Kaca:Bali-lontar-gaguritan-sundari-trus-300ppi.pdf/12

Saking Wikisource
Kaca puniki sampun kauji-wacén

[᭑᭑ 11B]
᭑᭑
ᬭᬓᬤᬾᬮᬯᬸᬢ᭄᭞ᬤᬤᬶᬬᬵᬗᬲᬶᬲᬶᬬᬂ᭞ᬗᭂᬦᬬᬂᬳ᭄ᬩᬾᬳᬩ᭄ᬲᬶᬓ᭄᭞ᬓᬩᬶᬦᬗᬸᬦ᭄᭞ᬳ᭄ᬩᬾᬦᬾᬫᬫᬢᬫᬶᬭᬄ᭟ᬕ᭄ᬥᬾᬦᬾᬓᬩᬶᬦᬩᬶᬦ᭞ᬧᬥᬕᬯᭀᬓ᭄ᬱᬶᬂᬦᭂᬧᬸᬓᬶᬦ᭄᭞ᬗᭂᬦ᭄ᬥᬶᬄᬫᬸᬳᬸᬢ᭄ᬫᬢ᭄ᬭᬬᬸᬯᬦ᭄
᭞ᬤᬤᬶᬢ᭄ᬥᬸᬦ᭄ᬮᬸᬄᬫ᭄ᬯᬦᬶ᭞ᬘ᭄ᬦᬶᬓ᭄ᬮᬶᬄᬫᬩᬮᬶᬄ᭞ᬳ᭄ᬩᬾᬦᬾᬕ᭄ᬥᬾᬫᬜ᭄ᬚᬓᬹᬃ᭞ᬮᬯᬸᬢ᭄ᬲᬂᬤᬰᬩᬮᬵ᭞ᬫᬗ᭄ᬭᬱᬭᬱᬵᬳᬢᬶ᭞ᬧᬢᬸᬢ᭄ᬳᬶᬧᬸᬦ᭄᭞ᬓᬳᬢᬹᬃᬭᬶᬂᬤᬵᬲᬂᬦᬵᬣ᭟ᬩᬳᬦᬾᬩᬲ᭄ᬓᬩᬶᬦᬯᬵ᭞ᬮ
ᬦ᭄ᬢᬲ᭄ᬦᬸᬦ᭄ᬤᬾᬦ᭄ᬗᬩᬫᬸᬮᬶᬄ᭞ᬦᬾᬩᬾᬜ᭄ᬚᬂᬧ᭄ᬭᬬᬗᬢᬸᬭᬂ᭞ᬩᬳᬦᬾᬳᬮᬗᬦ᭄ᬯᭂᬗᬶ᭞ᬢᬦ᭄ᬓᭀᬘᬧᬦᬾᬚᬦᬶ᭞ᬲᬕᬾᬢ᭄ᬲᬵᬫ᭄ᬧᬸᬦ᭄ᬲᬶᬤ᭄ᬥᬭᬯᬸᬄ᭞ᬚᬸᬫᬄᬲᬂᬤᬰᬩᬮᬵ᭞ᬳ᭄ᬩᬾᬦᬾᬓᬧ᭄ᬭᬬᬢ᭄ᬦᬳᬶᬦ᭄
᭞ᬦᭀᬗᭀᬲ᭄ᬤᬶᬦᬢᬄᬲᬗ᭄ᬕᬳᬾᬫᬧᬭᬶᬓ᭄ᬱᬵ᭟ᬤᬾᬦᬶᬂᬩᬾᬫᬸᬮᬵᬉᬢ᭄ᬢᬫᬵ᭞ᬓᬵᬢᬢ᭄ᬯᬦ᭄ᬜᬦᬾᬬᭂᬳᬶᬗᬸᬦᬶ᭞ᬯᬶᬤ᭄ᬬᬥᬭᬷᬓ᭄ᬦᬵᬲᬧᬵ᭞ᬚᬦᬶᬧᬳᬶᬗᬦᬦ᭄ᬫᬸᬮᬶᬄ᭞ᬢᬦ᭄ᬧᬓᬭᬡᬵᬧᭀᬮᬶᬄ
