[᭕᭑ 51B]
᭕᭑
ᬭᬦ᭄ᬤᬦᬵ᭛᭜᭛ᬭᬫᬾᬦᬶᬓᬂᬧ᭄ᬭᬂᬲᬶᬮᬶᬓ᭄ᬭᬶᬲ᭄ᬦᭀᬭᬓᬾᬢᬸᬂᬓ᭄ᬯᬾᬳᬶᬂᬧ᭄ᬚᬄᬳᬢᬶᬦ᭄ᬤᬶᬄᬢᬶᬦ᭄ᬤᬶᬄᬢᭂᬓᬦᬾᬲᬂᬦᬵᬣᬕᬚᬄᬧᬬᬲᬦ᭄ᬢᬸᬫᬦ᭄ᬤᬂᬭᬶᬳᬃᬱᬵᬢᬦ᭄ᬤᬗᬶᬭᬳᬕᬸᬮᬕᬸᬮ᭄ᬲᬶᬂᬓᬧᬭᬕᬶᬭᬵᬕᭂᬧᬂ᭟ᬭᬳᬤᬾᬦ᭄ᬯᬤᬸᬦᬵᬕᬭᬶᬳᬫᬧᬕ᭄ᬲᬶ
ᬭᬭᬶᬗᬃᬱᬵᬦᬶᬢᬶᬳᬶᬦ᭄ᬓᬸᬤᬩᬦᬭᭀᬂᬲᬵᬫ᭄ᬧᬸᬦ᭄ᬲᬶᬭᬋᬧᬋᬧᬦ᭄ᬓᬮᬯᬵᬦ᭄ᬰ᭄ᬭᬷᬦᬭᬾᬦ᭄ᬤ᭄ᬭᬓᬂᬢᬸᬭᬗ᭄ᬕᬵᬲᬶᬮᬶᬄᬲᬯᬸᬢ᭄ᬫᬶᬤᭂᬃᬲᬶᬭᬵᬓᬸᬮᬶᬮᬶᬗᬦ᭄᭟ᬢᬦ᭄ᬓᭀᬘᬧᬲᬂᬗᬚᬸᬭᬶᬢ᭄ᬦ᭄ᬤᬵᬦ᭄ᬲᬂᬦᬵᬣᬲᬹᬃᬬ᭄ᬬᬯᬗ᭄ᬰᬫᬗ᭄ᬓᬾᬫᬗ᭄ᬓᬢᬲᬂᬓᬝᭀᬂᬓᬮᬯᬵᬦ᭄ᬲᬕᬸᬗᬶᬂᬦᬵ
ᬣᬫᬸᬯᬄᬧᬭᬤᬶᬫᬦ᭄ᬢ᭄ᬭ᭄ᬬᬲᬲᬶᬓᭂᬧ᭄ᬲᬚᬸᬭᬸᬚᬸᬭᬸᬢᬢᬩᬸᬳᬦ᭄ᬫᬸᬦ᭄ᬬᬲᬶᬫ᭄ᬩᬦ᭄᭟ᬮᬦ᭄ᬧᬗ᭄ᬭᬶᬓᬶᬂᬓᬸᬤᬳᬱ᭄ᬝᬶᬳᬯᭀᬃᬮᬦ᭄ᬓ᭄ᬭᬶᬘᬶᬓᬶᬂ᭠ᬯᬢᬂᬢᬫ᭄ᬩᬸᬃᬫ᭄ᬯᬂᬪᬾᬭᬶᬕᬸᬫᬸᬭᬸᬄᬳᬯᭀᬃᬮᬯᬵᬦ᭄ᬓᭂᬦ᭄ᬤᬂᬘᬶᬦᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬲᬂᬦᬵᬣᬭᬶᬢᭂᬧᬶᬦᬶᬂᬦᬵᬕᬭᬲᬗᬸᬮᬸᬦ᭄ᬳᬭᬬᬦ᭄ᬯᬾᬢᬦᬶᬂ
ᬭᬵᬚ᭄ᬬ᭟ᬳᬦᬫᬢᬹᬃᬭᬶᬂᬦᬺᬧᬢᬶᬧᬸᬦᬧᬓᬃᬱᬵᬲᬂᬦᬵᬣᬳᬭᬶᬧᬤᬸᬓᬲᬂᬓᬝᭀᬂᬦᭂᬗ᭄ᬕᬾᬄᬓᬧᭂᬲᬦᬬᬸᬤ᭄ᬟᬯᬸᬄᬭᬳᬤᬾᬦ᭄ᬫᬦ᭄ᬢ᭄ᬭ᭄ᬬᬲᬂᬦᬵᬣᬗᬦ᭄ᬤᬶᬓᬳᬰ᭄ᬭᬸᬫᬗ᭄ᬓᬾᬳᬤᬦᬤᬾᬦᬾᬗ᭄ᬕᬾᬮ᭄᭟ᬫᬗ᭄ᬓᬾᬫᬗ᭄ᬓᬢ᭄ᬰ᭄ᬭᬷᬪᬸᬧᬢᬶᬓᬮᬯᬵᬦ᭄ᬲᬕᬸᬗᬶᬂᬩ
[᭕᭒ 52A]
