Kaca:Bali-lontar-gaguritan-yogga-murtti-300ppi.pdf/20

Saking Wikisource
Kaca puniki sampun kauji-wacén

[᭑᭙ 19B]
᭑᭙
ᬕᬸᬭᬸᬫᬸᬧᬢᬓᬤᬾᬦ᭄ᬫᬸ᭞ᬤᬾᬦᬶᬂᬘᬳᬶᬫᬫ᭄ᬩᭂᬓ᭄ᬘᭀᬭᬄ᭟ᬧᭂᬂᬧᭂᬗᬦ᭄ᬓᬃᬍᬦ᭄ᬲᬂᬓ᭄ᬭᬾᬢᬶ᭞ᬓᬩ᭄ᬭᬳ᭄ᬫᬦ᭄ᬢ᭄ᬬᬦ᭄ᬫᬗᬦ᭄ᬥᬶᬓ᭞ᬳᬶᬄᬘᬳᬶᬲᬂᬚᬸᬭᬸᬩᭀᬭᭀᬲ᭄᭞ᬳᬧᬳᬶᬩᬢᬢᬲ᭄ᬦᬯᬂ᭞ᬓᬳᬶᬲᬂᬧᬃ
ᬣᬧᬡ᭄ᬥᬯ᭞ᬢ᭄ᬯᬶᬓ᭄ᬱᬢ᭄ᬭᬶᬬᬳᬕᬸᬂᬧᬸᬢᬸᬲ᭄᭞ᬕᬸᬭᬸᬲᬢ᭄ᬬᬢᬧᬩ᭄ᬭᬢᬂ᭟ᬓ᭄ᬭᬡᬗᬩᬧᬦᬄᬮ᭄ᬯᬶᬄ᭞ᬦᬾᬢᬸᬮᬤ᭄ᬓᬳᬶᬉᬢ᭄ᬢᬫ᭞ᬯᬶᬓᬸᬭᬫᬧ᭄ᬭᬲᬸᬥᬃᬫ᭄ᬫ᭞ᬲᬢᬢᬫᬗᬩᬧᬦᬄ᭞ᬜᬬᬲᬮ᭄ᬯᬶᬃᬧᬗ᭄ᬭᬸᬲ
ᬓ᭄᭞ᬗᬶᬭᬶᬂᬓᬳ᭄ᬬᬸᬦ᭄ᬲᬂᬳ᭄ᬬᬂᬢᬸᬤᬸᬄ᭞ᬢᬦ᭄ᬓᭂᬦᬾᬂᬤᭀᬱᬗᬬᬸᬚᬕᬢ᭄᭟ᬦᬸᬮᬸᬂᬦᬾᬢᬸᬢ᭄ᬢᬸᬮᬸᬗᬶᬦ᭄᭞ᬮᬓ᭄ᬱᬡᬓᬳᬶᬉᬢ᭄ᬢᬫ᭞ᬚᬦᬶᬬᬦ᭄ᬢᬦ᭄ᬳᬶᬩᬗᬸᬲᬧ᭄᭞ᬩᬸᬓ᭄ᬢᭂᬢᬾᬦ᭄ᬩᬢᬶᬲ᭄ᬓᬳᬶᬦᬾ᭞ᬫᬸ
ᬲ᭄ᬢᬶᬚᬦᬶᬫᬢᬶᬳᬶᬩ᭞ᬲᬂᬓᬮᬶᬄᬫᬬᬸᬤᬢ᭄ᬭᬸᬲ᭄᭞ᬮᬶᬦ᭄ᬢᬂᬭᬫᭂᬲ᭄ᬳᬶᬓᬂᬧ᭄ᬯᬂ᭟ᬧᬤᬧ᭄ᬭᬯᬶᬭᬾᬂᬚᬸᬭᬶᬢ᭄᭞ᬜᬤ᭄ᬬᬜᭂᬦ᭄ᬢᭀᬓᬂᬓᬰᬓ᭄ᬢ᭄ᬬᬦ᭄᭞ᬫᬗ᭄ᬓᬶᬦ᭄ᬕᭂᬮᬶᬲᬂᬧᬸᬩᬦᬗ᭄ᬘᬭᬶᬢ᭞ᬲᬜ᭄ᬚᬢᬓᬰ
