[᭒᭓ 23B]
᭒᭓
ᬘᬶᬓ᭄᭞ᬧᬂᬢᬦ᭄ᬓᬲᭂᬍᬓᬦ᭄᭞ᬓ᭄ᬭᬡᬢᬍᬃᬫᬸᬗ᭄ᬕᬸᬄ᭞ᬘᭂᬭᬶᬢᬦᬾᬢᭂᬫ᭄ᬩᬂᬫᬦᬗᬦᬂ᭞ᬢᭂᬫ᭄ᬩᬂᬲᬦᬾᬳᬮᬶᬢ᭄ᬳᬮᬶᬢ᭄᭞ᬫᬦᬶᬭᬸᬲᬂᬓᬯᬶᬰ᭄ᬯᬭ᭟ᬲᬳᬦ᭄ᬢᬸᬓᬦ᭄ᬗᬫ᭄ᬩᬶᬮ᭄ᬘᬭᬶᬢᬦᬾᬫᬗ᭄ᬓᬶ
ᬦ᭄᭞ᬲᬲᬫ᭄ᬩᬸᬗᬦ᭄᭞ᬲᭀᬓ᭄ᬳᬜ᭄ᬘᭂᬂᬓᬾᬯᬮ᭞ᬗᬫ᭄ᬩᬶᬮ᭄ᬤᬸᬓ᭄ᬯᬶᬯᬶᬢ᭄ᬓᬮᬶᬄᬮᬶᬸᬦ᭞ᬤᬯᭂᬕ᭄ᬫᬸᬲᬮᬦᬾᬫᭂᬢᬸ᭞ᬧ᭄ᬭᬲ᭄ᬢᬦᬶᬓᬳᬥᬶᬓᬶᬤᬶᬓ᭄᭞ᬜᬫ᭄ᬩᬸᬂᬘᬾᬦ᭄ᬢᬓᬧᬃᬯ᭄ᬯ᭞ᬧᬗᬫ᭄ᬩᬶᬮᬶᬂᬳᬸᬦ᭄ᬤᬸᬓ᭄᭞ᬦᬾᬧᬸᬧᬸᬢ᭄ᬫᬮᬶᬄᬮᬦ᭄ᬢᬸᬭᬂ
᭞ᬧᬤᬩ᭄ᬤᬩᬾ᭞ᬘᬭᬶᬢᬦᬾᬢᬸᬢᬂᬫᬮᬶᬄ᭞ᬳᬶᬦ᭄ᬤᬶᬓᬾᬤᬯᭂᬕ᭄ᬧᬸᬦᬶᬓ᭟ᬫᬤᭂᬕ᭄ᬧ᭄ᬭᬪᬸᬓᬾᬢᬸᬮ᭄ᬯᬶᬄᬲᬶᬦᬶᬯᬶ᭞ᬗᬯᭂᬗ᭄ᬓᬸᬯᬂ᭞ᬲᬓᬢᬄᬚᬚᬳᬦ᭄᭞ᬢᬶᬢᬶᬭᬦᬶᬂᬧᬡ᭄ᬥᬯᬯᬶᬸᬦᬾ᭞ᬲᬂᬧ᭄ᬭᬪᬸᬲᬫ᭄ᬧᬸᬦ᭄ᬓᬲᬸ
ᬩ᭄᭞ᬫᬲᬫᬥᬦᬭᬶᬂᬪᬸᬫᬶ᭞ᬧᬲᬶᬓ᭄ᬬᬦᬾᬓᬸᬦᭀ᭞ᬲᬬᬦ᭄ᬳᬤᬸᬂᬳᬬᬸ᭞ᬤ᭄ᬯᬭᬯᬢᬶ᭞ᬩ᭄ᬘᬶᬓ᭄ᬧᬶᬲᬦ᭄᭞ᬲᬫ᭄ᬧᬸᬦ᭄ᬤᬤᭀᬲ᭄ᬭᬢᬸᬬᬸᬓ᭄ᬢᬶ᭞ᬫᬧᬭᬩ᭄ᬲᬂᬘᬶᬢ᭄ᬭᬗ᭄ᬰᬸᬓ᭟ᬧᬓᬶᬮᬶᬢᬾᬩ᭄ᬘᬶᬓ᭄ᬭᬶᬂᬳᬱ᭄ᬝᬶᬦ
[᭒᭔ 24A]
