[᭓᭒ 32B]
ᬓ᭄ᬓᬕᬾᬢ᭄ᬧ᭄ᬭᬵᬧ᭄ᬢᬓᬂᬧᬓ᭄ᬱᬶᬕᬕᬓ᭄ᬳᬶᬗᬯᬾᬳᬦ᭄ᬳᬦᬓᬶᬭ᭞ᬢᬂᬕᬕᬓ᭄ᬳᬃᬱᬵᬦᬗ᭄ᬕᬧᬶᬳᬸᬫᬶᬩᭂᬭᬶᬂᬮᬸᬳᬸᬃᬳᬮᭀᬦ᭄ᬫᬸᬮᬸᬓᬶᬂᬗᬫ᭄ᬩᬭᬤᬤᬶᬢᬸᬫᬸᬭᬸᬦ᭄ᬭᬶᬂᬕᬸᬦᬸᬂᬯᬶᬮᬶᬲ᭄ᬳᬦᬫᬦᬸᬓ᭄ᬲᬓᬸᬡᬶᬦᬫᬓᬶᬦᬾᬦᬗᭂᬳᭂᬫ᭄ᬭ
ᬳᬤ᭄ᬬᬦ᭄᭟ᬢᬦ᭄ᬓᬯᬃᬡ᭄ᬦᬲᬵᬫ᭄ᬧᬸᬦ᭄ᬮᬫᬶᬯᭀᬦ᭄ᬢᭂᬦ᭄ᬲᬗᬂᬰᬰᬶᬄᬋᬓᭀᬧᬦ᭄ᬫᬲᬦᬶᬂᬫᭂᬥᬮ᭄ᬫᬗ᭄ᬓᬾᬲᬵᬫ᭄ᬧᬸᬦ᭄ᬫᬶᬚᬶᬮ᭄ᬭᬵᬤᬾᬦ᭄ᬤᬾᬯᬷᬫᬧᬦ᭄ᬫᬗ᭄ᬓᬾᬯᬸᬲ᭄ᬲᬶᬦᬮᬶᬦᬦ᭄ᬢᬶᬦᭂᬫ᭄ᬩᬂᬗᬦ᭄ᬟᬂᬥᬂᬕᬸᬮ᭛᭜᭛ᬦᬫᬦᬶᬭᬫᬗ᭄ᬓᬾᬭᬵᬤᬾ
ᬦ᭄ᬤᬾᬯᬷᬭᬢ᭄ᬦᬧ᭄ᬭᬪᬳᬸᬫ᭄ᬬᬂᬲ᭄ᬯᬭᬦᬶᬂᬫ᭄ᬭᬓ᭄ᬲᬣᬯᬡᬦ᭄ᬬᬜ᭄ᬚᬕᬶᬕᬾᬃᬩ᭄ᬭᬫᬭᬵᬗᬸᬦ᭄ᬤᬂᬲᬦ᭄ᬢᬸᬦ᭄ᬲ᭄ᬯᬭᬦ᭄ᬬᬳᬭᬹᬫᬫᬦᬶᬲ᭄ᬲᬶᬦᬯᬸᬭᬦᬶᬓᬸᬯᬂᬓᬤ᭄ᬬᬵᬗᬶᬤᬸᬂᬗᬶᬤᬸᬂᬭᬶᬦᬫ᭄ᬬᬦᬶᬂᬲᬶᬂᬕᬭᬕᬢ᭄ᬳᬗᬶᬦ᭄ᬫᬮᭀᬦ᭄ᬳᬫ᭄ᬯᬕᬦ᭄ᬤᬦᬶᬂᬲᬭᬶᬫ᭄ᬭᬶᬓ᭄ᬘᬶᬳ᭄ᬦ
ᬲᬂᬤ᭄ᬬᬄᬯᬸᬲ᭄ᬫᭂᬥᬮ᭄᭟ᬳᬶᬦᬶᬗᬸᬲᬶᬭᬤᬾᬦᬶᬂᬲᬓᬸᬦᬶᬫᬦᬸᬓᬕᭃᬂᬮᬶᬯᬢ᭄ᬯᬷᬃᬬ᭄ᬬᬦᬶᬭᬳᬾᬦ᭄ᬤᬄᬯᬃᬡ᭄ᬦᬦᬶᬂᬳᬸᬮᬸᬦᬾᬭᬢ᭄ᬦᬧ᭄ᬭᬪᬢᬸᬯᬸᬳᬬᬸᬧᬦ᭄ᬓᬲᭀᬃᬥᬥᬭᬷᬲ᭄ᬯᬃᬕ᭄ᬕᬶᬢᬦᬦᬢᬸᬫᬦ᭄ᬤᬶᬗᬘᬬᬦᬾᬲᬸᬫᬸᬦᬸᬂᬳᬧᬦᬲᬶᬳᬶᬂᬳ᭄ᬬᬂᬲᬹᬓᬱ᭄ᬫ
[᭓᭓ 33A]
