Kaca:Bali-lontar-gaguritan-yogga-murtti-300ppi.pdf/21

Saking Wikisource
Kaca puniki sampun kauji-wacén

[᭒᭐ 20B]
᭒᭐
ᬦ᭄ᬢᬶᬄᬧᭀᬮᬶᬄᬧᬶᬘ᭞ᬧᬦᬸᬕ᭄ᬭᬳᬦ᭄ᬫᬉᬢ᭄ᬢᬫ᭞ᬧᬂᬤᬫ᭄ᬬᬲᬲᬳᬶᬦᬸᬗ᭄ᬓᬓ᭄᭞ᬩ᭄ᬭᬕ᭄ᬫᬚᬸᬫᬸᬓᬤᭀᬢ᭄ᬭᬸᬲ᭄᭞ᬧᬂᬢᬦ᭄ᬭᬭᬶᬲ᭄ᬓᬦᬶᬃᬕᬸᬡᬦ᭄᭟ᬬᬾᬦ᭄ᬢᭂᬓᬕᬕᭀᬤᬦ᭄ᬦᭂᬮᬶᬓ᭄᭞ᬳᭂᬦ᭄ᬢᭀᬘᬶᬭᬶᬮ
ᬓᬃᬳᬾᬗ᭄ᬕᬮ᭄᭞ᬓᬶᬘᬾᬦ᭄ᬧᬦᬸᬕ᭄ᬭᬦ᭄ᬉᬢ᭄ᬢᬫ᭞ᬳᬦ᭄ᬢᬸᬓ᭄ᬤᬾᬯᬳ᭄ᬬᬂᬯᬶᬥᬶᬦᬾ᭞ᬬᬾᬦ᭄ᬲᬶᬕᬕᭀᬤᬦᬾᬢ᭄ᬓ᭞ᬚᬶᬭᬶᬚᭀᬄᬧᬦᬸᬕ᭄ᬭᬦ᭄ᬳᬶᬓᬸ᭞ᬭᬾᬄᬢᭀᬦ᭄ᬤᬾᬦ᭄ᬧᬶᬦ᭄ᬢᭀᬦᬶᬦ᭄ᬤᬾᬯ᭟ᬳᬾᬮᬶᬗᬂᬭᬳᬶ
ᬦᬯ᭄ᬗᬶ᭞ᬓᬤᬶᬭᬶᬂᬳᬚᭂᬂᬳᬶᬦᬸᬘᬧ᭄᭞ᬦᬾᬗᬤᬓᬂᬕᬕᭀᬤᬦᬾ᭞ᬢᬸᬗ᭄ᬕᬮ᭄ᬭᬶᬂᬦᬾᬗᬶᬘᬾᬦ᭄‌ᬧ᭄ᬦᬸᬕ᭄ᬭᬦ᭄᭞ᬓᬤᬶᬕᬕᭀᬤᬦ᭄ᬲᬂᬧᬃᬣ᭞ᬲᬂᬳ᭄ᬬᬂᬰᬶᬯᬗᭀᬤᬗᬫᬸᬓ᭄᭞ᬗᬦᬸᬕ᭄ᬭᬳᬶᬦ᭄ᬫᬲᬶᬄᬳᬶᬤ᭟
ᬧᬯᬶᬮᬗᬦ᭄ᬢᬶᬕ᭞ᬚᬢᬶ᭞ᬦᬶᬱ᭄ᬝᬫᬥ᭄ᬬᬮᬦ᭄ᬉᬢ᭄ᬢᬫ᭞ᬬᬾᬦ᭄ᬜᬮᬦᬂᬓ᭄ᬦᭂᬄᬦᬶᬱ᭄ᬝ᭞ᬲᬳᬸᬭᬶᬧᬾᬭᬶᬂᬚᬕᬢ᭄᭞ᬓᬮᬶᬄᬧᬂᬓᬸᬤᬫᬜᬤ᭄ᬫ᭞ᬧᬮᬶᬂᬧᬦᬸᬚᭀᬦᬶᬂᬳᬶᬤᬸᬧ᭄᭞ᬢᬦ᭄ᬳᬦᬸ