ᬮᬭᬶᬂᬯᬾᬢᬦ᭄ᬲᬶᬭᬳᬗ᭄ᬮᬸᬭᬸᬕ᭄ᬲᬵᬫ᭄ᬧᬸᬦ᭄ᬓᬾᬤᭂᬭᬦ᭄ᬓᬮᬯᬵᬦ᭄ᬧ᭄ᬭᬪᬹᬕᬚᬄᬧᬬᬲᬦ᭄ᬫᬢᬹᬃᬭᬭᬶᬂᬲᬗᬩᬕᬸᬲ᭄ᬳᬓ᭄ᬯᬾᬄᬮᬯᬵᬦ᭄ᬫᬗ᭄ᬓᬾᬧ᭄ᬭᬵᬧ᭄ᬢ᭟ᬫᬸᬯᬄᬲᬶᬭᬰ᭄ᬭᬷᬪᬸᬧᬢᬶᬲᬹᬃᬬ᭄ᬬᬯᬗ᭄ᬰᬫᬗ᭄ᬓᬾᬗᬸᬘᬧ᭄ᬳᬗᬤ᭄ᬯᬩᬮᬲᬂᬓᬝᭀᬂᬳᬸᬫ᭄ᬬᬂᬲ᭄ᬯᬭᬦᬶᬂᬕᬫᭂᬮᬦ᭄ᬕᬸᬡᬃ
ᬪᬾᬭᬶᬳᬲᬶᬫ᭄ᬩᬦ᭄ᬓᬂᬩᬮᬲᬵᬫ᭄ᬧᬸᬦ᭄ᬮᬸᬫᬚᬸᬢᬸᬫᬦ᭄ᬤᬂᬢᬸᬃᬫᬭᬶᬂᬳᬃᬱᬵ᭟ᬲᬵᬫ᭄ᬧᬸᬦᬧᬕᬸᬢ᭄ᬓᬂᬚᬸᬭᬶᬢ᭄ᬓᬮᬗ᭄ᬓᬸᬂᬭᬫᬾ᭠ᬦᬶᬓᬂᬧ᭄ᬭᬂᬲᬯᬢᬦ᭄ᬧᬾᬦ᭄ᬤᬄᬕᬸᬦᬸᬂᬓᬤᬶᬲᬕᬭᬭᬸᬥᬶᬭᬭᬵᬤ᭄ᬬᬦᬧ᭄ᬭᬂᬗᬦᬘᬄᬫᬧᬦᬓ᭄ᬯᬾᬄᬲᬶᬭᬳᬦ᭄ᬢᬸᬓ᭄ᬲᬢ᭄ᬭᬶᬬᬮᬦ᭄ᬧᬭᬦᬵᬣ᭟ᬲᬂᬦᬵ
ᬣᬢᬶᬕᬲ᭄ᬫᬯ᭄ᬭᬶᬦ᭄ᬯᬶᬦ᭄ᬫᬗ᭄ᬓᬾᬳᭂᬦ᭄ᬢᬶᬩᬮᬦᬶᬭᬧᬶᬦᭂᬚᬄᬳᬶᬂᬭᬵᬤᬾᬦᬶᬦᭀᬮᬦ᭄ᬧ᭄ᬭᬪᬹᬕᬚᬄᬧᬬᬲᬦ᭄ᬓᬶᬧᬸᬦ᭄ᬢ᭠
ᬫᬵᬢᬹᬃᬲᭂᬫ᭄ᬩᬄᬦ᭄ᬤᬓᬯᬸᬮᬧᬸᬓᬸᬮᬸᬦ᭄ᬳᬗᬸᬭᬸᬗᬫᬗ᭄ᬓᬾᬬᬸᬤ᭄ᬟ᭟ᬭᬫᬓᬯᬸᬮᬢᬶᬦᭀᬮᬶᬄᬓᬶᬧᬢᬶᬄᬧᬸᬦᬶᬓᬜᬯᬫᬸᬯᬄᬲᬶᬭᬲ
ᬗᬳᬸᬮᬸᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬷᬳᬗᬸᬘᬧ᭄ᬳᬓᭀᬦ᭄ᬲᬶᬭᬗᬸᬭᬸᬗᬳᭂᬦ᭄ᬢᬶᬯ᭄ᬮᬲᬶᬂᬲᬗᬳᬸᬮᬸᬦ᭄ᬢᭂᬫ᭄ᬩᬾᬗᬸᬦ᭄ᬢᬢ᭄ᬥᬂᬥᬂᬕᬸᬮ᭛᭜᭛ᬢᬦ᭄ᬓᬯᬃᬡ᭄ᬦᬫᬗ᭄ᬓᬾᬧᬸᬦᬂᬚᬸᬭᬶᬢ᭄ᬫᬗ᭄ᬓᬾᬯᬸᬲᬦ᭄ᬓᬶᬧᬸᬦ᭄ᬢᬇᬓᬭᬶᬂᬲᬂᬧ᭄ᬭᬪᬸᬲᬹᬃᬬ᭄ᬬᬯᬗ᭄ᬰᬲᬂᬦᬵᬣ᭠
Kaca:Bali-lontar-gaguritan-suryawangsa-250ppi.pdf/52
Kaca puniki sampun kauji-wacén