Kaca:Bali-lontar-gaguritan-sucita-300ppi.pdf/50

Saking Wikisource
Kaca puniki sampun kauji-wacén

[ ᭔᭙ 49B]
᭔᭙᭞
ᬦ᭄ᬩᬓᬢ᭄ᬚᬳᭂᬗᬂ᭞ᬚᬯᬓᬾᬢᬦᬸᬭᬸᬂᬫᬢᬶ᭞ᬬᬦᬶᬂᬆᬫᬺᬣᬳᬚᭂᬗᬂ᭞ᬲᭂᬕᭂᬃᬯᬭᬲ᭄ᬩᬓᬢ᭄ᬧᬸᬧᬸ᭞ᬬᬦ᭄ᬤᬾᬯᬾᬓᬾᬓᬭᬸᬲᬓᬂ᭞ᬩᬋᬂᬲᬓᬶᬢ᭄᭞ᬓᭂᬦᭂᬳᬾᬢ᭄ᬯᬭ
ᬩᬸᬯᬸᬗᬦ᭄᭟᭐᭟᭓᭐᭟ᬤᬤᬳᬭᬦ᭄ᬳᬦᬾ ᬫᭂᬮᬄ᭞ᬗᬯᬾᬓᬾᬦᬓ᭄ᬭᬵᬕᬧᬲ᭄ᬢᬶ᭞ᬭᬵᬕᬦᬾᬯᬭᬲ᭄ᬗᬯᬶᬦᬂ᭞ᬓᬬᬸᬦᬾᬫᬦᬤᬶᬮᬦ᭄ᬤᬸᬄ᭞ᬲᬓᬶᬂᬓᬮᬦ᭄ᬤᬸᬳᬦ᭄ᬫ
ᬦᬄ᭞ᬩᬸᬯᬶᬦ᭄ᬫᬩᬮᬶᬓ᭄᭞ᬗᬯᭂᬢ᭄ᬯᬂᬭᬵᬕᬯᬭᬲ᭄᭟᭐᭟᭓᭑᭟ᬳᬯᬶᬦᬦ᭄ᬳᬶᬤᬲᬂᬧ᭄ᬭᬚ᭄ᬜᬵᬦ᭄᭞ᬫᬭᬬᬸᬦᬦ᭄ᬲᬗᭂᬢ᭄ᬳᬧᬶᬓ᭄᭞ᬗᬶᬗᬦᬶᬦ᭄‌ᬬᭀᬕ᭄ᬬᬢᬦ᭄
ᬬᭀᬕ᭄ᬬ᭞ᬜᬾᬦ᭄ᬲᬲᬗ᭄ᬕᬸᬧ᭄ᬗᬚᭂᬂᬭᬘᬸᬦ᭄᭞ᬫᬗ᭄ᬤᬢᬦ᭄ᬜᬓᬶᬢᬶᬦ᭄ᬫᬦᬄ᭞ᬫᬲ᭄ᬜᭂᬚᭂᬳᬶᬦ᭄᭞ᬬᬦ᭄ᬳᬤᬩᬦᬶᬜᬗ᭄ᬕᬸᬧᬂ᭟᭐᭟᭓᭒᭟ᬚᬵᬢᬶᬦ᭄ᬜᬦᬾᬫ

[ ᭕᭐ 50A]
ᬦᬄ᭞ᬕᬜ᭄ᬚᬶᬳᬦ᭄ᬲᬗᭂᬢ᭄ᬭᬶᬂᬳᬗᬶᬦ᭄᭞ᬓᬮᬶᬂᬢᭂᬫ᭄ᬧᬸᬄᬤᬤᬳᬭᬦ᭄᭞ᬓᬸᬤ᭄ᬬᬂᬫᬗᭂᬦ᭄ᬢᭂᬕᬂᬓᬬᬸᬦ᭄᭞ᬗᬦ᭄ᬢᭂᬲ᭄ᬲᬦ᭄ᬤᬶᬂᬲᭂᬩᭂᬂᬭᬸᬲᬓ᭄᭞ᬲᬸᬩᬲᭂᬤᬶᬄ᭞ᬫᬕᭂᬚᬸᬮᬦ᭄
ᬗᭀᬕᬄᬳᬯᬓ᭄᭟᭐᭟᭓᭓᭟ᬳᭂᬦ᭄ᬢᭀᬓ᭄ᬭᬡᬜᬦ᭄ᬤᬂᬬᬢ᭄ᬦ᭞ᬧᬧᬗᬦᬦᬾᬧᬶᬮᬶᬳᬶᬦ᭄᭞ᬢᭀᬦ᭄ᬤᬾᬦ᭄ᬜᬦ᭄ᬤᬂᬫᬗᬦ᭄ᬤᭂᬮᬂ᭞ᬗᭂᬮᬄᬓᬓ᭄ᬯᬢᬦ᭄ᬓᬬᬸᬦ᭄᭞ᬫᬲᬶᬄᬳᬶ
ᬗᭂᬭᬂᬤᬶᬫᬦᬄ᭞ᬧᬂᬤᬧᭂᬮᬶᬄ᭞ᬤᭂᬕᬕᬾᬓᬤᬾᬦ᭄ᬯᬶᬰᬾᬱ᭟᭐᭟᭓᭔᭟ᬬᬦ᭄ᬲᬸᬩᬳᬧᬶᬧᬲᬚ᭞ᬗᬸᬤ᭄ᬬᬂᬢᬓᬸᬢ᭄ᬦᬸᬜ᭄ᬚᭂᬮ᭄ᬘᭂᬢᬶᬓ᭄᭞ᬓᬗ᭄ᬳᬶᬂᬬᬦ᭄ᬩᬸᬓᬕᬤᭂᬩᭀᬂ᭞
ᬗᬸᬤ᭄ᬬᬂᬧᬗ᭄ᬓᬄᬗᬲᬾᬦ᭄ᬢᭂᬕᬸᬄ᭞ᬤᬶᬕᬕ᭄ᬦᬦ᭄ᬢᬗᬶᬦ᭄ᬓᬍᬯᬂ᭞ᬢᬸᬮᬸᬲ᭄ᬢᬶᬤᬶᬂ᭞ᬧᭂᬕᬢ᭄ᬓᬲᬫ᭄ᬧ᭄ᬯᬓ᭄ᬲᬧᬶᬲᬦ᭄᭟᭐᭟᭓᭕᭟ᬳᬧᬂᬩᬶᬱᬗᬩᬳᬯᬓ᭄᭞ᬗᬤᬸᬗᬂ