[᭒ 2B]
᭒
ᬫᬮᬶᬄᬇᬓᬹ᭞ᬳ᭄ᬬᬂᬧ᭄ᬭᬫᬰᬶᬯᬫᬓᬬᬸᬦ᭄᭞ᬫᬬᭀᬕ᭄ᬕᬵᬢᬲᬶᬭ᭞ᬫ᭄ᬢᬸᬅᬓ᭄ᬱᬭᬓᬕ᭄ᬭᬶᬦᬶᬂ᭞ᬫᭀᬤ᭄ᬭᬾᬓᬸ᭞ᬯ᭄ᬭᬾᬳᬲ᭄ᬢ᭄ᬭᬮᬦ᭄ᬲ᭄ᬯᬮᬮᬶᬢ᭟ᬫ᭄ᬢᬸᬢᬸᬢᬸᬃ᭞ᬧᬸᬦᬧᬶᬗᬭᬦ᭄ᬧᬸᬦᬶᬓᬸ᭞ᬢᬸᬢᬸᬃᬧᬦᭂᬮᬲᬦ᭄᭞ᬰᬲ᭄ᬢ᭄ᬭᬦᬾ
ᬲᬫᬶᬫᬶᬚᬶᬮ᭄᭞ᬢᬸᬢᬹᬭᬶᬓᬸ᭞ᬦᬸᬢᬸᬭᬂᬳᬸᬭᬶᬧ᭄ᬮᬦ᭄ᬧ᭄ᬚᬄ᭟ᬲᬵᬰ᭄ᬢ᭄ᬭᬢᬸᬮᬸ᭞ᬗᬫ᭄ᬧᬸᬮᬶᬦ᭄ᬥᬦᬾᬢᬢ᭄ᬮᬸ᭞ᬫᭀᬤ᭄ᬭᬾᬯ᭄ᬭᬾᬲ᭄ᬢ᭄ᬭᬵ᭞ᬲ᭄ᬯᬮᬮᬶᬢᬫᬗᬯᬶᬢᬶᬦ᭄᭞ᬲᬸᬩᬢ᭄ᬮᬸ᭞ᬳᬶᬗᬭᬦᬦ᭄ᬢ᭄ᬭᬶᬅᬓ᭄ᬱ
ᬭ᭟ᬲᬸᬩᬢ᭄ᬮᬸ᭞ᬫᬲᬶᬄᬬᬳ᭄ᬦᬸᬢᬢ᭄ᬮᬸ᭞ᬫᬦ᭄ᬢᬶᬕᬫᬵᬃᬕ᭄ᬕᬶᬢ᭞ᬬᬬᬩ᭄ᬯᬶᬦ᭄ᬦᬩ᭄ᬲᬶᬓ᭄᭞ᬲᬸᬩᬢ᭄ᬮᬸ᭞ᬧᬤᬕᬶᬗᬶᬦ᭄ᬭᬶᬂᬓᬍᬫᬄ᭟ᬲᬸᬩᬢ᭄ᬮᬸ᭞ᬫᬲᬶᬄᬬᬳ᭄ᬦᬸᬢᬢ᭄ᬮᬸ᭞ᬧᬤᬦᬦ᭄ᬫᬦᬸᬗ᭄ᬕᬮ᭄᭞ᬩᬜᬸᬓ᭄ᬮᬳ᭄ᬬᬂᬳ
ᬕ᭄ᬦᬶ᭞ᬲᬸᬩᬢ᭄ᬮᬸ᭞ᬤᬕᬶᬗᬶᬦ᭄ᬳᬧᬄᬧᬸᬦᬶᬓ᭟ᬲᬸᬩᬢ᭄ᬮᬸ᭞ᬫᬲᬶᬄᬬᬳ᭄ᬦᬸᬢᬢ᭄ᬮᬸ᭞ᬮᬶᬦ᭄ᬢᬂᬢ᭄ᬭᬗ᭄ᬕᬡ᭞ᬲᬹᬃᬬ᭄ᬬᬘᬦ᭄ᬤ᭄ᬭᬫᬜᬋᬗᬶᬦ᭄᭞ᬲᬸᬩᬢ᭄ᬮᬸ᭞ᬧᭂᬧᭂᬓ᭄ᬥᬕᬶᬂᬗᬶᬦᬓ᭄ᬱᬵ᭟ᬲᬸᬩᬢ᭄ᬮᬸᬫᬲᬶᬄᬬᬳ᭄ᬦᬸᬳᬵ
[᭓ 3A]
