᬓ᭄ᬢᬶᬲᬲᬾ᭠ᬦᬶᬂᬓᬾᬦ᭄᭛ᬋᬚᬵᬲᬫᬵᬥᬶᬭᬶᬦ᭄ᬕᭂᬧ᭄ᬦᬶᬭᬥᬷᬭᬘᬷᬢ᭄ᬢ᭞ᬗ᭄ᬓᬵᬦᬾᬢ᭄ᬗᬄᬫᬶᬗᬶᬗᬭᬹᬫ᭄ᬫᬮᬸᬭᬹᬲᬸᬕᬡ᭄ᬥ᭞ᬫᬦ᭄ᬢ᭄ᬭᬦ᭄ᬬᬢᬧ᭄ᬯᬋᬗᬶᬳᬶᬓ
ᬓ᭄ᬦᬦ᭄ᬲ᭄ᬫᬭᬵᬫ᭄ᬭᬢ᭄᭞ᬲᬸᬲ᭄ᬯᬵᬃᬚ᭄ᬚᬮᬾᬧᬦᬬᬬᬦ᭄ᬢᬸᬫᬫ᭄ᬯᬂᬓᬲᬶᬤ᭄ᬤ᭄ᬬᬦ᭄᭛ᬦᬵᬮᬶᬂᬤ᭄ᬯᬶᬚᬾᬦ᭄ᬤ᭄ᬭᬲᬳᬰᬵᬲ᭄ᬢ᭄ᬭᬲᬳᭀᬧᬤᬾᬰ᭞ᬲᬂᬰ᭄ᬭᬶᬦᬭᬾᬦ᭄ᬤ᭄ᬭᬲᬸᬢᬲᬵᬃᬚ᭄ᬚᬯᬬᬢ᭄ᬦᬫᭀᬚᬭ᭄᭞ᬯ᭄ᬭᬸᬄᬗ᭄ᬯᬂᬫᬢᬾᬓᬶᬬᬦᬲᬶᬗ᭄ᬕ᭄ᬯᬦᬦᬶᬂᬫᬬᭀᬕ᭞
[᭙ 9a]
ᬬᬦ᭄ᬧᬡ᭄ᬥᬶᬢᬂᬫᬦᬳᬘᬶᬦ᭄ᬢ᭄ᬬᬯᬶᬰᬾᬱᬭᬶᬂᬭᬢ᭄᭞᭛ᬗ᭄ᬳᬶᬂᬤᬸᬃᬮ᭄ᬮᬪᬾᬓᬶᬲᬗᬦᭂᬫ᭄ᬯᬲᬶᬭᬾᬂᬲ᭄ᬯᬭᬵᬚ᭄ᬬ᭞ᬲᬂᬦᬶᬲ᭄ᬧ᭄ᬭᬬᭀᬚᬦᬬᬬᬦ᭄ᬲᬶᬭᬓᬾᬧ᭄ᬯᬦᬫ᭄ᬩᭂᬓ᭄᭞ᬤᬾᬦᬶᬂᬩ᭄ᬬᬫᭀᬳᬭᬶᬓᬰᬓ᭄ᬢᬶᬦᬶᬗᬶᬦ᭄ᬤ᭄ᬭᬶᬬᬵᬃᬣ᭞ᬭ᭄ᬲᬵᬕ᭄ᬲᬵᬤᬶᬬᬾᬓᬫᬕᬯᬾᬲᬲᬭᬶᬂᬓ
ᬫᭀᬓ᭄ᬱᬦ᭄᭛ᬓᬓ᭄ᬬᬵᬢᬶᬭᬶᬂᬕᬶᬭᬶᬬᬢᭀᬗ᭄ᬳ᭄ᬯᬦᬶᬂᬫᬬᭀᬕ᭞ᬫᭀᬦ᭄ᬲᬾᬢ᭄ᬭᬲᬶᬦ᭄ᬤᬸᬯᬦᬤᬸᬃᬕ᭄ᬕᬪᬯᬦ᭄ᬓᬋᬲ᭄ᬋᬲ᭄᭞ᬭᬶᬂᬰᬹᬫᬦ᭄ᬬᬫᬃᬕ᭄ᬕᬢᬸᬯᬶᬬᭀᬕ᭄ᬬᬗᬦᬸᬂᬬᬪᬹᬭ᭞ᬲᬗ᭄ᬓᬾᬂᬓᬥᬢ᭄ᬯᬦᬸᬲᬶᬋᬦ᭄ᬧᬭᬫᭀᬢ᭄ᬢᬫᬾᬓ᭛ᬦ᭄ᬲᬵᬳᬦ᭄ᬯᬸᬯᬸᬲ᭄ᬦᬶᬭ
ᬢᬢᬦ᭄ᬓᬯ᭄ᬦᬂᬯᬶᬦᬶᬖ᭄ᬦᬦ᭄᭞ᬰ᭄ᬭᬷᬳᬲ᭄ᬢᬶᬦᬾᬦ᭄ᬤ᭄ᬭᬓᬮᬯᬦ᭄ᬦᬭᬦᬵᬣᬧᬢ᭄ᬦᬶ᭞ᬓᭂᬤ᭄ᬯᬵᬫᬭᬩ᭄ᬬᬓ᭄ᬦᬮᬶᬂᬦᬶᬭᬓ᭄ᬯᬫᬗ᭄ᬓᬾ᭞ᬭᬹᬚᬦ᭄ᬲᬶᬭᬾᬂᬦᬕᬭᬤᬾᬧᬭᬯᬷᬭᬲᬗ᭄ᬖ᭄ᬬ᭛ᬦ᭄ᬤᬦ᭄ᬭᬶᬂᬲᬫᬦ᭄ᬢᬭᬲᬸᬭᬸᬧ᭄ᬦᬶᬭᬲᬂᬳ᭄ᬬᬂᬗᬵᬃᬓ᭄ᬓ᭞ᬲᬵᬫ᭄ᬧᬸᬦ᭄ᬮᬸᬕᬲ᭄ᬭᬶᬧᬧᬸᬧᬸ
ᬮ᭄ᬦᬭᬦᬵᬣᬭᬶᬂᬚ᭄ᬭᭀ᭞ᬲᬂᬰ᭄ᬭᬷᬦᬭᬾᬦ᭄ᬤ᭄ᬭᬲᬸᬢᬰ᭄ᬭᬷᬖ᭄ᬭᬢ᭄ᬓᬾᬂᬲ᭄ᬯᬯᬾᬰ᭄ᬫ᭞ᬫ᭄ᬯᬂᬯᬷᬭᬲᬾᬦᬳᬸᬫᬶᬭᬶᬂᬧᬥᬤᬶᬩ᭄ᬬᬭᬹᬧ᭛᭜᭛ᬢᬶᬲ᭄ᬢᬶᬲ᭄ᬫᬵᬲᬧᬶᬮᬶᬄᬢᬩᬾᬄᬧᬢᬶᬓ᭄ᬚᭂᬧ᭄ᬦᬶᬗᬓ᭄ᬫᬶᬢᬶᬲᬶᬭᬂᬦᬭᬾᬦ᭄ᬤ᭄ᬭᬢᬦᬬ᭞ᬫᬫ᭄ᬧᭂᬄᬰᬩ᭄ᬤᬦᬶᬓᬂᬕᬭᬦ᭄ᬢᬸᬗᬮ
Kaca:Bali-lontar-kakawin-sutasoma-250ppi.pdf/9
Kaca puniki sampun kauji-wacén
