[ ᭗᭓ 73B]
᭗᭓᭞
ᬓ᭞ᬓᬢᬄᬩᬸᬮᬓᬦᬾᬮᬸᬯᬸᬂ᭞ᬲᬦ᭄ᬤᬶᬂᬲᬃᬯ᭄ᬯᬲᭂᬚᬃᬓᬢᬄ᭞ᬓᭂᬤᬧᬦ᭄ᬢᬭᬸᬩᭂᬘᬶᬓ᭄ᬩᭂᬘᬶᬓ᭄᭟᭐᭟᭒᭔᭟ᬲᬸᬫᭂᬓᭂᬦ᭄ᬢᬶᬢ᭄ᬬᬂᬳᬶᬭᬶᬓ᭞ᬫᬫᬸᬓ᭄ᬢᬶᬬᬂ᭞ᬧᬶᬘᬦ᭄ᬳᬶ
ᬤᬲᬂᬳ᭄ᬬᬂᬯᬶᬥᬶ᭞ᬫᬦᬯᬶᬲᬂᬩᬕᬸᬲ᭄ᬧᬸᬗ᭄ᬓᬸᬃ᭞ᬯᬾᬦ᭄ᬢᭂᬦ᭄ᬧᬓᬬᬸᬦᬦ᭄ᬫᭂᬭᬶᬓ᭞ᬗ᭄ᬮᬷᬮᬮᬷᬮ᭞ᬫᬢᬷᬃᬣᬬᬢ᭄ᬭᬫᬗ᭄ᬮᬯᬸᬢ᭄᭞ᬲᬫ᭄ᬩᬢ᭄ᬕᬸᬳ᭄ᬬᬦᬫᬦ᭄ᬢᬶᬢ᭄ᬬᬂ᭞ᬲᬶᬦᬄ
ᬢᬶᬢ᭄ᬬᬂᬫᬫᭂᬦ᭄ᬤᬓᬶᬦ᭄᭟᭐᭟᭒᭕᭟ᬳᬶᬩᬸᬲᬾᬢ᭄ᬭᬭᬶᬲ᭄ᬦᬫ᭄ᬧᭂᬓᬂ᭞ᬫᬓᬶᬲᬶᬓᬶᬲᬶ᭞ᬦᬫ᭄ᬧᭂᬓᬶᬦ᭄ᬓᬃᬡᬦ᭄ᬲᬂᬓᬮᬶᬄ᭞ᬳᬸᬲᬦᬾᬫᬓᭂᬘᭀᬕ᭄ᬦᬸᬗ᭄ᬓ᭄ᬭᬸᬓ᭄
᭞ᬢᬥᬄᬳᬤᭀᬳᬦ᭄ᬫᬕᭂᬦᬄ᭞ᬗᬫᬮᬶᬳᬶᬦ᭄᭞ᬜᬫ᭄ᬩᬸᬂᬳᬢᬹᬃᬫᬗ᭄ᬕᬦ᭄ᬢᬸᬃ᭞ᬗ᭄ᬕᬶᬄᬤᬾᬯᬫᬮᬶᬄᬧᬶᬋᬗᬂ᭞ᬳᬢᬹᬃᬢᬶᬢ᭄ᬬᬗᬾᬧᬸᬦᬶᬓᬶ᭟᭐
[ ᭗᭔ 74A]
᭟᭒᭖᭟ᬫᬸᬗ᭄ᬕ᭄ᬯᬶᬂᬕᭂᬦᬄᬳᬶᬭᬵᬓ᭄ᬱᬲ᭞ᬪᭀᬬᬳᬤᭀᬄ᭞ᬓᬳᬓ᭄ᬱᬲᬓᬶᬂᬳᬶᬭᬶᬓᬶᬫᬭᬶᬂᬫᬸᬦ᭄ᬤᬸᬓᬾ ᬧᬸᬦᬶᬓᬸ᭞ᬭᬶᬂᬜᬫ᭄ᬧᬶᬄᬜᬯᬾᬦ᭄ᬢᭂᬦ᭄ᬕᭀᬯ᭞
ᬜᬦ᭄ᬤᬶᬂᬢᬸᬓᬤ᭄᭞ᬳᬶᬭᬶᬓᬳᬶᬧᬸᬦ᭄ᬫᬦᬸᬗ᭄ᬕᬸ᭞ᬕᭂᬦᬄᬳᬶᬤᬶᬂᬦᬺᬧᭂᬂᬧᬶᬲᬦ᭄᭞ᬭᬸᬗ᭄ᬓᬫᬥᬸᬃᬕ᭄ᬕᬫᬧᬶᬗᬶᬢ᭄᭟᭐᭟᭒᭗᭟ᬫᬶᬮᬶᬄᬢᬶᬢ᭄ᬬᬂᬫᬶᬲᭂᬓᭂᬦᬂ᭞ᬬ
ᬦᬶᬤᬾᬯ᭞ᬲᬵᬫ᭄ᬧᬸᬦ᭄ᬫᬸᬯᬢ᭄ᬢᭀᬬᬧᬸᬦᬶᬓᬶ᭞ᬲᬶᬦᬄᬳᬶᬧᬸᬦ᭄ᬢ᭄ᬯᬭᬫᬫ᭄ᬧᬸᬄ᭞ᬢᬦ᭄ᬲᬶᬤ᭄ᬥᬫᬓ᭄ᬱᬳᬶᬤᬾᬯ᭞ᬓᬮᬶᬬᬾᬦᬶᬂ᭞ᬲᬶᬭᬢᬂᬭᬶᬂᬢᬦᬄᬮᬸᬯᬸᬂ᭞ᬲᬂ
ᬬᬓ᭄ᬱᬢᬦ᭄ᬲᬶᬤ᭄ᬥᬗᬮᬶᬯᬢ᭄᭞ᬲᭂᬮᬢ᭄ᬳᬤᭂᬧᬗᬮᬶᬮᬶᬂ᭟᭐᭟᭒᭙᭟ᬬᬦᬶᬂᬩ᭄ᬯᬢ᭄ᬫᬫᬥᭂᬫᬂ᭞ᬓ᭄ᬭᬶᬢᬶᬲᬶᬦ᭄᭞ᬤᬾᬯᬾᬓᬶᬧᬸᬦ᭄ᬫᬗ᭄ᬤᬓᭂᬦᬶ᭞ᬲ
Kaca:Bali-lontar-gaguritan-sucita-300ppi.pdf/74
Kaca puniki sampun kauji-wacén
