[᭒᭘ 28B]
᭒᭘
ᬩᬚ᭄ᬭ᭞ᬫᬢ᭄ᬬᬂᬕ᭄ᬮᬄ᭞ᬫᬘᬦ᭄ᬕ᭄ᬭᬸᬤᬦᬾᬯᬧᬸᬢᬸᬲ᭄᭞ᬦᬾᬯᬦᬾᬦ᭄ᬫᬳᬶᬫᬗᭂᬦ᭄ᬢᬧ᭄᭞ᬳᬧᬩ᭄ᬯᬶᬦ᭄ᬩᬸᬓᬘᬳᬶ᭟ᬲᬂᬯᬯᬸᬧ᭄ᬭᬧ᭄ᬢᬗᬦ᭄ᬤᬶᬓ᭞ᬳᬧᬂᬢᬯᬂ᭞ᬢ᭄ᬯᬶᬲᬂᬲᬸᬢᬰᭀᬫᬓᬳᬶ᭞ᬳᭀᬓᬦ᭄ᬲᬂ
ᬧ᭄ᬭᬪᬸᬓᬾᬢᬸ᭞ᬦᬾᬭᬶᬂᬳᬱ᭄ᬝᬶᬦᬦᬕᬭ᭞ᬧᬘᬂᬫ᭄ᬬᬲ᭞ᬗᬸᬗ᭄ᬲᬶᬕᬸᬦᬸᬂᬫᬳᬫᬾᬭᬸ᭞ᬓ᭄ᬭᬡᬢ᭄ᬓᬫᬳᬶᬫᭂᬦ᭄ᬢᬲ᭄᭞ᬫᬥᬃᬫ᭄ᬫᬧᬢᬸᬢ᭄ᬭᬶᬂᬪᬸᬫᬶ᭟᭜᭟ᬕᬶᬦᬤ᭟ᬕᬶᬦᬤᬜᬫ᭄ᬩᬸᬂᬘᭂᬭᬶᬢ᭞ᬤᬸᬓ᭄ᬕ
ᬚᬄᬯᬾᬓ᭄ᬢ᭄ᬭᬦᬾᬩ᭄ᬭᬂᬢᬶ᭞ᬢ᭄ᬭᬸᬲ᭄ᬳᬶᬤᬲᬂᬲᬸᬢᬰᭀᬫ᭞ᬫᬶᬢᬸᬢᬸᬭᬶᬦ᭄ᬲᬃᬯ᭄ᬯᬳᬬᬸ᭞ᬲᬂᬫᬫᬢᬶᬫᬢᬶᬧᬧ᭞ᬲᬗ᭄ᬲᬭᬢ᭄ᬯᬶ᭞ᬢᬶᬩᬭᬶᬂᬬᬫᬦᬶᬮᭀᬓ᭟ᬲ᭄ᬬᬸᬢᭂᬫ᭄ᬯᬂᬮᬯᬦ᭄ᬦ᭄ᬬ᭞ᬲᬶᬦᬓᬶᬢᬦ᭄ᬲ᭄ᬬᬮᬢ᭄ᬭᬶ᭞ᬳᭀ
ᬮᬶᬄᬲᬂᬓᬭᬩᬮᬦᬾ᭞ᬳᬢ᭄ᬫᬦᬾᬦᬭᬓᬲᬸᬗ᭄ᬲᬸᬢ᭄᭞ᬓᬮᬭᬮᬭᬤᬸᬄᬓᬶᬢ᭞ᬲᬢ᭄ᬗᬄᬫᬢᬶ᭞ᬦ᭄ᬫᬸᬓᬃᬫ᭄ᬫᬨᬮᬳᬶᬓ᭟ᬓᬾᬢᭀᬬᬾᬦ᭄ᬥᬃᬫ᭄ᬫᬦᬾᬳᬶᬮᬂ᭞ᬲᬤ᭄ᬭᬶᬧᬸᬦᬾᬗᬮᬶᬧᬸᬢᬶᬦ᭄
[᭒᭙ 29A]
