Kaca:Bali-lontar-gaguritan-suryawangsa-250ppi.pdf/3

Saking Wikisource
Kaca puniki sampun kauji-wacén

[᭒ 2B]

ᬭ᭞ᬳᬸᬫᬸᬗ᭄ᬲᬶᬰᬹᬦ᭄ᬬᬵᬱ᭄ᬝᬶᬢᬶ᭞ᬭᬶᬂᬭᬸᬤ᭄ᬭᬪᬯᬡ᭞ᬲᬵᬫ᭄ᬧᬸᬦ᭄ᬦᬗ᭄ᬲᬭᬭᬵᬡ᭞ᬳᬦᬗᬶᬲ᭄‌ᬤ᭄ᬬᬄᬭᬢ᭄ᬦᬕᬶᬭᬶ᭞ᬳᬗᬭᭀᬯᬭ᭞ᬲᬲᬫ᭄ᬩᬢᬾᬫ᭄ᬮᬲᬲᬶᬄ᭟ᬭᬵᬤᬾᬦ᭄ᬤᬾᬯᬶᬯᬸᬯᬸᬲᬾᬲᬺᬢ᭄ᬧᭂᬕᬢ᭄ᬧᭂᬕᬢ᭄᭞ᬫᬢᬶᬗ᭄ᬲᬸᬦ᭄ᬩᬧᬵᬚᬶ᭞ᬬᬾᬦ᭄ᬲᬶᬭᬳᬢᬶᬗ᭄ᬕᬮ᭄᭞ᬧᬭ
ᬦ᭄ᬢᭂᬫᬄᬲᬸᬦ᭄ᬩᬧ᭞ᬓᬭᬶᬚᬬᬦᬳᭂᬦ᭄ᬧ᭄ᬭᬶᬬᬢᬶᬦ᭄᭞ᬤᬸᬄᬳᬶᬩᬸᬲᭀᬃᬬ᭄ᬬ᭞ᬧᬋᬂᬲᬶᬭᬢᬮᬮᬶᬲ᭄᭟ᬦᬶᬦᬶᬫᬵᬲ᭄ᬜᬯᬦᬶᬂᬲᬸᬦ᭄ᬤᬚᬦᬗ᭄ᬲᬭ᭞ᬳᬧᬦ᭄ᬢᬶᬢᬳᬶᬂᬯᬶᬥᬶ᭞ᬢᬦ᭄‌ᬓ᭄ᬦᬲᬶᬦᬸᬮᬓ᭄᭞ᬓᬭᬶᬬᬲᬶᬭᬦᬶᬦ᭄ᬬ᭞ᬫᭀᬕᬳᬫᬗ᭄ᬕᬶᬄᬍᬯᬶᬄ᭞ᬰ᭄ᬭᬷᬦᬭᬦᬵᬣ᭞ᬫᬸᬮᬢ᭄ᬢ᭠
ᬦ᭄ᬢᬺᬱ᭄ᬡᬾᬶᬧᬸᬢ᭄ᬭᬶ᭟ᬳᬦ᭄ᬤᬭᬸᬭᬵᬚᬳᬦᬧᬧ᭄ᬓᬲᬶᬗ᭄ᬯᬂ᭞ᬅᬢᬸᬫᬚᬦᬶᬗ᭄ᬲᬸᬦ᭄ᬦᬶᬦᬶ᭞ᬓᬶᬢᬯᬶᬮᬳ᭞ᬗᭂᬫᬶᬢᬭᬶᬂᬧᬰ᭄ᬭᬫ᭞ᬳᬕᬾᬬᬳᬶᬗ᭄ᬲᬸᬦᬸᬫᬸᬮᬶᬄ᭞ᬳᬾᬂᬭᬸᬤ᭄ᬭᬮᭀᬓ᭞ᬫᬸᬗ᭄ᬲᬶᬳ᭄ᬬᬗᬤᬶᬍᬯᬶᬄ᭟ᬲᬫ᭄ᬧᬸᬦ᭄ᬲᬶᬭᬳᬦᬶᬫ᭄ᬧᭂᬦ᭄‌ᬲᬹᬓ᭄ᬱ᭄ᬫᬦᬶᬂᬭᬱ᭞ᬫᬵᬃᬕ᭄ᬕᬦᬶᬭᬳᬸᬫᬸᬮᬶᬄ᭞ᬯᬸᬲᬾᬳᬧ᭄ᬭᬮᬷᬡ᭞ᬫᭀᬓ᭄ᬲᬄᬲᬶᬭᬂᬳᬫ᭄ᬩᬭ᭞ᬓᬮᬧᬵᬦ᭄ᬰ᭄ᬭᬷᬧ᭄ᬭᬫᬶᬰ᭄ᬯᬭᬷ᭞ᬯᬸᬲ᭄ᬓᬢ᭄ᬓᬾᬂᬧᬭ᭞ᬢᬦᬸᬘᬧᭂᬦ᭄ᬲᬶᬭᬾᬓᬶ᭟ᬤ᭄ᬬᬄᬭᬢ᭄ᬦᬕᬶᬭᬷᬓᬭᬶᬲᬶᬭᬓᬦ᭄ᬢᬓ᭞ᬢᬦ᭄ᬲᬳᬢᬯᬦ᭄ᬢᬗᬶᬲ᭄᭞ᬲᬶᬭᬓᬾᬦ᭄ᬳᬦ᭄ᬤᬭ᭄ᬯ᭞ᬧᬫᬸᬯᬸᬲᬾᬫ᭄ᬮᬲᬃᬱ᭞ᬲᬵᬫ᭄ᬧᬸ
