Kaca:Bali-lontar-gaguritan-sucita-300ppi.pdf/97

Saking Wikisource
Kaca puniki sampun kauji-wacén

[ ᭙᭖ 96B]
᭙᭖᭞
ᬫᬺᬢᬦᬶᬂᬢᬸᬢᬸᬭᬾᬍᬯᬶᬄ᭞ᬓᬤᬶᬳᬜᬸᬤ᭄᭞ᬫᭀᬫᭀᬦ᭄ᬳᬶᬧᬸᬦᬾᬭᬶᬂᬫᬦᬄ᭟᭐᭟᭒᭔᭟ᬚᬦ᭄ᬢᭀᬲ᭄ᬦᬦᬓ᭄ᬧᬗᭂᬦᬦ᭄᭞ᬭᬶᬂᬢᬶᬗ᭄ᬓᬄᬳᬶᬧᬸᬦᬾᬗᬹᬦᬶ᭞ᬳᬦ᭄ᬢᬸ
ᬓ᭄ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬢᬶᬗ᭄ᬕᭂᬮᬲ᭄᭞ᬓᬦ᭄ᬢᭂᬦ᭄ᬭᬶᬂᬚ᭄ᬭᭀᬦᬶᬂᬳᬢᬶ᭞ᬓᬥᬃᬫ᭄ᬫᬦᬾᬢᬸᬳᬸᬍᬯᬶᬄ᭞ᬘᭀᬭᬳᬾᬳᬾᬫᬯᬓ᭄ᬧᬗᬧᬸᬲ᭄᭞ᬧᭂᬤᬲ᭄ᬧᬲ᭄ᬢᬶᬢ᭄ᬯᬭᬩᬶᬫ᭄ᬩᬂ᭞ᬚᬵᬢᬶᬬ
ᬓ᭄ᬱᬜᬦ᭄ᬤᬂᬧᬹᬚᬶ᭞ᬩᬦ᭄ᬢᬦ᭄ᬩᬶᬗᬸᬂ᭞ᬦᬶᬫ᭄ᬩᬂᬲᬮᬸᬯᬶᬃᬧᬶᬥᬃᬣ᭟᭐᭟᭒᭕᭟ᬳᬯᬦᬦ᭄ᬜᬓᬸᬧᬂᬮᬶᬫ᭞ᬩᭂᬳᭂᬲ᭄ᬗᬸᬦ᭄ᬢᬸᬮ᭄ᬫᬗᬪᬓ᭄ᬢᬶ᭞ᬲᬳᬅᬫᬢᬸᬃᬧ᭄ᬭᬡᬢ᭞ᬥᬸᬄ
ᬭᬢᬸᬲᬂᬢᬸᬳᬸᬳᬸᬍᬯᬶᬄ᭞ᬳᬶᬭᬢᬸᬜᬦ᭄ᬤᬂᬓᬧᬹᬚᬶ᭞ᬳᬧᬦ᭄ᬧ᭄ᬭᬚ᭄ᬜᬵᬦᬦᬾᬧᬸᬢᬸᬲ᭄᭞ᬫᬶᬭᬶᬗ᭄ᬳ᭄ᬬᬂᬕᬸᬭᬸᬜᬓᬵᬮ᭞ᬲᬤ᭄ᬬᬢᬶᬢ᭄ᬬᬂᬲᬤ᭄ᬥᬧᬗ᭄ᬕᬶᬄ᭞ᬯᬶᬥᬶᬳᬲᬸᬂ᭞
[ ᭙᭗ 97A]
ᬫᬤᬍᬫ᭄ᬢᬶᬢ᭄ᬬᬂᬓᬲᬲᬃ᭟᭐᭟᭒᭖᭟ᬩᬗᭂᬢ᭄ᬭᬸᬫᬲᬭᬶᬂᬫᬦᬄ᭞ᬳᬶᬯᬂᬲᭀᬮᬄᬢᬶᬢ᭄ᬬᬂᬗᬹᬦᬶ᭞ᬲᬓᬶᬂᬕᬸᬭᬸᬫᬗᬯᬶᬦᬂ᭞ᬢᬶᬢ᭄ᬬᬂᬫᬮᬚᬄᬦᬾᬭᬶᬳᬶᬦ᭄᭞ᬭᬶᬂᬬᬓ᭄ᬱ
ᬓᬮᬶᬦ᭄ᬢᬂᬰᬓ᭄ᬢᬶ᭞ᬢᬹᬃᬲᬸᬕᬶᬄᬢᬦ᭄ᬓᭂᬦᬳᬶᬢᬸᬂ᭞ᬯᬱ᭄ᬝᬦᬶᬧᬸᬦ᭄ᬲᬂᬢᬾᬚᬲ᭞ᬢᬶᬢ᭄ᬬᬂᬫᬤᬦ᭄ᬳᬶᬤᬸᬃᬕᬢᬶ᭞ᬳᬦ᭄ᬢᬸᬓ᭄ᬘᬸᬘᬸᬤ᭄᭞ᬤ᭄ᬯᬦᬶᬂᬢᬶᬢ᭄ᬬᬂᬓᬳᬾᬫᬦ᭄᭟᭐᭟᭒᭗᭟
ᬕᬸᬭᬸᬦ᭄ᬢᬶᬢ᭄ᬬᬗᬾᬧᬸᬦᬶᬓ᭞ᬲᭂᬓᭂᬦ᭄ᬗᬸᬭᬸᬓ᭄ᬫᬶᬢᬸᬢᬸᬭᬶᬦ᭄᭞ᬫᬦ᭄ᬤᬢᬶᬢ᭄ᬬᬂᬓᬸᬓᬸᬄᬓᬸᬯᬢ᭄᭞ᬗᭂᬢᭀᬳᬶᬦ᭄‌ᬅᬗ᭄ᬓᬭᬩᬸᬤ᭄ᬥᬶ᭞ᬓ᭄ᬭᭀᬤᬮᭀᬪᬳᬶᬭᬳᬢᬶ᭞ᬓᭂᬦᬶᬢ
ᬦ᭄ᬓᬾᬲᬄᬭᬶᬂᬓᬬᬸᬦ᭄᭞ᬧᬕᭂᬄᬗᬶᬫ᭄ᬧᬲᬶᬦ᭄ᬓᬥᬃᬫᬦ᭄᭞ᬭᬾᬄᬧᬸᬦᬶᬓᬕᭀᬥᬲᬳᬶ᭞ᬗᬯᬾᬭᬸᬦ᭄ᬢᬸᬄ᭞ᬓᬲᬸᬓᬦ᭄ᬫᬶᬯᬄᬓᬬᬓ᭄ᬱᬦ᭄᭟᭐᭟᭒᭘᭟ᬩᬲ᭄ᬘᭀ