ᬳᬾᬗ᭄ᬕᬮᬕᬸᬂᬳᬫᭂᬗᬫᭂᬂᬭᬵᬤᬾᬦ᭄ᬤᬾᬯᬷᬭᬶᬢ᭄ᬧᬶᬦᬶᬗᬰ᭄ᬭᬫ᭟ᬢᬦ᭄ᬲᬳᬶᬭᬶᬂᬤᬾᬦᬶᬂᬲᬓᬸᬦᬶᬲᬩ᭄ᬭᬦ᭄ᬤᬶᬦᬲᬶᬭᬳᬫᬾᬢ᭄ᬲᭂᬓᬃᬦᭀᬭᬦᬗ᭄ᬭᬱᬪᬬᬦᬾᬳ᭄ᬦᭂᬗᬓ᭄ᬦᬳᬶᬓᬸᬓᬂᬓᭀᬘᬧᬦ᭄ᬭᬓ᭄ᬱᬲᬧᬢᬶᬳᬭᬦ᭄ᬫᬬᬲᬶᬮᬸᬫᬦ᭄ᬰᬓ᭄ᬢᬶᬦᬾᬓ
ᬮᬗ᭄ᬓᬸᬂᬯᬸᬲ᭄ᬓᬲᬸᬩᬶᬂᬲᬦᬵᬕᬭᬓᬤᬶᬕ᭄ᬚᬬᬦ᭄ᬭᬶᬲᬸᬓᬸᬦᬶᬂᬕᬸᬦᬸᬂᬯᬶᬮᬶᬲ᭄ᬳᬶᬓᬓᬥᬢ᭄ᬯᬦᬶᬭ᭟ᬦᬵᬕᬭᬦᬾᬳᬭᬦ᭄ᬫᬬᬧᬸᬭᬶᬮᬶᬯᬢ᭄ᬯᬶᬃᬬ᭄ᬬᬲᬘᬭᬦᬶᬂᬧᬸᬭᬳᬾᬦ᭄ᬤᬳᬾᬦ᭄ᬤᬳᬶᬂᬯᬃᬡ᭄ᬦᬦᬾᬮ᭄ᬯᬶᬃᬲ᭄ᬯᬃᬕ᭄ᬕᬤᬶᬢᬸᬫᬸᬭᬸᬦ᭄ᬳᬶᬗᬶᬥᭂᬭᬦ᭄ᬯᬶᬥ᭄ᬬᬥᬭᬶ᭠
ᬫ᭄ᬯᬄᬤᬿᬢ᭄ᬬᬲᬶᬮᬸᬫᬦ᭄ᬳᬫᭂᬗᬫᭂᬲᬵᬫ᭄ᬧᬸᬦ᭄ᬲᬤᬶᬦᬵᬤᬶᬦᬵᬫᬾᬢ᭄ᬧᬗᬦ᭄ᬤᬤ᭄ᬬᬵᬫᬗ᭄ᬕᬶᬄᬓᬂᬭᬭᬾᬤ᭄ᬬᬄᬳᬬᬸᬍᬯᬶᬄᬳᬶᬗᬭᬦ᭄ᬭᬢ᭄ᬦᬧ᭄ᬭᬪᬵ᭟ᬲᬤᬸᬮᬸᬃᬲᬶᬭᬮᬯᬵᬦ᭄ᬲᬓᬸᬦᬶᬫᬦᬸᬓᬕᭃᬂᬭᬓ᭄ᬱᬲᬲᬶᬮᬸᬫᬦ᭄ᬳᬫᬸᬯᬸᬲ᭄ᬫᬦᬶᬲ᭄ᬳᬸᬚ
ᬭᬾᬲᬧᬤᬶᬩ᭄ᬬᬳᬦᬸᬮᬸᬲ᭄ᬓᬲᬸᬲᬸᬧᬦ᭄ᬳᬫᬾᬢ᭄ᬲᭂᬓᬃᬫ᭄ᬭᬶᬓ᭄ᬲᬧᬭᬦᬶᬭᬜᬯᬚᬦ᭄ᬢᬾᬦᭂᬦ᭄ᬓᭂᬢᬾᬂᬲᬸᬦ᭄ᬲᬂᬤ᭄ᬬᬄ᭠ᬓᬸᬫᭂᬢᭂᬃᬫᬂᬫᬭᬲ᭄ᬢᬦ᭄ᬧᬗᬸᬘᬧ᭄ᬲᬶᬦᬫ᭄ᬩᬸᬢ᭄ᬳᬶᬗᭂᬫ᭄ᬩᬦ᭄ᬫᬸᬮᬶᬄᬩᬶᬦᬓ᭄ᬢᬬᬫᬭᬶᬂᬳᬸᬫᬄ᭟ᬲᬢ᭄ᬓᬦᬾᬓᬂᬤᬿᬢ᭄ᬬᬭᬶᬂᬧᬸᬭᬶ
Kaca:Bali-lontar-gaguritan-suryawangsa-250ppi.pdf/33
Kaca puniki sampun kauji-wacén
