Kaca:Bali-lontar-gaguritan-yogga-murtti-300ppi.pdf/31

Saking Wikisource
Kaca puniki sampun kauji-wacén

[᭓᭐ 30B]
᭓᭐
ᬦᬦ᭄ᬕᭂᬮᬶᬲ᭄‌ᬓᬲᬫ᭄ᬩᬸᬢ᭄᭞ᬲᬜ᭄ᬚᬢᬩᬚ᭄ᬭᬉᬢ᭄ᬢᬫ᭞ᬩᬦ᭄ᬲᬫᬥᬶ᭞ᬳᬶᬓᬭᬭᬶᬲ᭄ᬓᬧ᭄ᬭᬮᬶᬦ᭟ᬭᬶᬂᬢᭂᬍᬗᬶᬂᬓᬳ᭄ᬬᬸᬦ᭄ᬳᬶᬤ᭞ᬓᬾᬦ᭄ᬢᭂᬦ᭄ᬧᬗ᭄ᬭᬕᬦ᭄ᬲᬂᬮ᭄ᬯᬶᬄ᭞ᬳᬶᬕᬚᬄᬯᬓ᭄ᬢ᭄ᬭᬫᬜᭂᬫ᭄ᬩᬄ᭞ᬗᬶᬭᬶᬂ
ᬫ᭄ᬬᭀᬕᬲᬧᬓᬳ᭄ᬬᬸᬦ᭄᭞ᬢ᭄ᬯᬶᬭᬶᬂᬕᬸᬦᬸᬂᬲᬸᬫᬾᬭᬸᬦᬾ᭞ᬫᬩ᭄ᬭᬢᬩ᭄ᬘᬶᬓ᭄᭞ᬲᬋᬂᬪᬕᬯᬦ᭄‌ᬓᬾᬰᬯ᭟ᬫᬗ᭄ᬓᬶᬦ᭄ᬓᬦ᭄ᬢᭂᬦ᭄ᬦᬕᬕᭀᬭ᭞ᬭᬳᬸᬄᬲᬓᬶᬂᬧᬸᬘᬓ᭄ᬕᬶᬭᬶ᭞ᬰ᭄ᬯᬭᬦ᭄ᬬᬗᭀᬓᭀᬓ᭄ᬕᬮᬓ᭄᭞
ᬜᬤ᭄ᬬᬧᬘᬂᬫᬗᬦ᭄ᬗᬸᬮᬸᬄ᭞ᬲᬂᬲᬸᬢᬰᭀᬫᬉᬢ᭄ᬢᬫ᭞ᬓᬳᬮᬗᬶᬦ᭄ᬳᬦ᭄ᬢᬸᬓ᭄‌ᬕᬚᬄᬯᬓ᭄ᬢ᭄ᬭᬲᬢ᭄ᬬ᭟ᬢ᭄ᬯᬶᬮᬲ᭄ᬫᬗᭂᬢᭀᬳᬂᬚᬶᬯ᭞ᬳᬕᭂᬂᬭᬕᬢ᭄ᬭᬸᬲ᭄ᬓᬮᬶᬮᬶᬄ᭞ᬮ᭄ᬯᬶᬃᬫᬦ᭄ᬤᬭᬕᬶᬭᬶᬦᬾ᭞ᬦᬕ
ᬗᬸᬢᬶᬮ᭄ᬮᬦ᭄ᬫᬜᬶᬫ᭄ᬩᬸᬄ᭞ᬫ᭄ᬯᬫᬢᬦ᭄ᬕᬚᬄᬯᬓ᭄ᬢ᭄ᬭ᭞ᬦᭀᬭᬕᬶᬗ᭄ᬲᬶᬃ᭞ᬳᬗᬶᬦ᭄ᬳᬧᬶᬓᬕ᭄ᬮᬭᬂ᭟ᬫᬓᬧᬗᭂᬲᭂᬗᬦ᭄ᬦᬕ᭞ᬲᬂᬲᬸᬢᬰᭀᬫᬦᬸᬢᬸᬭᬶᬦ᭄᭞ᬲᬋᬂᬲᬂᬋᬱᬶᬓᬾᬰᬯ᭞ᬤᬫᬫ