[᭓ 3A]
ᬦᬓᬭᬸᬡᬕᬸᬲ᭄ᬢᬶ᭞ᬩᬮᬶᬓ᭄ᬮᬶᬦᬶᬮᬲ᭄᭞ᬳᬓᬃᬱᬦᬾᬳᬶᬗ᭄ᬲᬸᬦᬶᬭᬶᬂ᭟ᬲᬩ᭄ᬭᬦ᭄ᬤᬶᬦᬳᬶᬗᬚᬓ᭄ᬫᬭᬾᬧᬰ᭄ᬭᬫ᭞ᬦᬶᬭᬲᬂᬢᬧᬾᬗᬸᬓᬶᬃ᭞ᬲᬫ᭄ᬬᬳᬜᬫ᭄ᬩ᭄ᬭᬫᬳᬗᬢᬸᬃᬲᬃᬯ᭄ᬯᬨᬵᬮ᭞ᬲᬂᬤ᭄ᬬᬄᬲᬸᬓᬳᬦᬗ᭄ᬕᬧᬶ᭞ᬦᭂᬳᭂᬃᬮᬸᬫᬫ᭄ᬧᬄ᭞ᬭᬶᬢᭂᬧᬶᬦᬶᬗᬰ᭄ᬭᬫᬶ᭟ᬲᬂ
ᬤ᭄ᬬᬄᬓᬾᬧ᭄ᬯᬦ᭄‌ᬳᬮᬶᬗ᭄ᬕᬶᬳᬶᬂᬓᬭᬂᬮᬶᬫᬦ᭄᭞ᬳᬦᭀᬦ᭄ᬮᬦ᭄ᬮᬗᭂᬦᬶᬂᬳᬸᬓᬶᬃ᭞ᬓᬗᭂᬦᬶᬂᬬᬬᬾᬦᬂ᭞ᬓᬾᬦ᭄ᬳᬦ᭄ᬤᬭᬸᬳᬗᬸᬘᬧ᭄᭞ᬮᬄᬤᬾᬯᬤᬯᭂᬕ᭄ᬮᬸᬫᬭᬶᬲ᭄᭞ᬳᬫᬸᬧᬸᬄᬲᬶᬦ᭄ᬯᬫ᭄᭞ᬭᬶᬧᬗ᭄ᬓᬸᬃᬭᬶᬂᬯᬦᬤ᭄ᬭᬶ᭛᭜᭛ᬲᬂᬤ᭄ᬬᬄᬓᬾᬲᬳᬾᬗᬰ᭄ᬭᬫ᭞ᬲᬵᬫ᭄ᬧᬸ᭠
ᬦ᭄ᬫᬍᬩᭂᬢᬾᬂᬧᬸᬭᬶ᭞ᬓᬮᬯᬵᬦ᭄ᬲᬶᬭᬓᬾᬦ᭄ᬤᬭ᭄ᬯ᭞ᬳᭂᬦᭂᬗᬓᭂᬦᬲᬶᬭᬾᬓᬶ᭞ᬳᬦᬫᬮᬶᬄᬯᬶᬦᬃᬡ᭄ᬦᬶ᭞ᬧ᭄ᬭᬪᬹᬲᬹᬃᬬ᭄ᬬ᭠ᬯᬗ᭄ᬲᬓᬲᬸᬩ᭄᭞ᬯᬯᬸᬤᭂᬦ᭄ᬤᬲᬂᬓᬝᬾᬂ᭞ᬳᬓ᭄ᬯᬾᬳᬦ᭄ᬧᬭᬩᬶᬦ᭄ᬬᬵᬚᬶ᭞ᬳᬬᬸᬳᬬᬸ᭞ᬚᬓ᭄ᬫᬶᬓᬳᬸᬢᬫᬶᬂᬰᬲ᭄ᬢ᭄ᬭ᭟ᬫᬶᬚᬶᬮ᭄ᬲᬶᬭᬰ᭄ᬭᬶᬦ
ᬭᬾᬦ᭄ᬤ᭄ᬭ᭞ᬳᬶᬗᬶᬭᬶᬂᬧᬭᬓᬯᬶ᭞ᬢᬦ᭄ᬲᬄᬳᬗ᭄ᬭᬗ᭄ᬲᬸᬓ᭄ᬓᬧ᭄ᬭᬪᭀᬦ᭄᭞ᬳᬲᬸᬫ᭄ᬧᬂᬲᬸᬫᬦᬲᬾᬓᬶ᭞ᬚᬶᬦᭂᬩᬤᬦ᭄ᬫ᭄ᬭᬶᬓ᭄ᬫᬶᬗᬶᬂ᭞ᬳᬃᬚ᭄ᬚᬳᬦᬸᬂᬓ᭄ᬮᬂᬤᬸᬳᬸᬂ᭞ᬮᬦ᭄ᬤᬾᬬᬦ᭄ᬫᬵᬲᬶᬚᭀ᭞ᬢᬸᬳᬸᬭᬢᬸᬜᬓ᭄ᬭᬯᬃᬢ᭄ᬢᬶ᭞ᬫᭂᬗ᭄ᬕᭂᬧᭂᬓᬸᬂ᭞ᬢᬸᬳᬸᬧ᭄ᬭᬪᬸᬬᬬᬾᬂᬲᬸᬭᬢ᭄