Kaca:Bali-lontar-gaguritan-yogga-murtti-300ppi.pdf/28

Saking Wikisource
Kaca puniki sampun kauji-wacén

[᭒᭗ 27B]
᭒᭗
ᬲᬸᬢᬰᭀᬫ᭞ᬢ᭄ᬭᬸᬲ᭄ᬫᬫᬃᬕ᭄ᬕᬫᬗ᭄ᬭᬜ᭄ᬚᬶᬂᬭᬶᬂᬯᬦᬕᬶᬭᬶ᭞ᬋᬱᬶᬓᬾᬰᬯᬓᬧᬗ᭄ᬕᬸᬄ᭞ᬳᬶᬤᬗᬺᬋᬧ᭄ᬳᬭᬳᬶᬦ᭞ᬭᬶᬂᬧᬰ᭄ᬭᬫᬦ᭄᭞ᬩᬾᬜ᭄ᬚᬂᬦ᭄ᬬᬫᬫᬃᬕ᭄ᬕᬶᬢ᭄ᬭᬸᬲ᭄᭞ᬲᬋᬂᬲᬂᬋᬱᬶᬓᬾᬰᬯ᭞ᬗᬸᬗ᭄ᬲᬶᬩᬸ
ᬓᬶᬢ᭄ᬧᬜ᭄ᬘᬧᬢᬶ᭟ᬦᬶᬦ᭄ᬫᬸᬪᬕᬯᬦ᭄ᬲᬸᬫᬶᬢ᭄ᬭ᭞ᬮᬶᬦ᭄ᬢᬂᬓᬢᬄ᭞ᬩ᭄ᬘᬶᬓ᭄ᬧᬶᬢᬸᬢᬸᬃᬲ᭄ᬦᬕ᭄ᬋᬱᬶ᭞ᬫᬗ᭄ᬤᬳᬶᬤᬫ᭄ᬯᬮᬶᬫᬦ᭄ᬢᬸᬓ᭄᭞ᬢᬦ᭄ᬓᬳ᭄ᬬᬸᬦ᭄ᬲᬂᬲᬸᬢᬰᭀᬫ᭞ᬢᬦᬄᬳᭂᬗ᭄ᬓᬕ᭄᭞ᬫ᭄ᬢᬸᬢᬾᬚᬲᬸᬘᬶᬫᬸᬭᬸᬩ᭄᭞ᬓ
ᬤᬶᬩᬸᬮᬦ᭄ᬫᬓᬮᬗᬦ᭄᭞ᬫ᭄ᬤᬮ᭄ᬪᬝᬭᬧ᭄ᬭᬢᬶᬯᬶ᭟ᬢᬍᬃᬫᬧᬶᬢᬸᬢᬸᬃᬓᬢᬄ᭞ᬫᬦᬸᬮᬓᬂ᭞ᬲᬂᬲᬸᬢᬰᭀᬫᬢᬦ᭄ᬗᬶᬭᬶᬂ᭞ᬦᬾᬦ᭄ᬢᭂᬦ᭄ᬓᬳ᭄ᬬᬸᬦ᭄ᬳᬶᬤᬫᬦ᭄ᬢᬸᬓ᭄᭞ᬤᬾᬦᬶᬂᬚᬕᬶᬦᬗᬸᬦ᭄ᬬᭀᬕ᭞ᬫᬧᬫᬶ
