Kaca:Bali-lontar-gaguritan-sucita-300ppi.pdf/32

Saking Wikisource
Kaca puniki sampun kauji-wacén

[ ᭓᭑ 31B]
ᬳᬮᬸᬲ᭄ᬩᬦ᭄ᬩᬦ᭄᭞ᬰᬸᬘᬶᬢᬦᬦᬓ᭄ᬲᬂᬯᬕ᭄ᬫᬶ᭞ᬩᬧᬢ᭄ᬯᬭᬧᬜ᭄ᬚᬂ᭞ᬬᬦ᭄ᬜᬓ᭄ᬢᭂᬓᬚᬕ᭄ᬚᬸᬯᬂ᭞ᬳᬤᬶᬦ᭄ᬘᭂᬦᬶᬂᬦᬶᬓᬭᬸᬡᬷ᭞ᬤᬄᬓᬾᬯᬮ᭞ᬧᬭᬥᬭᬦᬾᬳᬶᬫ᭄ᬧᬲᬶᬦ᭄᭟᭐
᭟᭓᭒᭟ᬲ᭄ᬯᬥᬃᬫ᭄ᬫᬦᬾᬜᬦ᭄ᬤᬂᬳᬕᭂᬫ᭄ᬢᭂᬓᭂᬓᬂ᭞ᬢᬶᬗ᭄ᬓᬳᬾᬫᬗᬫᬾᬢ᭄ᬭᬩᬶ᭞ᬬᬾᬦᬶᬂᬲᬂᬓ᭄ᬱᬢ᭄ᬭᬶᬬ᭞ᬯᭂᬦᬂᬲᬓᬶᬂᬓᬧ᭄ᬭᬯᬶᬭᬦ᭄᭞ᬧᬫᬃᬕ᭄ᬕᬶᬦᬾᬗᬮᬧ᭄ᬭᬩᬶ᭞ᬲᬂᬩ᭄ᬭᬵᬳ᭄ᬫ
ᬡ᭞ᬲᬓᬶᬂᬳᬤᬸᬂᬧᬶᬦᬶᬄᬩᭂᬘᬶᬓ᭄᭟᭐᭟᭓᭓᭟ᬫᬲᬶᬄᬳᬤᬧᬓᬾᬮᬶᬂᬩᬧᬲᬫᬢ᭄ᬭ᭞ᬫᬸᬮᬬᬦ᭄‌ᬲ᭄ᬫᬭᬗᬦᬶᬦᬶᬦ᭄᭞ᬧᬫ᭄ᬮᬧᬦᬾᬳᬶᬮᬂ᭞ᬤᬶᬲᬸᬩᬦ᭄‌ᬬᬢ᭄ᬦ
ᬤᬾᬦᬶᬗ᭄ᬕᬮ᭄᭞ᬧᬢᬹᬢᬾᬓᬺᬂᬫᬕᭂᬤᬶ᭞ᬤᬤᬶᬳᬶᬯᬂ᭞ᬫᬶᬫ᭄ᬧᬲ᭄ᬦᬾᬳᬮᬶᬄᬢᬦ᭄ᬓᭂᬦᬶ᭟᭐᭟᭓᭔᭟ᬕᬫ᭄ᬧᬂᬓ᭄ᬭᭀᬤᬳᬯᬓᬾᬭᬸᬫᬲᬓ᭄ᬯᬰ᭞ᬤᬾᬯᬯᬶᬥᭂ
[ ᭓᭒ 32A]
ᬢᬦ᭄ᬢᬓᬸᬢᬶᬦ᭄᭞ᬮᬲ᭄ᬫᬸᬭᬸᬕ᭄ᬮᬭᬗᬦ᭄᭞ᬰᬵᬲ᭄ᬢ᭄ᬭᬵᬕᬫᬭᭀᬫ᭄ᬧᬦ᭄ᬳᭀᬜ᭞ᬢᬦ᭄ᬢᬓᬸᬢ᭄ᬫᬗ᭄ᬕᬶᬄᬯᬾᬘᬶ᭞ᬲᬂᬳ᭄ᬬᬂᬬᬫ᭞ᬫᬓᬶᬢᬗᬮᬯᬦ᭄ᬫᬢᬶᬕ᭄ᬢᬶᬕ᭄᭟᭐᭟
᭓᭕᭟ᬯᬶᬭᬾᬄᬮᬗᬄᬩᬚᬗᬾᬢᭀᬗᭀᬲᬶᬦ᭄‌ᬬᬢ᭄ᬦ᭞ᬢᬸᬳᬸᬳᬾᬲᬗᭂᬢ᭄ᬗᬩᬦᬶᬦ᭄᭞ᬮᬸᬤ᭄ᬫᬓᬦ᭄ᬢᬶᬇᬦ᭄ᬤ᭄ᬭᬶᬬ᭞ᬲᬗ᭄ᬓᬦ᭄ᬩᬧᬫᬓᬾᬮᬶᬗᬂ᭞ᬫᬸᬕᬶᬘᭂᬦᬶᬂᬓ᭄ᬯᬢ᭄ᬜ
ᬕᬦᬶᬦ᭄᭞ᬦ᭄ᬤᬶᬳᬦᬶᬦ᭄ᬤ᭄ᬭᬶᬬ᭞ᬳᬧᬂᬳᭂᬤᬦᬶᬮᬧ᭄ᬫᬸᬳᬸᬦᬶᬦ᭄᭟᭐᭟᭓᭖᭟ᬲᬗ᭄ᬓᬦ᭄ᬳᬧᬂ᭞ᬢᬗᬃᬫᬗᬫᭀᬂᬇᬦ᭄ᬤ᭄ᬭᬶᬬ᭞ᬭᬾᬄᬬᬧᬢᬶᬲ᭄ᬮᬮᬶᬧᬶ᭞ᬫᬸᬧᬲ᭄ᬫᬭᬡᬾ
ᬦ᭄ᬧᬶᬲᬦ᭄᭞ᬬᬦ᭄ᬓᬶᬭᬂᬬᬢ᭄ᬦᬫᬜᬕᬜᬶᬫ᭄ᬩᬸᬄᬫᬾᬄᬪᬬᬳᬯᬦᬶᬦ᭄᭞ᬓᬾᬢᭀᬤᬾᬯ᭞ᬦᬄᬓᭂᬫᬳᬶᬳᬤᬶᬍᬫᭂᬲᬶᬦ᭄᭟᭐᭟᭓᭗᭟ᬓᬤᬶ