[ ᭗ 7B]
᭗᭞
ᬦᬾᬫᬗ᭄ᬭᬜ᭄ᬚᬶᬂᬥᬃᬫ᭄ᬫᬩᬸᬤ᭄ᬥᬶ᭞ᬲᬂᬳ᭄ᬬᬂᬇᬰ᭄ᬯᬭᬮᬸᬯᬶᬄ᭞ᬲᬸᬚᬵᬢᬶᬫᬭᬵᬕᬤᬶᬢᬸ᭞ᬲᬓ᭄ᬱᬢ᭄ᬓᬯᭀᬦ᭄ᬓᬕᬫᭂᬮᬦ᭄᭞ᬤᬶᬢᬸᬫᬲᬓ᭄ᬱ᭄ᬬᬂᬤᬶᬭᬶ᭞ᬫᬯᬓᬸ
ᬓᬸᬃ᭞ᬳᬗ᭄ᬕᭀᬦ᭄ᬫᬫᬶᬤᬾᬦᬶᬦ᭄ᬭᬵᬕ᭟᭐᭟᭒᭘᭟ᬬᬾᬦᬶᬂᬤᬸᬭᬸᬂᬧᬭᬶᬰᬸᬤ᭄ᬥ᭞ᬓᬬᬯᬓ᭄ᬫᬦᬳᬾᬚᬵᬢᬶ᭞ᬤᬦ᭄ᬤᬾᬦ᭄ᬩᬜᬫᬦᭂᬕᭂᬦᬂ᭞ᬧᬘᬂᬫᬫᬗ᭄ᬕᬶᬄᬦᬾ
ᬳᬮᬶᬄ᭞ᬲᬗ᭄ᬓᬦ᭄ᬤᬶᬢᬸᬚ᭄ᬯᬬᬢ᭄ᬯᬳᬶᬦ᭄᭞ᬓᬗ᭄ᬕᭀᬯᬂᬳᬸᬮᬶᬳᬦ᭄ᬢᬸᬬᬸᬄ᭞ᬮ᭄ᬬᬸᬦᬂᬗᬯᬾᬧᬗᬜ᭄ᬘᬦ᭄᭞ᬫᬗ᭄ᬤᬢᬦ᭄ᬮᬩᬸᬄᬗᬸᬮᬶᬮᬶᬂ᭞ᬳᭂᬤᬢᬓᬸᬢ᭄᭞ᬗᬸ
ᬢᬂᬢᬸᬲᬸᬄᬗᬯᬾᬫᭂᬮᬄ᭟᭐᭟᭒᭙᭟ᬫᬸᬯᬸᬄᬳᬶᬗᭂᬢᬾᬓᭂᬜ᭄ᬘᭂᬗᬂ᭞ᬳᭂᬤᬩᭂᬗᭀᬂᬗᭂᬓᭀᬄᬳᬢᬶ᭞ᬕᬶᬩ᭄ᬭᬲ᭄ᬕᬶᬩ᭄ᬭᬲ᭄ᬦᬕ᭄ᬘᭂᬤᬗᬂ᭞ᬭᬵᬚᬄᬢᬫᬳᬾᬧᬂᬮᬶ
[ ᭘ 8A]
ᬮᬶᬄ᭞ᬬᬾᬦᬶᬂᬗᬸᬦ᭄ᬤᬧᬾᬳᬸᬮᬸᬭᬶᬦ᭄᭞ᬳᬾᬮᬄᬳᬶᬱᬤ᭄ᬭᬶᬧᬸᬢᬸᬫ᭄ᬩᬸᬄ᭞ᬕᬮᬓ᭄ᬫᬓᭂᬚᬂᬫ᭄ᬬᬮᬂ᭞ᬢᭀᬂᬫᬳᬂᬫᬜᬸᬚᬸᬄᬰᬸᬘᬶ᭞ᬕᬮᬓ᭄ᬗᬫᬸᬓ᭄᭞ᬢᬸᬮᬸᬲ᭄ᬩᬜᬓᬧᬘᬸᬦ᭄ᬤᬂ
᭟᭓᭐᭟ᬓᬗ᭄ᬳᬶᬬᬦ᭄ᬳᬶᬥᭂᬧᬾᬓᬸᬯᬢ᭄᭞ᬜᬮᬂᬓᬤᬶᬥᬫᬃᬗᭂᬦ᭄ᬤᬶᬄᬳᬸᬮᬶᬄᬤᬶᬢᬸᬕᬫ᭄ᬧᬂᬫᭂᬤᬮ᭄᭞ᬓᬍᬩᭂᬢᬾᬚᬢᬶᬮᬸᬯᬶᬄ᭞ᬲᬗ᭄ᬓᬦ᭄ᬢᭀᬳᬗ᭄ᬕᭀᬦ᭄ᬫᬢᬶᬢᬶᬲ᭄
᭞ᬦᬸᬚᬸᬢᬶᬗ᭄ᬓᬳᬾᬭᬳᬬᬸ᭞ᬯᬸᬳᬶᬦ᭄ᬩᬸᬯᬶᬦ᭄ᬳᭂᬦ᭄ᬢᬶᬓᬂ᭞ᬳᬶᬢ᭄ᬭᬶᬓᬬᬫᬗ᭄ᬤᬾᬦ᭄ᬩᬺᬱᬶᬄ᭞ᬦᬦᬓ᭄ᬩᬕᬸᬲ᭄᭞ᬓᬾᬦᬾᬩᬳᬦ᭄ᬫᬦᬶᬗ᭄ᬓᬳᬶᬂ᭟᭐᭟᭓᭑᭟ᬦᬾᬲᬓᬮᬮᬦ᭄ᬦᬶ
ᬱ᭄ᬓᬮ᭞ᬳᬢᭂᬧᬂᬫᬗ᭄ᬤᬾᬦ᭄ᬫᬫᭂᬲᬶᬓ᭄᭞ᬭᬾᬚᭀᬢᬶᬧᬮᬶᬗ᭄ᬕᬦ᭄ᬢᬸᬗ᭄ᬕᬮ᭄᭞ᬳ᭄ᬬᬂᬯᬶᬰᬾᬱᬗᬭᬵᬕᬦᬶᬦ᭄᭞ᬳᭂᬤᬫᬮᬲᬂᬤᬶᬳᬢᬶ᭞ᬢᬶᬗ᭄ᬓᬳᬾᬦᬶᬩᬓᬂᬳᬸᬦ᭄ᬤᬸᬓ᭄᭞
Kaca:Bali-lontar-gaguritan-sucita-300ppi.pdf/8
Kaca puniki sampun kauji-wacén
