[᭓ 3B]
᭓
᭟ᬳᬶᬗᬶᬭᬶᬗᬶᬂᬲᭀᬧᬘᬭ᭞ᬢᬸᬳᬸᬧ᭄ᬭᬪᬸᬜᬓ᭄ᬭᬯᬃᬢ᭄ᬢᬶ᭞ᬧᬯᭀᬗᬦ᭄ᬳᬓ᭄ᬯᬾᬄᬦᭀᬫᬦᭀᬫ᭄᭞ᬩᬲᬚᬵᬲᭂᬫᬸᬦ᭄ᬬᬮᬸᬗᬶᬤ᭄᭞ᬦ᭄ᬤᬦ᭄ᬲᬶᬭᬰ᭄ᬭᬷᬪᬹᬧᬢᬶ᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬭᬶᬂᬫᬗᬸᬦ᭄ᬢᬸᬂ᭞ᬩᬮᬓᬧᬗ᭄ᬕ᭄ᬬᬵᬗᬦ᭄ᬢᭀᬲ᭄᭞ᬫᬶᬯᬄᬧᬭᬳᬤᬶᬫᬦ᭄ᬢ᭄ᬭᬷ᭞ᬧᬭᬭᬢᬸ
᭞ᬓᬮᬯᬦ᭄ᬧᬢᬶᬄᬫᬗ᭄ᬓᬸᬭᬵᬢ᭄᭟ᬳᬮᬶᬗ᭄ᬕᬶᬳᬶᬂᬲᬶᬗ᭄ᬳᬵᬰᬡ᭞ᬲᭀᬧᬘᬭᬳᬦᬾᬂᬳᬸᬭᬶ᭞ᬭᬶᬯᬶᬚᬶᬮ᭄ᬳᬶᬭᬲᬂᬓᬝᭀᬂ᭞ᬋᬧ᭄ᬦᭀᬭᬯᬦ᭄ᬬᬗᭂᬮᬶᬂ᭞ᬧᬢᬶᬄᬳᬫᬗ᭄ᬓᬸᬪᬹᬫᬶᬫᬦ᭄ᬢ᭄ᬭᬷᬫᬶᬯᬄᬧᬭᬭᬢᬸ᭞ᬲᬵᬫ᭄ᬧᬸᬦ᭄ᬳᬢᬢᬳᭂᬗ᭄ᬕᭀᬦ᭄᭞ᬦ᭄ᬤᬦ᭄ᬲᬶᬭᬰ᭄ᬭᬷᬦᬭᬧ᭠
ᬢᬶ᭞ᬳᬮᭀᬦ᭄ᬫᬸᬮᬸᬲ᭄᭞ᬭᬓ᭄ᬭ᭄ᬬᬦ᭄ᬧᬢᬶᬄᬳᬫᬗ᭄ᬓᬸᬭᬵᬢ᭄᭟ᬳᬶᬗ᭄ᬲᬸᬦ᭄ᬳᬧ᭄ᬢᬶᬳᬘᬗ᭄ᬓ᭄ᬭᬫ᭞ᬳᬦ᭄ᬤᬾᬦ᭄ᬓᬮᬗᭂᬦᬶᬂᬳᬸᬓᬶᬃ᭞ᬲᬃᬯ᭄ᬯᬶᬳᬫ᭄ᬩᬸᬩᬸᬭᬸᬩᬸᬭᭀᬦ᭄᭞ᬳᬦᬾᬂᬳᬾᬜ᭄ᬚᬂᬲᬸᬦ᭄ᬮᬸᬗᬾᬜ᭄ᬚᬶᬂ᭞ᬳᬭᬳᬦᬢᬧᬢᬶᬄ᭞ᬚᬸᬭᬸᬩᭂᬤᬕ᭄ᬚᬸᬭᬸᬭᬚᬸᬢ᭄᭞ᬭᬓ᭄ᬭ᭄ᬬᬦ᭄ᬧᬢ᭄ᬬᬵ᭠
ᬯᭀᬢ᭄ᬲᬶᬦᭀᬫ᭄᭞ᬦᬸᬳᬸᬦ᭄ᬧᬝᬶᬓ᭄ᬰ᭄ᬭᬷᬪᬹᬧᬢᬶ᭞ᬤᬤ᭄ᬬᬫᬦ᭄ᬢᬸᬓ᭄᭞ᬲᬂᬦᬵᬣᬫᬍᬩᬾᬂᬧᬸᬭ᭟ᬯᭂᬗ᭄ᬬᬲᬶᬭᬯᬸᬲᬦᬶᬤ᭄ᬭ᭞ᬳᬾᬜ᭄ᬚᬂᬳᬢᬗ᭄ᬬᬦᬺᬧᬢᬶ᭞ᬳᬬᬲᬓᬵᬫ᭄ᬧᬸᬄᬲᬸᬢ᭄ᬭᬾᬚᭀ᭞ᬢᬶᬦᬭᬾᬢᬾᬲᬶᬂᬫᬵᬲᬤᬶ᭞ᬦᭂᬳᭂᬲᬶᬃᬭᬳᬸᬫᬶᬚᬶᬮ᭄᭞ᬓᬂᬩ
[᭔ 4A]