᭞ᬫᬸᬲᬸᬳᬾᬦᭂᬫ᭄ᬦᭂᬫ᭄ᬭᬶᬂᬭᬕ᭞ᬫ᭄ᬯᬲ᭄ᬢᬸᬕᬮᬓ᭄ᬗ᭄ᬭᬸᬲᬓ᭄ᬫᬸᬭᬸᬩ᭄᭞ᬢᭀᬗ᭄ᬭᬦᬂᬕ᭄ᬲᭂᬂᬭᬕᬦᬾ᭞ᬧᬢᬸᬢ᭄ᬩᬮᬶᬓ᭄᭞ᬓᬥᬃᬫ᭄ᬫᬦᬾᬮᬓ᭄ᬱᬡᬬᬂ᭟ᬲᬶᬥᬫᬓᬓᬦ᭄ᬢᬶᬦ᭄ᬚᬕᬢ᭄᭞ᬕᬚᬄᬯᬓ᭄ᬢ᭄ᬭᬲ
ᬮᬄᬢᬫ᭄ᬧᬶ᭞ᬢ᭄ᬯᬶᬩ᭄ᬭᬗ᭄ᬢᬶᬫᬫᬸᬃᬣᬶᬕᭀᬭ᭞ᬯᬃᬡ᭄ᬦᬲᭂᬍᬫ᭄ᬗᬺᬱᬶᬦ᭄ᬓᬳ᭄ᬬᬸᬦ᭄᭞ᬲᬓ᭄ᬱᬡᬫᬘᬢᬸᬃᬩᬸᬚ᭞ᬗᬚᬯᭀᬓᬶᬦ᭄᭞ᬗᭂᬭᬕ᭄ᬬᬳᬂᬲᬂᬳ᭄ᬬᬂᬕᬦ᭟ᬘᭀᬘᭀᬃᬦ᭄ᬬᬲᬢᬸᬲ᭄ᬧᬜ᭄ᬚᬂ᭞ᬓᬤᬶᬓᬮᬦ᭄ᬢᬓᬲᬶᬗᬶᬢ᭄
᭞ᬮᬦ᭄ᬮ᭄ᬯᬶᬃᬳ᭄ᬬᬂᬳᬦ᭄ᬢᬩᭀᬕ᭞ᬕ᭄ᬦᬶᬦᬾᬳᬕᭂᬂᬗ᭄ᬮᬶᬧᬸᬢ᭄᭞ᬦᬾᬢ᭄ᬭᬓᬤᬶᬲᬹᬃᬬ᭄ᬬᬓᭂᬫ᭄ᬩᬃ᭞ᬦᭂᬮᬶᬓ᭄ᬗᭂᬦ᭄ᬤᬶᬄ᭞ᬓᬤᬶᬕᬸᬦᬸᬂᬳᬧᬶᬦᬶᬮᬄ᭟ᬲᬢᭀᬩᬸᬭᭀᬦ᭄ᬕ᭄ᬲᭂᬂᬲᬫ᭄ᬬᬦ᭄᭞ᬭᬭᬶᬲ᭄ᬫᭂᬢᬸᬳᬸᬚᬦ᭄ᬳᬗᬶᬦ᭄᭞
ᬕᬾᬜ᭄ᬚᭀᬂᬕᬸᬫᬶᬢ᭄ᬓᬾᬂᬰ᭄ᬯᬃᬕ᭄ᬕ᭞ᬯᬢᭂᬓ᭄ᬤᬾᬯᬫᬾᬯᭂᬄᬲᬸᬗ᭄ᬲᬸᬢ᭄᭞ᬢᬶᬦ᭄ᬤᬓ᭄ᬦ᭄ᬬᬜᭂᬮᭀᬲᬂᬢᬦᬄ᭞ᬳᭀᬘᬓ᭄ᬧᬲᬶᬄ᭞ᬳᭀᬫ᭄ᬩᬓ᭄ᬦ᭄ᬬᬗᭂᬍᬫᬂᬓᬧᬮ᭄᭟ᬗᭂᬲᭂᬗᬂᬕᬸᬦᬸᬂᬳᬶᬫᬯᬦ᭄᭞ᬕᬾᬜ᭄ᬚᭀᬂᬫᬦ
Kaca:Bali-lontar-gaguritan-yogga-murtti-300ppi.pdf/29
Kaca puniki sampun kauji-wacén