[᭑᭒ 12A]
᭞ᬫᬦᬥᬄᬫᬦ᭄ᬲᬂᬧ᭄ᬭᬪᬸ᭞ᬳᬯᬦᬜᬓᬲᬧ᭞ᬩ᭄ᬮᬶᬂᬫᬦᬓ᭄ᬧᬭᬚᬦᬶ᭞ᬫᬶᬚᬶᬮ᭄ᬭᬭᬾ᭞ᬮᬸᬄᬫ᭄ᬯᬦᬶᬫᬓᬭᭀᬦᬦ᭄᭟ᬲᬳᭂᬫ᭄ᬩᬲ᭄ᬭᬭᬾᬦᬾᬤᬤ᭄ᬯ᭞ᬳ᭄ᬩᬾᬦᬾᬫᭀᬓ᭄ᬢᬄᬧ᭄ᬭᬚᬦᬶ᭞ᬯᬮᬸᬬᬫᬦ᭄ᬢᬸᬓᬶᬂᬰ᭄ᬯᬃᬕ᭄ᬖᬦ᭄᭞ᬫᬮᬶᬄᬤ
ᬤᭀᬲ᭄ᬯᬶᬥ᭄ᬬᬥᬭᬶ᭞ᬓᭀᬘᬧ᭄ᬤᬶᬦᬦᬾᬫᬦᬶ᭞ᬲᬂᬤᬰᬩᬮᬵᬦᬸᬭᬸᬧᬸᬢ᭄᭞ᬫᬜᬕ᭄ᬚᬕᬶᬦ᭄ᬓᬲᬗ᭄ᬕᬄ᭞ᬲᬕᬾᬢ᭄ᬓᬢᭀᬦ᭄ᬳᬦᬓ᭄ᬘᭂᬦᬶᬓ᭄᭞ᬩᬯᬸᬍᬓᬤ᭄᭞ᬮᬸᬄᬫ᭄ᬯᬦᬶᬫᬓᬭᭀᬦᬦ᭄᭟ᬤᬶᬮᬳᬤ᭄ᬩᬾᬦᬾᬫᬕ᭄ᬦᬄ
᭞ᬢ᭄ᬯᬭᬵᬚᬦ᭄ᬫᬵᬫᬦᭀᬗᭀᬲᬶᬦ᭄᭞ᬲᬂᬤᬰᬩᬮᬵᬓᬾᬫᭂᬗᬦ᭄᭞ᬫᬗ᭄ᬭᬱᬭᬱᬵᬤᬶᬳᬢᬶ᭞ᬬᬵᬓᬤᬦᬾᬦ᭄‌ᬍᬯᬶᬄ᭞ᬮᬦ᭄ᬫᬗᬾᬗ᭄ᬕᬮᬂᬜᬯᬸᬧ᭄᭞ᬭᬭᬾᬦᬾᬫᬓᬤᬤ᭄ᬯ᭞ᬕ᭄ᬮᬶᬲ᭄ᬓᬢᬸᬭᬂᬓᬧᬸᬭᬶ᭞ᬭᬶᬂᬲᬂᬧ᭄ᬭᬪᬸ
᭞ᬲᬧ᭄ᬭᬢᬶᬗ᭄ᬓᬳᬾᬓᬢᬸᬭᬂ᭟ᬲᬂᬧ᭄ᬭᬪᬸᬳᬾᬕᬃᬭᬶᬂᬘᬶᬢ᭄ᬢᬵ᭞ᬫᬾᬮᬶᬂᬲᬧᭀᬮᬳᬾᬗᬹᬦᬶ᭞ᬤᬸᬓᬾᬫᬢᬶᬢᬶᬧᬂᬓᬫᬃ᭞ᬓᬳᬢᬸᬃᬭᬶᬂᬧ᭄ᬭᬫᬶᬰ᭄ᬯᬭᬶ᭞ᬤᬤ᭄ᬬᬜᬢ᭄ᬯᬭᬢᬶᬦ᭄ᬤᬶᬄ᭞ᬓᬫᬦᬾᬢ᭄ᬯᬭᬓᬳ