[᭑᭘ 18B]
᭑᭘
ᬳ᭄ᬫᬵᬲ᭄ᬢᬢᬸᬃᬳᬶᬗᬯᬶᬢᬶᬂᬲᬃᬯ᭄ᬯᬭᬢ᭄ᬦᬫᬶᬭᬄᬳᬸᬗᬸᬕᬸᬮᬶᬕᭂᬫ᭄ᬮᬦ᭄ᬫᬶᬭᬄᬢᬤᬶᬭᬢ᭄ᬦᬧᬗ᭄ᬓᬚᬲᬶᬦᬂ᭟ᬢᬩᭂᬄᬢᬩᭂᬳᬦ᭄ᬦᬶᬭᬦᬾᬂᬬᬯᬶᬳᬸᬫ᭄ᬬᬂᬲ᭄ᬯᬭᬦᬾᬘᬸᬫᬗ᭄ᬓᬶᬭᬂᬲᬵᬫ᭄ᬧᬸᬦᬢᬢᬩᬭᬶᬲᬾᬭᬤᬾᬦ᭄ᬫᬦ᭄ᬢ᭄ᬭᬷᬯᬸᬲ᭄ᬫᭂᬢᬸᬧᬶᬦᬬᬸᬗᬦ᭄ᬲ᭄ᬯᬾᬢᬢᬶᬦᬸ᭠
ᬮᬶᬲ᭄ᬧᬗᬗ᭄ᬕᭀᬦᬾᬲᬃᬯ᭄ᬯᬾᬦ᭄ᬤᬄᬦᬸᬗ᭄ᬕᬂᬓᬸᬤᬤᬯᬸᬓ᭄ᬳᬶᬗᬶᬭᬶᬂᬤᬾᬦᬶᬂᬧᬸᬗ᭄ᬕᬯᬧᬭᬫᬦ᭄ᬢ᭄ᬭᬷᬲᬢ᭄ᬭᬶᬬᬭᬓ᭄ᬭ᭄ᬬᬦᬧᬢᬶᬄᬧᬗᬗ᭄ᬕᭀᬦ᭄ᬬᬩ᭄ᬭᬲᬶᬦᬂ᭟ᬢᬦ᭄ᬓᭀᬘᬧᬭᬤᬾᬦ᭄ᬳᬦᬾᬂᬫᬃᬕ᭄ᬕᬶᬓᬯᬸᬯᬸᬲᬦ᭄ᬲᬂᬤ᭄ᬬᬄᬫ᭄ᬮᬬᬯᬢ᭄ᬬᬯᬸᬲ᭄ᬫᬸᬗ᭄ᬕᬄᬭᬶᬂᬧᬫᬺᬫᬦᬶᬮ᭄ᬯᬶᬃᬲ᭄ᬯᬃᬕ᭄ᬕᬵ
ᬤᬶᬢᬸᬫᬸᬭᬸᬦ᭄ᬳᬶᬗᬸᬓᬸᬧᬦ᭄ᬚᭂᬩᬤ᭄ᬓᬲ᭄ᬢᬸᬭᬶᬳᬾᬃᬕᬸᬮᭀᬭᬱᬫᬮᬕᬦ᭄ᬤᬦ᭄ᬬᬫ᭄ᬭᬓᬭᬹᬫ᭄ᬭᬤᬾᬦ᭄ᬤᬾᬯᬶᬢᬦ᭄ᬳᬃᬱᬵᬧᬶᬦᬬᬲᬦ᭄ᬳ᭄ᬦᭂᬗᬓ᭄ᬦᬢ᭄ᬯᬦ᭄ᬤᬾᬯᬷᬭᬳᬤᬾᬦᬚᭂᬂᬯᬸᬲ᭄ᬧ᭄ᬭᬵᬧ᭄ᬢ᭟ᬲᬢᭂᬓᬦᬾᬭᬶᬂᬬᬯᬶᬦᬶᬂᬓᭀᬭᬶᬧᬶᬦᬧᬕ᭄ᬤᬾᬰ᭄ᬭᬷᬦᬭᬾ
ᬦ᭄ᬤ᭄ᬭᬲᬵᬫ᭄ᬧᬸᬦ᭄ᬳᬶᬗᬢᬸᬭᬦ᭄ᬋᬓᬾᬭᬤᬾᬦ᭄ᬫᬦ᭄ᬢ᭄ᬭᬷᬢᬸᬫᬸᬢᬸᬓ᭄ᬢᬦ᭄ᬲᬳᬶᬗᬶᬭᬶᬂᬤᬾᬦᬶᬂᬫᬦ᭄ᬢ᭄ᬭᬷᬧ᭄ᬭᬵᬧ᭄ᬢᬭᬶᬂᬯᬶᬚᬶᬮ᭄ᬧᬶᬲᬦ᭄ᬲᬵᬫ᭄ᬧᬸᬦ᭄ᬲᬶᬦᬸᬂᬮᬸᬗ᭄ᬕᬸᬄᬲᭀᬧᬘᬭᬲᬫ᭄ᬬᬵᬢᬢᬳᬰ᭄ᬭᬷᬳᬰ᭄ᬭᬷᬳᬦᬢᬫᬮᬶᬄᬯᬶᬦᬃᬡ᭄ᬦᬶᬭᬳᬤᬾᬦ᭄ᬕᬚᬄᬓᬸᬫᬸᬥᬵ᭟
[᭑᭙ 19A]