[᭒᭑ 21A]
ᬢ᭄ᬭᬶᬂᬳ᭄ᬬᬸᬦ᭄ᬳ᭄ᬬᬂᬢᬶᬢᬄ᭟ᬬᬾᬦ᭄ᬫᬥ᭄ᬬᬮᬓ᭄ᬱᬡᬳᬶᬓᬶ᭞ᬦᬧᬶᬫᬮᬶᬄᬢ᭄ᬭᬸᬲ᭄ᬉᬢ᭄ᬢᬫ᭞ᬧᬢᬸᬢ᭄ᬮᬦ᭄‌ᬗ᭄ᬭᬦᬂᬯᬲ᭄ᬧᬤ᭞ᬯ᭄ᬭᬸᬄᬲᬤᬸᬭᬸᬂᬧᬶᬦᬭᬄ᭞ᬳᬫᭀᬭᬶᬂᬳ᭄ᬬᬂᬯᬶᬥᬶᬯᬰ᭞ᬢᬸᬲ᭄ᬦᬶᬂᬲᬂᬫᬭᬕ
ᬧᬸᬢᬸᬲ᭄᭞ᬗᬃᬥᬶᬳᬬᬸᬦᬶᬂᬲᬚᬕᬢ᭄᭟᭜᭟ᬕᬶᬦᬤ᭟ᬕᬶᬦᬤᬜᬫ᭄ᬩᬸᬂᬘᭂᬭᬶᬢ᭞ᬫᬗ᭄ᬓᬶᬦ᭄ᬳᬶᬤᬲᬂᬪᬸᬧᬢᬶ᭞ᬓᬮᬶᬄᬧᬢᬶᬄᬳᬶᬤᬲᬫ᭄ᬬᬦ᭄᭞ᬳᬦᬸᬢ᭄ᬫᬢᬸᬃᬭᬶᬂᬲᬂᬯᬶᬓᬸ᭞ᬲᬶᬗ᭄ᬕᬶᬄᬭᬢᬸᬬᭀᬕᬶᬰ᭄ᬯᬭ
᭞ᬢᬶᬢ᭄ᬬᬂᬗᬶᬭᬶᬂ᭞ᬲᬧᬓᬳ᭄ᬬᬸᬦᬾᬉᬢ᭄ᬢᬫ᭟ᬫᬦᬄᬢᬶᬢ᭄ᬬᬂᬲᬬᬦ᭄ᬕᬮᬂ᭞ᬓᬤᬶᬓᬩᬸᬮᬦᬦ᭄ᬲᬸᬘᬶ᭞ᬮᬦ᭄ᬓᬤᬶᬮᬗᬶᬢ᭄ᬓᬫᬾᬕᬦ᭄᭞ᬳᬫ᭄ᬧ᭄ᬯᬂᬳᬗᬶᬦ᭄ᬫᬗᭂᬮᬶᬦᬸᬲ᭄᭞ᬲᬳ᭄ᬬᬂᬲᬹᬃᬬ᭄ᬬᬫᬲᬸᬦᬭ
ᬦ᭄᭞ᬕᬮᬂᬩᭂᬃᬲᬶᬄ᭞ᬗᬃᬥᬶᬓᬭᬳᬬᭀᬦ᭄ᬚᬕᬢ᭄᭟ᬧᬸᬧᬸᬢᬶᬂᬚᬢᬶᬉᬢ᭄ᬢᬫ᭞ᬲ᭄ᬯᬾᬘᬦ᭄‌ᬬᭀᬕᬶᬰ᭄ᬯᬭᬮ᭄ᬯᬶᬄ᭞ᬳᬲᬸᬂᬓᬺᬢᬧᬦᬸᬕ᭄ᬭᬳᬦ᭄᭞ᬗᬶᬘᬾᬦ᭄ᬢᬸᬢᬸᬃᬳᬬᬸᬦᬸᬮᬸᬲ᭄᭞ᬓᬤᬶᬫᭂᬦᬦᬾᬉᬢ᭄ᬢ