ᬮᬲᬚᬸᬭᬸᬚᬸᬭᬸ᭞ᬲᬫ᭄ᬬᬧᬥᬳᬗᬦ᭄ᬢᭀᬲ᭄᭞ᬦᬺᬧᬢᬶᬫᬸᬗ᭄ᬕᬳᬶᬂᬳᬧ᭄ᬢᬶ᭞ᬳᬓ᭄ᬬᬦ᭄ᬤᬸᬮᬸᬃ᭞ᬢᬦ᭄ᬓᬯᬃᬡ᭄ᬦᬳᬾᬂᬤᬤᬮᬦ᭄᭟ᬲᬵᬫ᭄ᬧᬸᬦ᭄ᬲᬶᬭᬰ᭄ᬭᬷᬦᬭᬾᬦ᭄ᬤ᭄ᬭ᭞ᬯᬸᬲ᭄ᬧᬵᬲ᭄ᬢᬶᬢᭂᬧᬶᬦᬶᬂᬯᬸᬓᬶᬃ᭞ᬓᬢᭀᬦ᭄ᬮᬸᬭᬳᬶᬂᬓᬮᬗᭀᬦ᭄᭞ᬢᬸᬫᬸᬭᬸᬦ᭄ᬰ᭄ᬭᬷᬦᬭᬧᬢᬶ᭞ᬫᬶᬯᬄ᭠
ᬧᬭᬤᬶᬫᬦ᭄ᬢ᭄ᬭᬷ᭞ᬧᬥᬳᬤᬸᬤ᭄ᬯᬦ᭄ᬓᬮᬗᬸᬦ᭄᭞ᬳᬦᬳᬫ᭄ᬩᬸᬩᬸᬩᬸᬭᭀᬦ᭄᭞ᬳᬸᬫ᭄ᬬᬂᬲ᭄ᬯᬭᬦᬶᬓᬂᬳᬜ᭄ᬚᬶᬂ᭞ᬳᬦᬮᬸᬲᬸᬃᬭᬶᬚᭂᬂᬭᭀᬦᬶᬓᬂᬓᬦᬦ᭟ᬫᬗ᭄ᬓᬾᬢ᭄ᬓᬦᬶᬂᬳᬸᬮᬢ᭄ᬧᬢ᭞ᬓᬸᬓᬸᬲᬶᬂᬳᬗᬋᬩᬶ᭞ᬳᬢ᭄ᬫᬳᬦ᭄ᬤᬸᬤᬦ᭄ᬲᬸᬫ᭄ᬬᭀᬓ᭄᭞ᬰ᭄ᬭᬷᬦᬭᬦᬵᬣᬗ᭄ᬮᬶ
ᬗᬭᬶᬲ᭄᭞ᬳᬶᬗᭂᬦ᭄ᬤᬶᬧᬭᬦᬾᬓᬶ᭞ᬳᬦᬳᬸᬫᬢᬸᬃᬧᬸᬓᬸᬮᬦ᭄᭞ᬳᬦᬾᬂᬯᬾᬢᬦ᭄ᬲᬂᬓᬢᭀᬂ᭞ᬧᭀᬦ᭄ᬢᭂᬦ᭄ᬧᬰ᭄ᬭᬫᬦ᭄ᬓᬤᬸᬮ᭄ᬯᬶ᭞ᬦ᭄ᬤᬦ᭄ᬲᬂᬧ᭄ᬭᬪᬸ᭞ᬮᬸᬫᬭᬶᬲ᭄ᬲᬶᬭᬮᬸᬫᬫ᭄ᬧᬄ᭟ᬳᬜ᭄ᬚᬸᬕ᭄ᬚᬸᬕᬶᬂᬫᬲᬗ᭄ᬕ᭄ᬭᬳᬦ᭄᭞ᬳᬗᬶᬭᬶᬗᬶᬂᬧᬭᬫᬦ᭄ᬢ᭄ᬭᬷ᭞ᬲᬧ᭄ᬭᬵᬧ᭄ᬧᬦᬶᬭᬳ
ᬦᬾᬚ᭄ᬭᭀ᭞ᬤᬤᬶᬳᬦᬤ᭄ᬬᬄᬓᬳᬓ᭄ᬱᬶ᭞ᬭᬹᬧᬦᬾᬳᬬᬸᬍᬯᬶᬄ᭞ᬲᬓ᭄ᬤᬧ᭄ᬳᬶᬓᬓᬤᬸᬮᬸ᭞ᬲᬂᬤ᭄ᬬᬄᬫᬜ᭄ᬚᬶᬗᬶᬂᬚ᭄ᬭᭀᬕᭂᬤᭀᬂᬓᬾᬦ᭄ᬤᬭ᭄ᬯᬓᬃᬬ᭄ᬬᬦᬾᬂᬬᬯᬶ᭞ᬲᬗᬳᬸᬮᬸᬦ᭄᭞ᬳᬭᬶᬲ᭄ᬤᬾᬦᬶᬭᬗᬦ᭄ᬤᬶᬓ᭟ᬲᬧᬳᬝᬺᬯᬾᬧᬰ᭄ᬭᬫᬦ᭄᭞ᬓᬾᬦ᭄ᬤ
Kaca:Bali-lontar-gaguritan-suryawangsa-250ppi.pdf/4
Kaca puniki sampun kauji-wacén