[᭓᭑ 31A]
ᬢᬶᬫᬢᬶᬳᬶᬤᬸᬧ᭄᭞ᬲᬂᬤ᭄ᬯᬶᬚᬫᬩᬸᬥᬶᬪᬸᬥ᭞ᬧ᭄ᬭᬕᬦ᭄ᬲᬂᬮ᭄ᬯᬶᬄ᭞ᬲᬂᬳ᭄ᬬᬂᬪᬸᬤ᭄ᬥᬫᬉᬢ᭄ᬢᬫ᭟ᬲᬢ᭄ᬬᬭᬶᬂᬥᬃᬫ᭄ᬫᬮᬓ᭄ᬱᬡ᭞ᬗᭀᬮᬲᬶᬦ᭄ᬲᬃᬯ᭄ᬯᬫᬳᬸᬭᬶᬧ᭄᭞ᬲᬓᬶᬂᬲᬸᬰ᭄ᬭᬸᬲᬦᬶᬃᬫ᭄ᬫᬮ᭞ᬯ᭄ᬬᬤᬶᬦ᭄ᬭᬶᬂᬲᬂᬫ᭄ᬭᬕ
ᬰᬢ᭄ᬭᬸ᭞ᬳᬤ᭄ᬜᬦᬢ᭄ᬭᬸᬲ᭄ᬦᬶᬂᬫᬮᬶᬮᬂ᭞ᬳᬬᬸᬯᭂᬃᬥᬶ᭞ᬓᬢᬶᬩᬓᬂᬭᬶᬂᬭᬶᬧᬸᬦ᭄ᬬ᭟ᬫᬓᬧᬫᬸᬦᬄᬓ᭄ᬭᭀᬥ᭞ᬗᬲᭀᬃᬳᭀᬮᬶᬄᬓᬳ᭄ᬬᬸᬦ᭄ᬲᬸᬘᬶ᭞ᬰᬢ᭄ᬭᬸᬫᬢ᭄ᬫᬳᬦ᭄‌ᬭ᭄ᬯᬂ᭞ᬦᬶᬓᬓᬳᬶᬭᬶᬗᬂᬢ᭄ᬭᬸᬲ᭄᭞ᬳᬦ᭄ᬢᬸ
ᬓ᭄ᬲᬂᬕᬚᬄᬯᬓ᭄ᬢ᭄ᬭ᭞ᬢᬸᬲ᭄ᬦᬶᬂᬲᬂᬮ᭄ᬯᬶᬄ᭞ᬢᬦ᭄ᬲᬄᬗᭂᬭᬳᬬ᭄ᬯᬂᬚᬕᬢ᭄᭞ᬓᬮᬾᬲ᭄ᬧᬗ᭄ᬮᬶᬮᬶᬢ᭄ᬳᬶᬦᬕ᭞ᬢ᭄ᬭᬸᬲ᭄ᬦᬸᬗ᭄ᬓᬸᬮ᭄ᬫᬤ᭄ᬯᬶᬚᬢᬶ᭞ᬲᬂᬕᬚᬄᬯᬓ᭄ᬢ᭄ᬭᬫᬢᬸᬢᬂ᭞ᬭᬶᬂᬳᬶᬤᬲᬂᬫ᭄ᬭᬕᬕᬸᬭᬸ᭞ᬲᬂᬲᬸᬢᬰᭀᬫ
ᬦᬶᬃᬫ᭄ᬫᬮ᭞ᬗᬮᬸᬕ᭄ᬭᬳᬶᬦ᭄᭞ᬧᬯᬶᬰᬶᬓ᭄‌ᬮ᭄ᬯᬶᬄᬉᬢ᭄ᬢᬫ᭟ᬲᬂᬲᬸᬢᬰᭀᬫᬦ᭄ᬭᬸᬲᬂ᭞ᬫᬫᬃᬕ᭄ᬕᬶᬦᬾᬲᬋᬂᬲᬫᬶ᭞ᬳᬗᬶᬦ᭄‌ᬚ᭄ᬭᭀᬦᬶᬂᬯᬦ᭞ᬗᬫ᭄ᬧᭂᬳᬂᬲ᭄ᬓᬭᬾᬳᬭᬸᬫ᭄᭞ᬭᬶᬂᬳᬚᭂᬂᬲᬂᬲᬸᬢᬰᭀᬫ᭞