Kaca:Bali-lontar-gaguritan-yogga-murtti-300ppi.pdf/32

Saking Wikisource
Kaca puniki sampun kauji-wacén

[᭓᭑ 31B]
᭓᭑
ᬮ᭄ᬯᬶᬃᬫᬪᬓ᭄ᬢᬶ᭞ᬗᬯᬾᬲᬶᬓᬦ᭄ᬧᬭᬢᬧ᭟ᬫᬗ᭄ᬓᬶᬦ᭄ᬫᬘᬦᬾᬓᬘᬶᬗᬓ᭄᭞ᬧᬘᬂᬦ᭄ᬤᬧᬦᬓ᭄ᬳᬮᬶᬢ᭄᭞ᬲᬂᬲᬸᬢᬰᭀᬫᬗ᭄ᬮᬶᬲᬂ᭞ᬫᬶᬢᬸᬢᬸᬭᬶᬦ᭄ᬲᬃᬯ᭄ᬯᬳᬬᬸ᭞ᬳᬶᬄᬩᬶᬩᬶᬳᬦ᭄ᬤᭂᬕᬂᬧᬶᬲᬦ᭄᭞ᬓ᭄ᬦᭂᬄ
ᬳᬧᬮᬶᬂ᭞ᬦᬤᬄᬧᬦᬄᬓᬩ᭄ᬯᬄᬩᬲᬂ᭟ᬤᬶᬫᬢᬶᬦᬾᬢᬶᬩᬾᬂᬓᬯᬄ᭞ᬯ᭄ᬬᬤᬶᬦ᭄ᬳᬶᬧᬦᬓ᭄‌ᬦᬾᬩᬦᬶ᭞ᬗᬯᬾᬲᬗ᭄ᬲᬭᬦ᭄ᬭᬭᬫ᭞ᬧᬤᬭᬶᬂᬳᬮ᭄ᬧᬓᬕᬸᬭᬸ᭞ᬧᬧᬢᬶᬩᬾᬂᬬᬫᬮᭀᬓ᭞ᬦ᭄ᬭᬓᬲ
ᬓᬶᬢ᭄᭞ᬳᬸᬭᬶᬧᬾᬧᬤᬮᬦ᭄ᬧ᭄ᬚᬄ᭟ᬲ᭄ᬬᬸᬓ᭄ᬢᬶᬢᬳᬸᬦ᭄ᬧᬧ᭞ᬳᬢ᭄ᬫᬦ᭄ᬬᬲᬗ᭄ᬲᬭᬲ᭄ᬤᬶᬄ᭞ᬳᬸᬚᬭᬶᬂᬳᬚᬶᬉᬢ᭄ᬢᬫ᭞ᬬᬾᬦ᭄ᬧᬦᬓ᭄‌ᬮ᭄ᬯᬶᬄᬓᬾᬃᬣᬶᬓᬲᬸᬩ᭄᭞ᬭᬶᬂᬪᬸᬯᬦᬮ᭄ᬯᬶᬃᬢ᭄ᬮᬕᬚᬶᬫ᭄ᬩᬃ᭞ᬍᬧᬲ᭄ᬲᬫᬶ᭞
ᬲᬧᬧᬦᬶᬂᬫᬾᬫᬾᬩᬧ᭟ᬢ᭄ᬭᬸᬲ᭄‌ᬫᭀᬮᬶᬳᬶᬂᬓᬫᭀᬓ᭄ᬱᬦ᭄᭞ᬜ᭄ᬯᬃᬕ᭄ᬕᬦᬶᬃᬯᬦᬮᬸᬯᬶᬄ᭞ᬲᬧᬸᬦᬶᬓᬢᬸᬢᬸᬃᬳᬶᬤ᭞ᬳᬶᬫᬘᬦ᭄ᬳᬸᬦᬶᬂᬫᬳᬢᬸᬃ᭞ᬤᬳᬢ᭄ᬧᬢᬸᬢ᭄‌ᬮ᭄ᬯᬶᬃᬯᬘᬦ᭞ᬢᬶᬢ᭄ᬬᬂᬧᬮᬶᬂ᭞ᬫᬳ
