[᭒᭒ 22B]
᭒᭒
ᬕᬲᬓᬵᬮᬦᬶᬲ᭄ᬓᬮ᭞ᬭᬶᬂᬲᬳᬦᬦᬶᬂᬫᬳᬸᬭᬶᬧ᭄᭞ᬮ᭄ᬯᬶᬄᬳᬫᭀᬂᬓᬤᬂᬓᬲᬸᬘ᭄ᬬᬦ᭄᭞ᬳᬬᬸᬯᭂᬃᬥᬶᬦᬶᬂᬧᬓᬳ᭄ᬬᬸᬦ᭄᭞ᬲᬢᬢᬮᬗ᭄ᬕᭂᬂᬫᬦᬸᬗ᭄ᬕᬮ᭄᭞ᬗ᭄ᬭᬕᬦᬶᬦ᭄᭞ᬭᬶᬂᬲᬳᬦᬦᬶᬂᬢᬸᬫᬶ
ᬢᬄ᭟ᬲᬓᬤᬶᬭᬢᬸᬉᬢ᭄ᬢᬫ᭞ᬲᬂᬲᬸᬢᬰᭀᬫᬮᬶᬦ᭄ᬯᬶᬄ᭞ᬯᬲᬓᬶᬂᬲᬫᬥᬶᬬᭀᬕᬧᬓᬳ᭄ᬬᬸᬦᬾᬳᬬᬸᬦᬸᬮᬸᬲ᭄᭞ᬫ᭄ᬭᬕᬕᬸᬭᬸᬯᬶᬲᬾᬰ᭞ᬳᬬᬸᬯᭂᬃᬥᬶ᭞ᬫᬓᬢᭂᬤᬸᬗᬶᬂᬲᬚᬕᬢ᭄
᭟᭜᭟ᬤᬂᬤᬂ᭟ᬢᭂᬫ᭄ᬩᬂᬤᬂᬤᬂᬲᬤᬯᭂᬕᬾᬲᬦᬾᬗᬸᬦᬶ᭞ᬘᭂᬭᬶᬢᬬᬂ᭞ᬰ᭄ᬭᬷᬚᬦᬫᬾᬚᬬ᭞ᬭᬶᬂᬦᬕᬭᬳᬱ᭄ᬝᬶᬦᬦᬾ᭞ᬦᬾᬦ᭄ᬢᭂᬦ᭄ᬧ᭄ᬕᬢ᭄ᬯᬗ᭄ᬰᬓᬸᬭᬸ᭞ᬧ᭄ᬭᬪᬸᬭᬸᬳᬱ᭄ᬝᬶᬦᬢ᭄ᬯᬶ᭞ᬳᬦᬓ᭄ᬰ᭄ᬭᬷᬰᬫ᭄ᬩᬶᬭ
ᬦ᭞ᬓᬲᬸᬩ᭄ᬭᬢᬸᬳᬕᬸᬂ᭞ᬗᬫ᭄ᬩᬶᬮ᭄ᬳᬦᬓ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬳᬬᬸᬭᬭᬲ᭄᭞ᬫᬧᬭᬩ᭄ᬤᬾᬯᬶᬢ᭄ᬧᬢᬶ᭞ᬫᬦᬸᬭᬸᬦᬂᬭᬶᬂᬳᬱ᭄ᬝᬶᬦ᭞ᬓ᭄ᬭᬡᬓᭀᬭᬯᬫᬶᬯᬄᬧᬡ᭄ᬥᬯᬗᬸᬦᬶ᭞ᬓᬮᬶᬄᬳᬶᬓ᭞ᬧᬤᬓᬸ
[᭒᭓ 23A]