[᭒᭐ 20A]
ᬓ᭄ᬢ᭄ᬬᬦ᭄ᬢᭂᬮᬲ᭄᭞ᬫᬫᭀᬕᭀᬮ᭄ᬲᬮᬶᬂᬳ᭄ᬚᬸᬓ᭄ᬜᬨ᭞ᬚᬕᬶᬓᬧᬦ᭄ᬢᬶᬗᬂᬢ᭄ᬭᬸᬲ᭄᭞ᬲᬢ᭄ᬭᬸᬦ᭄ᬲᬂᬳᬃᬚ᭄ᬚᬸᬦ᭄ᬫᬸᬲ᭄ᬦ᭟ᬭᬭᬶᬲ᭄ᬳᬸᬚᬦ᭄ᬩᬸᬗᬫᬶᬬᬶᬓ᭄᭞ᬫᬤᬸᬮᬸᬭᬦ᭄ᬚᬬᬚᬬ᭞ᬮᬸᬯᬶᬄᬳᬸᬫᬸᬂᬭᬶᬂᬳᬓᬰ᭞ᬲᬂᬳᬃᬚ᭄ᬚᬸ
ᬦᬲᬫ᭄ᬧᬸᬦ᭄ᬯᬶᬓᬦ᭄᭞ᬲᬢ᭄ᬭᬸᬦ᭄ᬳᬶᬤᬦᬾᬦ᭄ᬢᭂᬦ᭄ᬮ᭄ᬬᬦ᭄᭞ᬯᬦ᭄ᬢᬄᬲᬂᬳ᭄ᬬᬂᬰᬶᬯᬧᬸᬢᬸᬲ᭄᭞ᬕ᭄ᬮᬶᬲ᭄ᬫᬗᬢᬸᬭᬂᬲᭂᬫ᭄ᬩᬄ᭟ᬮᬦ᭄ᬳᬶᬤᬫᬳᬢᬸᬃᬲᬶᬲᬶᬧ᭄᭞ᬦᬸᬦᬲ᭄ᬳᬕᬸᬂᬧᬗᬫ᭄ᬧᬸᬭ᭞ᬭᬭᬶᬲ᭄ᬓᬶᬘᬾᬦ᭄ᬧᬦᬸᬕ᭄ᬭᬳ
ᬦ᭄᭞ᬓᬧᬸᬢ᭄ᬕᭂᬦᬶᬗᬢᬃᬳᬩᬃ᭞ᬳᬕᭂᬂᬓᬤᬶᬕᬸᬯᬸᬗᬦᬾ᭞ᬲᬓᬶᬂᬳᬓᬰᬦᬾᬫᬸᬭᬸᬩ᭄‌ᬓᬓ᭄ᬩᭂᬭᬂᬩᬦ᭄ᬭᬓ᭄ᬱᬲ᭟ᬲᬫ᭄ᬧᬸᬦ᭄ᬢᬫ᭄ᬧᭂᬓ᭄ᬢᭂᬤᬸᬦ᭄ᬕᭂᬮᬶᬲ᭄᭞ᬭᬶᬂᬳᬚᭂᬂᬳᬶᬤᬲᬂᬧᬃᬣ᭞ᬫᬭᬸᬧᬧᬦᬄᬉ
ᬢ᭄ᬢᬫ᭞ᬘᬦ᭄ᬤᬸᬰᬓ᭄ᬢᬶᬮᬸᬯᬶᬄᬧᬶᬲᬦ᭄᭞ᬓᬚᬬᬚᬬᬳᬶᬦ᭄ᬳᬶᬓ᭞ᬫᭀᬮᬶᬳᬶᬂᬧ᭄ᬭᬂᬜᬬᬲᬢ᭄ᬭᬸ᭞ᬲᬂᬳᬃᬚ᭄ᬚᬸᬦᬜᬸᬓ᭄ᬱ᭄ᬫᬬᬂ᭟ᬳᬶᬓᬧᬢᬸᬢ᭄ᬢᬸᬮᬤ᭄ᬲᬳᬶ᭞ᬓᬧᬕᭂᬳᬦ᭄ᬲᬂᬳᬃᬚ᭄ᬚᬸᬦ᭞ᬫ᭄ᬬᬰᬓ