[᭓᭒ 32A]
ᬯᬶᬦᬦ᭄ᬦᭂᬤᬧ᭄ᬬᬦᬓ᭄᭟ᬳᬸᬮᬸᬦ᭄‌ᬯᬸᬲ᭄ᬗᬸᬮᬢᬶᬮ᭄ᬬᬦ᭄᭞ᬮᬘᬸᬃᬦᬾᬦ᭄ᬢᭂᬦ᭄ᬧᬶᬲᬦ᭄ᬧᭀᬮᬶᬄ᭞ᬲᬢᭀᬲᬚ᭄ᬭᭀᬦᬶᬂᬯᬦ᭞ᬯᭂᬭᬾᬓᬶᬤᬂᬫᬶᬯᬄᬮᬸᬢᬸᬂ᭞ᬲᬓᬜ᭄ᬘᬦ᭄ᬬᬫ᭄ᬮᬳᬶᬩ᭄ᬲᬫ᭄ᬬᬦ᭄᭞ᬓᬭᬩᬫ
ᬗ᭄ᬓᬶᬦ᭄᭞ᬦᭂᬤᬧᬦᬓ᭄ᬳᬦ᭄ᬢᬸᬓ᭄ᬮᬬᬄ᭟ᬲᬂᬲᬸᬢᬰᭀᬫᬫᬓᬲᬶᬳᬦ᭄᭞ᬓᬯ᭄ᬮᬲᬂᬋᬦ᭄‌ᬲᬳᬢᬗᬶᬲ᭄᭞ᬳᬶᬤᬮᬲ᭄ᬫᬥᬃᬫ᭄ᬫᬭᬕ᭞ᬓᬗ᭄ᬕᬾᬦ᭄‌ᬗᭂᬦ᭄ᬢᭀᬲᬶᬦ᭄ᬫᬦᬸᬮᬸᬂ᭞ᬧᬦᬓ᭄ᬫᬘᬦ᭄ᬧᬂᬳᬸᬭᬶᬧ᭞ᬢ
ᬦ᭄ᬳᬚ᭄ᬭᬶᬄ᭞ᬳᬶᬤᬓᬲᬭᬧ᭄ᬩᬦ᭄ᬫᬘᬦ᭄᭟ᬳᬶᬫᬘᬦ᭄ᬗᬮᬾᬩᬂᬧᬦᬓ᭄᭞ᬓᬮᬶᬦ᭄ᬢᬂᬓᭂᬦ᭄ᬤᭂᬮ᭄‌ᬦᬾᬫᬗ᭄ᬓᬶᬦ᭄᭞ᬧᬘᬂᬜᬭᬧ᭄‌ᬲᬸᬢᬰᭀᬫ᭞ᬲᬳᬲᬭᬭᬶᬲ᭄ᬫᬚᬸᬚᬸᬓ᭄᭞ᬫᬢᬦ᭄ᬬᬲᬢ᭄ᬲᬹᬃᬬ᭄ᬬ
ᬓᭂᬫ᭄ᬩᬂ᭞ᬲᬮᬶᬂᬮᬜᬶᬂ᭞ᬩᬸᬗᬸᬢ᭄ᬦ᭄ᬬᬜᭂᬩᬓ᭄ᬮᬶᬗ᭄ᬕᬄ᭟ᬓᬸᬓᬸᬭᬗ᭄ᬕᬧ᭄‌ᬜᬺᬕᭂᬧ᭄ᬜᬭᬧ᭄᭞ᬫᬸᬜ᭄ᬘ᭄ᬭᬢ᭄ᬭᬄᬳᬶᬤᬲᬂᬮ᭄ᬯᬶᬄ᭞ᬓᬳᬶᬲᭂᬧ᭄ᬳᬦ᭄ᬢᬸᬓ᭄ᬳᬶᬫᬘᬦ᭄᭞ᬧᬂᬍᬧᬲ᭄ᬓᬭᬗ᭄ᬲᬸᬓ᭄‌ᬢ᭄ᬭᬸᬲ᭄᭞ᬲᬂᬫᭀᬓ᭄ᬱᬄᬓᬪᬸ