ᬭᬸᬯᬗ᭄ᬰ᭞ᬓᭀᬘᬧ᭄ᬭᬶᬂᬲᬃᬯ᭄ᬯᬘ᭄ᬭᬶᬢᬦᬾ᭞ᬬᬾᬦᬶᬂᬭᬶᬂᬧᬃᬯ᭄ᬯᬳᬸᬫᬸᬗ᭄ᬕᬸᬄ᭞ᬢᭂᬫ᭄ᬩᬂᬭᬳᬸᬳᬶᬂᬓᬓᬯᬶᬦ᭄ᬦᬾᬗᬗ᭄ᬕᬾᬦ᭄ᬯᬶᬭᬫ᭞ᬧᬢᬸᬢ᭄ᬕᬸᬭᬸᬮᬕᬸ᭞ᬲᬓᬾᬯᬦ᭄ᬢᭂᬦ᭄ᬲᬫ᭄ᬧᬸᬦ᭄ᬲᬶᬗ᭄ᬕᬮ᭄᭞ᬭᬸᬦ᭄ᬢᬸᬢ
ᬦ᭄ᬬ᭞ᬕ᭄ᬦᬄᬘ᭄ᬭᬶᬢᬦᬾᬓᬾᬗᬶᬦ᭄᭞ᬭᬶᬂᬢᭂᬫ᭄ᬩᬂᬮᬦ᭄ᬭᬶᬂᬯᬶᬭᬫ᭟ᬬᬦ᭄ᬯᬶᬭᬫᬯ᭄ᬬᬓ᭄ᬢᬶᬓᬢᬄᬫᬓᬾᬯᭂᬳᬶᬦ᭄᭞ᬗᬢᭂᬧ᭄ᬲᬸᬢ᭄ᬭ᭞ᬫᬶᬯᬄᬲᬓᬜ᭄ᬘᬦ᭄ᬬ᭞ᬧᬢᬢᬦ᭄ᬕᬸᬭᬸᬮᬕᬸᬦᬾ᭞ᬮᬦ᭄ᬧᬭᬶᬪ
ᬱᬦᬾᬫᬸᬗ᭄ᬕᬄ᭞ᬢᬦ᭄ᬤᬤᭀᬲ᭄ᬳᬲᬶᬂᬓᬧᬗ᭄ᬕᬶᬄ᭞ᬫᬗᬢᬸᬢᬂᬧᬲᬂ᭞ᬫᬗ᭄ᬤᬳᬲᬶᬄᬍᬗᬸᬢ᭄᭞ᬫᬸᬧᬸᬄᬩ᭄ᬘᬶᬓ᭄ᬫᬦᬶᬲ᭄ᬳᬦ᭄ᬢᬃ᭞ᬫᬲᬸᬮᬸᬭᬦ᭄᭞ᬦᬾᬦ᭄ᬢᭂᬦ᭄ᬓᬾᬗᬶᬦ᭄ᬕ᭄ᬮᬶᬲ᭄ᬕᭂᬮᬶᬲ᭄᭞ᬬᬾᬦ᭄ᬗᬗ᭄ᬕᬾᬯᬶᬭᬫ
ᬳᬶᬓ᭟ᬬᬾᬦ᭄ᬓᬓᬯᬶᬦ᭄ᬧᭀᬮᬶᬄᬫᬢᬳᬦ᭄ᬳᬓᬶᬤᬶᬓ᭄᭞ᬦᬾᬦ᭄ᬢᭂᬦ᭄ᬧᬶᬲᬦᬄ᭞ᬤᬤᭀᬲ᭄ᬧ᭄ᬬᬃᬱᬬᬂ᭞ᬬᬾᬦᬶᬂᬗᬶᬯᬗᬶᬦ᭄ᬕᬸᬭᬸᬦᬾ᭞ᬲᬫᬮᬶᬄᬲᬧᬢᬸᬢ᭄ᬳᬶᬧᬸᬦ᭄᭞ᬫᬗ᭄ᬤᬫᬲᬸᬮᬸᬭᬦ᭄ᬩᭂ
Kaca:Bali-lontar-gaguritan-yogga-murtti-300ppi.pdf/23
Kaca puniki sampun kauji-wacén
