Kaca:Bali-lontar-gaguritan-sucita-300ppi.pdf/55

Saking Wikisource
Cebur nuju navigasi Cebur nuju parerehan
Kaca puniki sampun kauji-wacén

[ ᭕᭔ 54B]
᭕᭔᭞
ᬓᬸᬤ᭄ᬬᬂᬫᭂᬤᬲᬶᬦ᭄ᬩᬦᬵᬓ᭄ᬱᬶ᭞ᬢ᭄ᬯᬭᬧᬗ᭄ᬕᬸᬄ᭞ᬬᬦ᭄ᬢᬦ᭄ᬧᬸᬭᬸᬦ᭄ᬗᬸᬢᬂᬭᬲ᭟᭐᭟᭑᭗᭟ᬳᭂᬦ᭄ᬢᭀᬦᬾᬫᬢᬹᬢ᭄ᬲᬭᬵᬢᬂ᭞ᬜᬦ᭄ᬤᬂᬢᬸᬚᬸᬲᬋᬂᬲᬫᬶ᭞ᬳᭂᬦ᭄ᬢᭀᬤᬾᬯᬾᬓᬾ
ᬧᬲᬚ᭞ᬳᭂᬦ᭄ᬢᭀᬭᬸᬭᬸᬂᬧᬮᬶᬂᬶᬄᬳᭂᬦ᭄ᬢᭀᬳᬗ᭄ᬕᭀᬦ᭄ᬫᬗᭂᬦ᭄ᬢᬲᬶᬦ᭄᭞ᬦᬗ᭄ᬳᬶᬬᬦ᭄ᬩᬜᬦᬸᬩᬶᬗᬸᬂ᭞ᬳᭂᬦ᭄ᬢᭀᬧᬘᬂᬫᬜᭂᬗ᭄ᬓᬮ᭞ᬳᭂᬦ᭄ᬢᭀᬢᬦ᭄ᬜᬦ᭄ᬤᬂᬳᬮᬶᬄ᭞ᬩ
ᬓᬢ᭄ᬢᬦ᭄ᬤ᭄ᬭᬸᬄ᭞ᬩᬦ᭄ᬕᬗ᭄ᬲᬃᬫᬜᬸᬗ᭄ᬕᭂᬧ᭄ᬭᬶᬸᬲᬶᬸ᭟ᬮᬧ᭄ᬭᬲ᭟᭐᭟᭑᭘᭟ᬳᬚᬳᬦ᭄ᬓᬥᬶᬜᬬᬗᬂ᭞ᬲᬓ᭄ᬱᬡᬫᬶᬭᬶᬩ᭄ᬗᭂᬫᭂᬲᬶᬦ᭄᭞ᬳᬶᬢᬸᬦᬶᬓᬤᬶᬗᬲᬶᬳᬂ᭞ᬜᬦ
ᬦ᭄ᬘᬭᬗᬫᬸᬲᬸᬳᬶᬦ᭄᭞ᬢ᭄ᬯᬭᬜᬓ᭄ᬳᭂᬦᭂᬄᬫᬓᬦ᭄ᬢᬶ᭞ᬢᬦ᭄ᬲᭂᬓᭂᬦ᭄ᬫᬦᬤᬶᬫᬸᬲᬸᬄ᭞ᬓᬾᬢᭀᬧᬦᬮᬶᬄᬲᬂᬫᬸᬤ᭞ᬩᬳᬦ᭄ᬓᭂᬚᭀᬓᬦ᭄ᬧᬗᬓ᭄ᬱᬶ᭞ᬦᬾᬓᬤᬸ
[ ᭕᭕ 55A]
ᬮᬸ᭞ᬢᬦ᭄ᬢᬄᬓᬸᬮᬶᬢ᭄ᬮᬧᬶᬲ᭄ᬫᬦᬄ᭟᭐᭟᭑᭙᭟ᬓᬤᬶᬕᬤᭂᬩᭀᬂᬮᬦ᭄ᬩᬯᬂ᭞ᬫᬸᬗ᭄ᬕ᭄ᬯᬂᬳᬸᬦ᭄ᬢᭂᬂᬜᬢᬦ᭄ᬓᬓ᭄ᬱᬶ᭞ᬢᬹᬃᬬᬦ᭄ᬢ᭄ᬯᬭᬜᭂᬮᬧ᭄ᬧᭂᬤᬲᬂ᭞ᬩᬦ᭄ᬧᬸᬬᬸᬂᬓᬤᬾᬦ᭄ᬢᬦ᭄ᬫᬶᬲᬶ᭞
ᬯᬶᬭᬾᬄᬢᬯᬂᬢ᭄ᬯᬭᬧᬶᬧᬶᬲ᭄᭞ᬢ᭄ᬯᬭᬬᬾᬄᬢ᭄ᬯᬭᬲᬗᬸ᭞ᬫᬶᬯᬄᬢᬦ᭄ᬯᬾᬦ᭄ᬢᭂᬦ᭄ᬪᬸᬱᬡ᭞ᬲᬗ᭄ᬓᬦ᭄ᬮ᭄ᬬᬸᬢ᭄ᬯᬭᬳᬶᬲ᭄ᬭᬶᬓ᭄᭞ᬩᬦᬾᬧᬸᬬᬸᬂ᭞ᬓᬤᬾᬦ᭄ᬧ᭄ᬭᬕᬢ᭄ᬫᬯᬓ᭄ᬢᭂᬮᬄ᭟᭐᭟
ᬦᬗ᭄ᬳᬶᬂᬬᬦ᭄ᬩᬦᬶᬗᬮᬶᬯᬢᬂ᭞ᬧᬮᬶᬳᬢᬾᬩ᭄ᬯᬶᬦ᭄ᬳᬩᭂᬤᬶᬓ᭄᭞ᬫᭂᬤᬲᬶᬦ᭄ᬧᬸᬬᬸᬂ᭞ᬧᬸᬦᬶᬓ᭞ᬕᬸᬡᬦ᭄ᬜᬢ᭄ᬯᬭᬓᬶᬤᬶᬓᬦ᭄᭞ᬘᬸᬗᬸᬳᬾᬳᭂᬫ᭄ᬧᭂᬢ᭄ᬳᬕᬶᬕᬶᬲ᭄᭞ᬭᬲᬦᬾ
ᬢ᭄ᬯᬭᬮᬸᬯᬸᬂ᭞ᬲᭀᬂᬓᬸᬧᬶᬗᬾᬬᬦ᭄ᬲᬫ᭄ᬧᭂᬢᬦ᭄᭞ᬩᭀᬗᭀᬮ᭄ᬢ᭄ᬯᬭᬦᬶᬗᭂᬄᬫᬸᬜᬶ᭞ᬗᭂᬦᬄᬤᬶᬢᬸ᭞ᬧᬸᬬᬸᬗᬾᬕᭂᬥᬾᬕᬸᬡᬦ᭄ᬜ᭟᭐᭟᭒᭑᭟ᬓᬓᭀ