᭞ᬫᬗ᭄ᬓᬶᬦ᭄ᬭᬓᭂᬢ᭄᭞ᬓᬓᬰᬶᬦᬕᬭ᭞ᬧᬶᬗ᭄ᬓᬮᬶᬄᬧᬸᬢ᭄ᬭᬓᬰᬶᬦᬾ᭞ᬓᬫᬾᬢ᭄ᬓᬳᬱ᭄ᬝᬶᬦᬳᬬᬸ᭞ᬮᬦ᭄ᬫᬧᬸᬢ᭄ᬭᬮᬦᬂᬧᭂᬓᬶᬓ᭄᭞ᬫᬤᭂᬕ᭄ᬭᬢᬸᬳᬱ᭄ᬝᬶᬦ᭞ᬦᬾᬫᬗ᭄ᬓᬶᬦ᭄ᬲᬂᬧ᭄ᬭᬪᬸ᭞ᬫᬳᬓᬾᬢᬸᬫᬭᬩ᭄ᬬᬦ᭄᭞ᬓᬰᬶ
ᬧᬸᬢ᭄ᬭ᭞ᬳᬶᬩᬸᬢᬍᬃᬧᬸᬢ᭄ᬭᬶᬓᬲᬶᬩ᭄ᬘᬶᬓ᭄ᬢ᭄ᬭᬸᬲ᭄ᬲᬮᬶᬂᬓᬾᬃᬣ᭄ᬬᬂ᭟ᬓᬘᬭᬶᬢᬳᬶᬤᬲᬂᬳ᭄ᬬᬂᬓᬮᬫᬗ᭄ᬓᬶᬦ᭄᭞ᬲᬂᬳ᭄ᬬᬂᬮᬸᬤ᭄ᬭ᭞ᬜᬤ᭄ᬬᬗ᭄ᬭᬸᬓ᭄ᬚᬕᬢ᭄᭞ᬫᬳ᭄ᬬᬂᬭᬶᬂᬭᬓ᭄ᬱᬲᬧ᭄ᬭᬪᬸ᭞ᬢᬺᬄᬓᬮᬓᬾᬬᬗᬸᬦᬶ᭞ᬧᭀ
ᬮᬶᬄᬫᬳᬭᬩ᭄ᬬᬦ᭄᭞ᬳᬦᬓ᭄ᬲᬂᬫᬮ᭄ᬬᬯᬦ᭄ᬢ᭄ᬭᬸᬲ᭄᭞ᬫᬧᬸᬢ᭄ᬭᬮᬦᬂᬮᬮᬶᬫ᭞ᬫᬓᬤᬶᬦᬾ᭞ᬫᬧᬭᬩ᭄ᬤᬾᬢ᭄ᬬᬲᬓᬸᬦᬶ᭞ᬧᬸᬦᬶᬓᬶᬢ᭄ᬭᬸᬲ᭄ᬫᬲᬸᬢ᭟ᬧᬭᬩ᭄ᬦ᭄ᬬᬭᬓ᭄ᬱᬲᬲᭀᬤᬰᬮ᭄ᬯᬶᬄ᭞ᬳᬶᬓᬶᬳᬦ
᭞ᬢᬫᬚᬦ᭄ᬬᬭᬂᬓ᭄ᬯ᭞ᬲᬂᬧᬸᬭᬸᬲᬤᬧᬭᬩᬾ᭞ᬩᬸᬮᬸᬦᬾᬲᬓᬤᬶᬚᬳᬸᬫ᭄᭞ᬓᬸᬮᬶᬢ᭄ᬜᬦᬾᬮ᭄ᬯᬶᬃᬯᭂᬲᬶ᭞ᬧᬸᬦᬶᬓᬶᬓᬳ᭄ᬬᬗᬦ᭄᭞ᬭᬶᬂᬳ᭄ᬬᬂᬮᬸᬤ᭄ᬭᬳᬶᬓᬸ᭞ᬫᬗ᭄ᬤᬲᬶᬥᬗ᭄ᬭᬸᬲᬓ᭄ᬚᬕᬢ᭄᭞ᬧ᭄ᬭᬫᬦ᭄ᬢ᭄ᬭᬶ
Kaca:Bali-lontar-gaguritan-yogga-murtti-300ppi.pdf/24
Kaca puniki sampun kauji-wacén