ᬢ᭄ᬮᬸ᭞ᬰᬶᬯᬵᬲᬤ᭄ᬥᬲᬶᬯᬵ᭞ᬧ᭄ᬭᬫᬰᬶᬯᬵᬫᬜᬋᬗᬶᬦ᭄᭞ᬦᬸᬢᬢ᭄ᬮᬸ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬳ᭄ᬬᬗᬶᬰ᭄ᬯᬭᬵ᭟ᬲᬸᬩᬢ᭄ᬮᬸ᭞ᬫᬲᬶᬄᬢᬢ᭄ᬮᬸ᭞ᬫᬵᬦᬸᬱᬧᬸᬦᬶᬓ᭞ᬮᬦᬂᬯᬤᭀᬦ᭄ᬫᬶᬯᬄᬩᬸᬜ᭄ᬘᬶᬂ᭞ᬲᬸᬩᬢ᭄ᬮᬸ᭞ᬳᬶᬕ᭄ᬕᬳᬤ᭄ᬜᬦᬯᬱ᭄ᬝᬵ
ᬦ᭄ᬜ᭟ᬲᬸᬩᬢ᭄ᬮᬸ᭞ᬫᬲᬸᬄᬬᬳ᭄ᬦᬸᬢᬢ᭄ᬮᬸ᭞ᬳᬤᬮᬦ᭄ᬲᬶᬗᬮᬵ᭞ᬲᬸᬲᬸᬫ᭄ᬦᬫᬗᬵᬋᬗᬶᬦ᭄᭞ᬲᬸᬩᬢ᭄ᬮᬸ᭞ᬇᬓᬧᬲᬶᬦ᭄ᬥᬸᬳ᭄ᬦᬶᬂᬢᬲ᭄ᬢ᭄ᬭᬵ᭟ᬰᬶᬯᬢ᭄ᬮᬸᬩᬸᬓᬢ᭄ᬮᬸᬗᬯᬾᬢᬸᬢᬸᬃ᭞ᬫᬬᭀᬕᬳ᭄ᬬᬂᬩ᭄ᬭᬳ᭄ᬫᬵ᭞ᬫᬶᬚᬶᬮ᭄ᬧᬸ
ᬢ᭄ᬭᬮᬦᬂᬲᬯᬶᬚᬶ᭞ᬤᭀᬤᭀᬳᬶᬓᬸ᭞ᬦᬫᬦᬶᬭᬳ᭄ᬬᬂᬩᬸᬩᬸᬓ᭄ᬱᬄ᭟ᬲᬂᬳ᭄ᬬᬂᬯᬶᬱ᭄ᬡᬸ᭞ᬫᬧᬸᬢ᭄ᬭᬳᬶᬤᬳᬯᬸᬓᬸᬤ᭄᭞ᬰᬶᬯᬧᬡ᭄ᬥ᭄ᬬᬳᬶᬤ᭞ᬫᬗᬭᬦ᭄ᬲᬶᬭᬫ᭄ᬧᬸᬕ᭄ᬦᬶ᭞ᬲᬸᬩᬯ᭄ᬭᬸᬄ᭞ᬧᬤᬫᬤᬸᬤ᭄ᬯᬦ᭄ᬤᬶ
ᬭᬫᬵ᭟ᬳ᭄ᬦᬾᬳᬯᬸᬓᬸᬤ᭄᭞ᬳ᭄ᬬᬗᬶᬰ᭄ᬯᬭᬓᬯᬸᬯᬸᬲ᭄᭞ᬫᬬᭀᬕ᭄ᬖᬵᬢᬲᬶᬭ᭞ᬫ᭄ᬢᬸᬲᬶᬭᬚᬮᬋᬱᬶ᭞ᬧᬸᬢᬸᬲᬶᬧᬸᬦ᭄᭞ᬫᬗᬭᬦ᭄ᬲᬶᬭᬲᬫᬸᬓ᭟ᬮᬾᬦ᭄ᬢᬸᬢᬹᬃ᭞ᬧᬜ᭄ᬘᬓ᭄ᬱᬭᬵᬳᬸ
Kaca:Bali-lontar-gaguritan-sundari-trus-300ppi.pdf/3
Kaca puniki sampun kauji-wacén