ᬓᬋᬗ᭄ᬯᬢᬩᭂᬢᬩᭂᬳᬦ᭄ᬳᬢ᭄ᬭᬶᬭᬶᬂᬫᬮᬬᬳᬦᭂᬗ᭄ᬕᬾᬄᬲᬂᬦᬵᬣᬳᬫᬗ᭄ᬕᬶᬄᬧᬸᬦᬂᬧᬸᬢ᭄ᬭᬦᬾᬘᬦ᭄ᬤ᭄ᬭᬯᬢᬶᬓᬂᬗᬶ᭠ᬓᬸᬭᬤᬾᬦ᭄ᬫᬦ᭄ᬢ᭄ᬭᬷᬯᬸᬯᬸᬲᬾᬫᬦᬶᬲ᭄ᬳᬶᬩᬸᬳᬶᬂᬲᬸᬦ᭄ᬓᬾᬲᬳᬫᬗ᭄ᬓᬾᬓᬋᬧᬶᬗ᭄ᬲᬸᬦ᭄ᬮᬸᬗ᭄ᬳᬵᬭᬶᬂᬫᬮᬬᬯᬢ᭄ᬬᬳᬦᭀᬦᭀᬦ᭄ᬢᭀᬦ᭄
ᬭᬵᬤᬾᬦᬚᭂᬂᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶᬳᬗᬫ᭄ᬩᬶᬮ᭄ᬭᬳᬤᬾᬦ᭄ᬤᬾᬯ᭄ᬬ᭟ᬭᬢ᭄ᬦᬕᬕᬶᬭᬶᬯᬸᬯᬸᬲᬾᬳᬫᬦᬶᬲ᭄ᬳᬦᬓᬶᬗ᭄ᬲᬸᬦ᭄ᬳᬚᬳᬕᬾᬮᬸᬗ᭄ᬳᬵᬳᬫᬦᬯᬶᬫᬗ᭄ᬕᬶᬄᬓᬾᬬᬸᬳᬾᬭᬵᬤᬾᬦ᭄ᬫᬦ᭄ᬢ᭄ᬭᬷᬳᬸᬫᬸᬯᬸᬲ᭄ᬲᬵᬫ᭄ᬧᬸᬦᬶᬩ᭄ᬯᬦᬂᬲᬬᬕᬸᬲ᭄ᬢᬶᬗ᭄ᬮᬾᬗ᭄ᬲᬾᬃᬲᬶᬭᬭᬳ
ᬤ᭄ᬬᬦ᭄ᬓᬸᬮᬫ᭄ᬩᬸᬯᬸᬲ᭄ᬭᬶᬦᬗ᭄ᬲᬸᬓ᭄ᬢᬦ᭄ᬓᬯᬃᬡ᭄ᬦᬭᬶᬂᬤᬤᬮᬦ᭄ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶᬦᬵᬕᬭᬾᬂᬫᬮᬬᬧᬢᬶᬦᭀᬭᬯᭀᬂᬢᬸᬫᬶᬗ᭄ᬳᬮ᭄᭟ᬭᬵᬤᬾᬦ᭄ᬫᬦ᭄ᬢ᭄ᬭᬷᬫᬍᬩᭂᬢᬶᬂᬧᬸᬭᬶᬳᬜ᭄ᬚᬸᬕ᭄ᬚᬸᬕ᭄ᬲᬶᬭᬭᬶᬂᬲᬮᬸᬓᬶᬮ᭄ᬬᬦ᭄ᬲᬂᬤ᭄ᬬᬄᬓᬧᬗ᭄ᬕᬶᬄᬳᬲᬭᬾᬭᬵ
ᬤᬾᬦ᭄ᬫᬦ᭄ᬢ᭄ᬭᬷᬳᬗ᭄ᬭᬗ᭄ᬓᬸᬮ᭄ᬲᬸᬓᬸᬃᬪᬕ᭄ᬬᬫᬦᬶᬭᬕᬸᬲ᭄ᬢᬶᬫᬗ᭄ᬓᬾᬲᬶᬭᬓᬧᭂᬦ᭄ᬤᬓ᭄ᬮᬶᬦ᭄ᬢᬂᬲᬸᬓᬦᬶᬗ᭄ᬲᬸᬦ᭄ᬳᬫᬗ᭄ᬕᬶᬄᬳᬶᬂᬲᬸᬦ᭄ᬲᬥᬶᬦᬮᬯᬦ᭄ᬲᬶᬭᬓᬶᬗᬮᬦᬳᬶᬗ᭄ᬲᬸᬦ᭄ᬲᬶᬗ᭄ᬕᬶᬄᬳᬦᭂᬤᬲᬶᬦᬦ᭄ᬫᬢ᭟ᬭᬵᬤᬾᬦ᭄ᬤᬾᬯᬶᬲᬢᬦ᭄ᬬᬵᬕᬸᬮᬶᬂᬕᬕ᭄ᬢᬸ
Kaca:Bali-lontar-gaguritan-suryawangsa-250ppi.pdf/19
Kaca puniki sampun kauji-wacén