[᭕ 5B]
᭕
᭞ᬩᬶᬦᬸᬓᬃᬓᬂᬮᬗ᭄ᬲ᭄ᬬ᭞ᬲᬂᬤ᭄ᬬᬄᬓᬵᬓ᭄ᬱᬶ᭞ᬯᬃᬡ᭄ᬦᬦᬾᬮ᭄ᬯᬶᬃᬯᬶᬤᬥᬭᬷ᭞ᬢᬸᬫᬸᬭᬸᬦ᭄ᬲᬓᬶᬂᬓᬾᬦ᭄ᬤ᭄ᬭᬦ᭄᭟ᬲᬧ᭄ᬭᬵᬧ᭄ᬢᬘᬾᬲᬶᬭᬰ᭄ᬭᬷᬪᬹᬧᬢᬶ᭞ᬭᬶᬂᬯᬦᭀᬤ᭄ᬬ᭞ᬦ᭄ᬤᬦ᭄ᬲᬗᬦᬾᬂᬢᬶᬮᬫ᭄᭞ᬤᬤ᭄ᬬᬢᬮᬸᬗ᭄ᬳᬬᬦᬶᬭᬾ᭞ᬲᬶᬦᬫ᭄ᬩᬸᬢᬦᬲᬦ᭄ᬢᬸᬦ᭄᭞ᬯᬸᬲᬶᬗᭂ
ᬫ᭄ᬩᬦ᭄ᬭᬳᬤᬾᬦ᭄ᬤᬾᬯᬷ᭞ᬲᬃᬯ᭄ᬬᬗᬶᬮᬶᬗᬶᬮᬶᬗᬦ᭄᭞ᬳᬤᬸᬄᬳᬭᬶᬦᬶᬗ᭄ᬲᬸᬦ᭄᭞ᬓᬗ᭄ᬳᬲᬸᬂᬳᬕ᭄ᬭᬶᬂᬗᬶᬂᬦᬮ᭞ᬫᬵᬲ᭄ᬓᬸᬬᬬᬶᬳᬦ᭄ᬤᬶᬓᬤᬤᬶᬬᬕᬸᬲ᭄ᬢᬶ᭞ᬫᭀᬕᬢᬸᬮᬸᬲᬓ᭄ᬦ᭟ᬢᬫ᭄ᬩᬦᬦᬮᬭᬦᬶᬗ᭄ᬲᬸᬦ᭄ᬦᬶᬦᬶ᭞ᬮᬭᬦᬶᬗ᭄ᬲᬸᬦ᭄ᬦᬶᬦᬶᬓ᭄ᬦᬾᬂᬯᬶᬱ᭄ᬬᬵᬲ᭄ᬢ᭄ᬭ᭞
ᬲᬭᬶᬲᬫ᭄ᬧᬓᬫᬸᬮᬸᬲ᭄ᬯᬾᬘ᭄ᬙᬳᬭᬤᬾᬦ᭄᭞ᬲᬂᬤ᭄ᬬᬄᬫ᭄ᬦᭂᬂᬢᬸᬫᬸᬗ᭄ᬓᬸᬮ᭄᭞ᬰ᭄ᬭᬷᬦᬭᬾᬦ᭄ᬤ᭄ᬭᬢᬦ᭄ᬲᬄᬗ᭄ᬭᬱ᭄ᬝᬶ᭞ᬲᬵᬫ᭄ᬧᬸ᭠ᬦ᭄ᬓᬾᬲᬳᬦ᭄ᬲᬶᬜ᭄ᬚᬂ᭞ᬕᬦ᭄ᬤᬦ᭄ᬬᬫ᭄ᬭᬶᬓᬭᬹᬫ᭄᭞ᬲᬂᬤ᭄ᬬᬄᬢᬦ᭄ᬧᭀᬮᬶᬄᬳᬦᬸᬮᬓ᭄᭞ᬫᬧᬦ᭄ᬲᬵᬫ᭄ᬧᬸᬦ᭄ᬓᬓ᭄ᬦᬦᬶᬗᬲ᭄ᬫᬭᬲᬂᬤ᭄ᬬᬄ᭞ᬭ
ᬢ᭄ᬦᬕᬶᬭᬷᬫᬹᬃᬘ᭄ᬘᬶᬢ᭟ᬲᬂᬦᬵᬣᬳᬶᬓᬦᬫ᭄ᬩᬸᬢ᭄ᬕᬶᬧᬶᬄ᭞ᬳᬭᬶᬦᬶᬗ᭄ᬲᬸᬦ᭄᭞ᬲᬂᬮ᭄ᬯᬶᬭᬶᬂᬓᬸᬲᬸᬫᬮᬳᬗ᭄ᬮᬶᬮᬶᬭᬭᬵᬳᬤᬾᬦ᭄᭞ᬲᬂᬤ᭄ᬬᬄᬢᬦ᭄ᬲᬄᬧᬶᬦᬗ᭄ᬓᬸ᭞ᬳᬶᬗᬸᬲᬧᬦ᭄ᬲ᭄ᬯᬾᬤᬭᬶᬂᬭᬳᬶ᭞ᬲᬂᬤ᭄ᬬᬄᬤᬶᬦ᭄ᬬᬸᬲᬶᬂᬧᬗ᭄ᬓ᭄ᬯᬦ᭄᭞ᬢᬸᬫᬸᬮᬶᬳᬯᬸᬗᬸ᭞ᬳᬗ᭄ᬮᬶᬮᬶᬃ᭠
[᭖ 6A]
