Kaca:Bali-lontar-gaguritan-sucita-300ppi.pdf/64

Saking Wikisource
Kaca puniki sampun kauji-wacén

[ ᭖᭓ 63B]
᭖᭓᭞
ᬦ᭄ᬢᬾᬚ᭟᭐᭟᭑᭘᭟ᬲᬗᭂᬢ᭄ᬲᬸᬮᬶᬢ᭄‌ᬬᬦ᭄ᬢᬦ᭄ᬢᬢᬲ᭄᭞ᬢᭂᬓᬾᬦ᭄ᬤᬾᬯᬾᬓ᭄ᬦᬾᬲᬸᬚᬵᬢᬶ᭞ᬦᬾᬩᬶᬱᬫᬳᬯᬓ᭄ᬓᬢᬄ᭞ᬢᬹᬃᬩᬶᬱᬫᬯᬓ᭄ᬳᬩᭂᬲᬶᬓ᭄᭞
ᬫ᭄ᬯᬄᬢᬦ᭄ᬧᬳᬯᬓᬸᬦᬶᬂ᭞ᬳᭂᬦ᭄ᬢᭀᬜᬦ᭄ᬤᬂᬢᭂᬢᭂᬲᬶᬦ᭄ᬫᬮᬸ᭞ᬧᭂᬦᬯᬗᬾᬳᬧᬂᬧᭂᬤᬲ᭄᭞ᬓᬾᬦ᭄ᬓᬾᬦ᭄ᬓᬭᬡᬤᬤᬶᬳᬩᭂᬲᬶᬓ᭄᭞ᬤᬤᬶᬮ᭄ᬬᬸ᭞
ᬫ᭄ᬯᬄᬤᬤᬶᬢ᭄ᬯᬭᬳᬤ᭟᭐᭟᭑᭙᭟ᬫᬦᬹᬢ᭄ᬯᬭᬄᬲᬂᬳ᭄ᬬᬂᬰᬶᬯ᭞ᬭᬶᬂᬳᬶᬤᬳ᭄ᬬᬂᬉᬫᬤᬾᬯᬷ᭞ᬫᬶᬯᬄᬭᬶᬂᬲᬂᬳ᭄ᬬᬂᬓᬸᬫᬭ᭞ᬓᬶᬦᬸᬘᬧ᭄ᬕᬸᬫᬶᬦᬾᬲᬫᬶ᭞ᬢᭂᬓ
ᬦᬶᬂᬤᬕᬶᬂᬜᬫᬮᬶᬄ᭞ᬗᬦᬹᬢᬶᬦ᭄ᬧᬦᬫ᭄ᬧᬾᬦ᭄ᬓᬬᬸᬦ᭄᭞ᬬᬾᬦᬶᬂᬢᬫ᭄ᬧᬶᬗᬫᬸᬲᬸᬳᬂ᭞ᬚᬕᬸᬢᬾᬤᬤᬶᬜᬢ᭄ᬭᬸᬦᬶᬦ᭄᭞ᬲᬳᬶᬦᬸᬭᬸᬢ᭄᭞ᬩᬸᬓᬢ᭄ᬯᬭ
[ ᭖᭔ 64A]
ᬢᬳᬾᬦ᭄ᬕᬶᬜ᭄ᬚᬮ᭄᭟᭐᭟᭒᭐᭟ᬬᬾᬦᬶᬂᬬᬶᬓᬬᬸᬦᬾᬲᬬᬂ᭞ᬕᬸᬫᬶᬦᬾᬜᬬᬗᬂᬫᬲᬶᬄ᭞ᬫᬮᬶᬄᬬᬦ᭄ᬭᬲᬬᬂᬓᬢᬄ᭞ᬚᬕᬢᬾᬓᬢᬄᬦᬸᬭᬹᬢᬶᬦ᭄᭞
ᬬᬾᬦᬶᬂᬭᬲᬬᬂᬳᬩᭂᬤᬶᬓ᭄᭞ᬩᬋᬂᬚᬕᬢᬾᬢᬦ᭄ᬮᬶᬬᬸ᭞ᬬᬦ᭄ᬩᬓᬢ᭄ᬭᬲᬬᬂᬢᬸᬗ᭄ᬕᬮ᭄᭞ᬚᬕᬢᬾᬩᬋᬂᬳᬩᭂᬲᬶᬓ᭄᭞ᬢᬫ᭄ᬧᬶᬲᬸᬯᬸᬂ᭞ᬫᬶᬮᬸᬲᬸᬯᬸᬂᬬᬳᬶᬚ
ᬕᬢ᭄᭟᭐᭟᭒᭑᭟ᬳᬤᬳᬶᬫ᭄ᬩᬳᬗ᭄ᬕᭀᬦ᭄ᬗᬯᬲ᭄᭞ᬬᬦ᭄ᬓᭂᬦᭂᬳᬾᬫᬶᬲᬶᬭᬸᬦ᭄ᬢᬶᬓ᭄᭞ᬲᬶᬂᬧᬳᬓ᭄ᬗᭂᬤᭂᬕᬶᬦ᭄ᬩᬲᬂ᭞ᬮᬸᬯᬸᬦ᭄ᬚᭂᬮᬦᬦ᭄ᬮᬦ᭄ᬓᬸᬃᬱᬶ᭞ᬩᬋᬂᬦᬸᬫ᭄ᬧᬂᬗ
ᬯᬾᬭᬸᬦ᭄ᬢᬶᬓ᭄᭞ᬳᬲᬶᬂᬓᬢᭀᬦ᭄ᬫᬸᬯᬓᬭᬸᬗᬸ᭞ᬫᬓᭂᬚᬂᬗᭂᬦ᭄ᬢᬸᬓᬶᬦ᭄ᬫᬦᬄ᭞ᬗᬯᬸᬯᬸᬳᬶᬦ᭄ᬓᭂᬦᭂᬄᬩ᭄ᬭᬗ᭄ᬢᬶ᭞ᬫᬸᬯᬸᬄᬳᬶᬫ᭄ᬧᬸᬢ᭄᭞ᬫᬓᬶᬢᬳᭀᬜ