ᬢᬦ᭄᭞ᬕ᭄ᬮᬶᬲ᭄ᬗᬸᬗ᭄ᬲᬶᬫᬳᬫᬾᬭᬸ᭞ᬲᬋᬂᬲᬂᬋᬱᬶᬓᬾᬰᬯ᭞ᬭᬭᬶᬲ᭄ᬫᬗ᭄ᬕᬶᬄᬢᭀᬬᬲᬸᬘᬶ᭟ᬳᬶᬭᬶᬓᬜᬸᬃᬬ᭄ᬬᬰᬾᬯᬦ᭞ᬲᬯᬸᬲᬦᬾ᭞ᬲᬂᬋᬱᬶᬫᬫᬸᬗᬸᬕ᭄ᬮᬶᬲ᭄᭞ᬲᬫ᭄ᬧᬸᬦᬂᬫᬦᬸᬚᬸᬓᭂᬧᬸᬄ᭞ᬦᬾ
[᭒᭘ 28A]
ᬮᬶᬦ᭄ᬢᬂᬳᬕᭂᬂᬧᬸᬦᬶᬓ᭞ᬗᬶᬭᬶᬂᬫᬶᬫ᭄ᬧᬲ᭄᭞ᬲᬂᬲᬸᬢᬰᭀᬫ ᬫᬫᬸᬭᬸᬕ᭄᭞ᬲᬫ᭄ᬧᬸᬦ᭄ᬢᬫ᭄ᬧᭂᬓ᭄ᬓᭂᬧᬸᬄ᭞ᬯᬾᬦ᭄ᬢᭂᬦ᭄ᬭᬓ᭄ᬱᬲᬓ᭄ᬧᬳᬗ᭄ᬕᬶᬄ᭟ᬧᬸᬗ᭄ᬕᬯᬭᬶᬂᬭᬢ᭄ᬦᬓᬦ᭄ᬥ᭞ᬳᬳᬾᬂᬧᬶᬲᬦ᭄᭞ᬳ
ᬕᭂᬂᬮᬸᬯᬸᬃᬗᬕᬯᭀᬓᬶᬦ᭄᭞ᬓᬤᬶᬕᬚᬄᬭᬸᬧᬦᬶᬧᬸᬦ᭄᭞ᬢ᭄ᬯᬶᬲ᭄ᬭᬶᬂᬫᬫᬓ᭄ᬱᬚᬤ᭄ᬫ᭞ᬳᬲᬶᬂᬫᭂᬦ᭄ᬢᬲ᭄᭞ᬳᬶᬭᬶᬓᬭᬶᬂᬲᬫ᭄ᬧᬶᬂᬓᭂᬧᬸᬄ᭞ᬯᬦ᭄ᬢᬄᬧᬸᬧᬸᬢ᭄ᬩᬬᬢᬸᬮᬓ᭄᭞ᬲᬂᬲᬸᬢᬰᭀ
ᬫᬦᬫ᭄ᬧᭂᬓᬶᬦ᭄᭟ᬭᬶᬂᬕ᭄ᬦᬄᬲᬂᬕᬚᬄᬯᬓ᭄ᬢ᭄ᬭ᭞ᬢ᭄ᬯᬶᬭᬓ᭄ᬱᬲ᭞ᬗᬦ᭄ᬢᭂᬦᬂᬲᬂᬯᬯᬸᬧ᭄ᬭᬧ᭄ᬢᬶ᭞ᬕᬮᬓ᭄ᬦᬸᬤᬶᬂᬲᬩ᭄ᬤᬗᭂᬮᬸᬃ᭞ᬳᬥᬸᬄᬜᬾᬦ᭄ᬳᬶᬩᬫᬦᬸᬱ᭞ᬩᬕᬸᬲ᭄ᬧᭂᬲᬦ᭄᭞ᬫᬳᬶᬩᬋᬂᬦᬶᬂ
ᬲᬂᬯᬶᬓᬸ᭞ᬳᬧᬳᬶᬩᬢ᭄ᬯᬭᬦᬯᬂ᭞ᬢᭂᬓᬾᬦ᭄ᬓᬳᬶᬦᬶᬗᭀᬲ᭄ᬤᬶᬦᬶ᭟ᬳᬶᬩᬢ᭄ᬯᬄᬗᬮᬮ᭄ᬯᬂᬚᬶᬯ᭞ᬤᬾᬦᬶᬂᬮᬗ᭄ᬕ᭄ᬬ᭞ᬢ᭄ᬓᬩᬦᬶᬳᬶᬩᬫᬳᬶ᭞ᬳᬧᬕᬸᬡᬦ᭄ᬳᬶᬩᬗ᭄ᬭᬸᬲᬸᬄ᭞ᬢ᭄ᬯᬶᬦᬶᬃᬕᬸᬡᬫ