ᬳᬗᬬᬸᬄᬲᬶᬦᬶᬜ᭄ᬚᬗᬦ᭄ᬤᬾᬦᬶᬭᬰ᭄ᬭᬷᬦᬭᬧᬢᬶ᭞ᬲᬃᬯ᭄ᬯᬶᬳᬗᬭᬲᬭᬲ᭟ᬧᬗ᭄ᬭᬸᬫ᭄ᬭᬸᬫᬾᬮ᭄ᬯᬶᬃᬫᬥᬸᬕᭂᬦ᭄ᬤᬶᬲ᭄᭞ᬫᬶᬭᬄᬳᬶᬗ᭄ᬲᬸᬦ᭄᭞ᬬᬾᬦ᭄ᬲᬶᬭᬢᬸᬮᬸᬲ᭞ᬗᬯᬸᬮᬓ᭄ᬦᬾᬂᬲᬸᬦ᭄ᬫᬗ᭄ᬓᬾ᭞ᬬᬾᬦ᭄ᬲᬶᬭᬳᬧ᭄ᬢᬶᬫᬵᬲ᭄ᬓᬸ᭞ᬲᬸᬦ᭄ᬳᬶᬗᬚᬓ᭄ᬫᬸᬮᬶᬄᬦᬕᬭᬶ᭞ᬫᬸᬓ᭄ᬢ᭄ᬬᬭᬹᬫ᭄ᬦᬶᬂᬭᬵᬚ᭄ᬬ
᭞ᬳᬓᬭᭀᬦᬦ᭄ᬮᬸᬮᬸᬢ᭄᭞ᬲᬤᬾᬦ᭄ᬢᬳᬗ᭄ᬭᬾᬓᬓ᭄ᬦ᭞ᬢᬦᬢᬸᬮᬓ᭄ᬳᬶᬗ᭄ᬲᬸᬦᬸᬕᬳᬗᭂᬦ᭄ᬢ᭄ᬬᬦᬶᬦ᭄᭞ᬲᬶᬳᬶᬩᬸᬮᬦ᭄ᬲᬶᬭᬫ᭟ᬰ᭄ᬭᬷᬦᬭᬾᬦ᭄ᬤ᭄ᬭᬢᬦᬋᬧ᭄ᬳᬸᬫᬸᬮᬶᬄ᭞ᬳᬦᬾᬂᬦᬵᬕᬭ᭞ᬓᬩᬦ᭄ᬤᬦᬾᬂᬭᬶᬫᬂ᭞ᬮᬮᬶᬬᬭᬶᬂᬧᬫᬸᬓ᭄ᬢᬶᬦᬾ᭞ᬓᬢᬸᬗ᭄ᬓᬸᬮᬫᭀᬂᬮᬸᬮᬸᬢ᭄᭞
ᬲᬂᬤ᭄ᬬᬄᬲᬵᬫ᭄ᬧᬸᬦ᭄ᬓᬧᬤᬦ᭄ᬓᬵᬧ᭄ᬢᬶ᭞ᬫᬹᬓ᭄ᬢᬶᬭᬹᬫ᭄ᬦᬶᬧᬰ᭄ᬭᬫᬦ᭄᭞ᬢᬦ᭄ᬧᬲᬄᬳᬤᬸᬮᬸᬃ᭞ᬲᬵᬫ᭄ᬧᬸᬦ᭄ᬲᬶᬭᬳᬗ᭄ᬕᬃᬪᬶᬦ᭄ᬬ᭠ᬭᬢ᭄ᬦᬕᬶᬭᬷ᭞ᬲᬂᬦᬵᬣᬳᬗᬲᬶᬳᬲᬶᬄ᭞ᬓᬦ᭄ᬢᬸᬦᬶᬗ᭄ᬲᬸᬦ᭄ᬓᬾᬲᬳ᭟ᬫᬸᬮᬶᬄᬯᬮᬸᬬᬦᬵᬕᬭᬳᬶᬓᬶ᭞ᬧᬓᬭᬶᬬ᭞ᬫᬶᬭᬄᬚᬶᬯᬦᬶᬗ᭄ᬯᬂ
ᬳᬢᬸᬢᬸᬭᬶᬂᬲᬭᬶᬭᬦᬾ᭞ᬲᬂᬤ᭄ᬬᬄᬳᬮᭀᬦᬫᬸᬯᬸᬲ᭄᭞ᬲᬵᬫ᭄ᬧᬸᬦ᭄ᬮᬯᬲ᭄ᬳᬦᬾᬂᬦᬵᬕᬭᬶ᭞ᬲᬂᬦᬵᬣᬳᬗᬦ᭄ᬤᬶᬓ᭞ᬳᬕᬾᬳᬶᬗ᭄ᬲᬸᬦ᭄ᬫᬗ᭄ᬲᬸᬮ᭄᭞ᬳᬗ᭄ᬮᬾᬗ᭄ᬲᬾᬃᬲᬶᬭᬮᬸᬫᬵᬫ᭄ᬧᬄ᭞ᬰ᭄ᬭᬷᬦᬭᬾᬦ᭄ᬤ᭄ᬭᬮᬓᬸᬦᬾᬳᬦᭀᬮᬶᬄᬦᭀᬮᬶᬄ᭞ᬲᬂᬤ᭄ᬬᬄᬳᬦᬸᬢᬶᬗ᭄ᬳᬮ᭄
Kaca:Bali-lontar-gaguritan-suryawangsa-250ppi.pdf/6
Kaca puniki sampun kauji-wacén
