Kaca:Bali-lontar-gaguritan-sucita-300ppi.pdf/21

[ ᭒᭐ 20B]
ᬘᬶᬢᬫᬃᬕ᭄ᬬᬂᬭᬶᬳᬶᬦ᭄᭞ᬫᬗ᭄ᬤᬾᬓ᭄ᬧᬶᬓᭀᬮᬶᬄᬩᭂᬘᬶᬓ᭄᭞ᬲᬓᬶᬂᬬᬢ᭄ᬦᬗᬮᬶᬄᬮᬸᬯᬸᬂ᭞ᬤ᭄ᬭᭀᬧᭀᬦ᭄ᬓᬬᬸᬦᬾᬢᬶᬗ᭄ᬕᬮᬂ᭞ᬭᬾᬄᬕᬫ᭄ᬧᬂᬳᬮᬦᬾᬧᬗ᭄ᬕᬶᬄ᭞ᬩᬶᬮᬶᬄᬮ
ᬘᬸᬃ᭞ᬳᬦᬾᬳᬮᬶᬄᬢ᭄ᬯᬭᬩᬓᬢ᭄᭟᭐᭟᭘᭕᭟ᬳᬧᬦ᭄ᬲᬚ᭄ᬭᭀᬦᬶᬂᬧᬗ᭄ᬮᬶᬧᬦ᭄᭞ᬓᬧᬢᬹᬢᬦᬾ ᬫᬮᬶᬗ᭄ᬕᬶᬄ᭞ᬫᬸᬗ᭄ᬕ᭄ᬯᬶᬂᬧᬢᬹᬢᬾᬧᬸᬦᬶᬓ᭞ᬲᬓ᭄ᬱᬢᬵᬃᬘ᭄ᬘᬍᬯᬶᬄ᭞
᭟᭘᭖᭟ᬢᬦ᭄ᬓᬶᬥᬶᬓ᭄ᬰᬵᬲ᭄ᬢ᭄ᬭᬜᬶᬦᬳᬂ᭞ᬤ᭄ᬭᭀᬧᭀᬦᬾᬫᬫᬗ᭄ᬕᬶᬄᬯᬾᬘᬶᬓᬬᬢ᭄ᬦᬦᬾᬗᬯᬾᬲᬸᬓ᭞ᬦᬶᬓᬳᬸᬕᭂᬭᬸᬕᭂᬃᬧᬲ᭄ᬢᬶ᭞ᬢᬦ᭄ᬤᬤᭀᬲᬸᬯᬳᬸᬯᬶᬳᬶᬦ᭄
[ ᭒᭑ 21A]
ᬬᬦ᭄ᬧᬸᬭᬸᬕ᭄ᬫᬗ᭄ᬕᬶᬄᬓᬾᬯᬸᬄ᭞ᬧᬸᬦᬶᬓᬩᭂᬮᬶᬧᬶᬦᭂᬳᬂ᭞ᬬᬦ᭄ᬢᬸᬢᬸᬕ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬮᬶᬦ᭄ᬢᬂᬮᬸᬘᬸ᭞ᬲᭀᬮᬳᬾᬢᬦ᭄ᬫᬦᬹᬢ᭄ᬓ᭄ᬭᬫ᭟᭐᭟᭘᭗᭟ᬤ᭄ᬬᬲ᭄ᬢᬸᬳᬶᬳᬚᬷᬢ
ᬢᬶᬸᬦ᭄ᬫᭂᬗ᭄ᬕᬄ᭞ᬧᬮ᭄ᬮᬾᬫᬾᬓ᭄ᬳᬮᬸᬲ᭄ᬓᬶᬘᬾᬦᬶᬦ᭄᭞ᬲᬶᬦᬄᬫᬦᬤᭀᬲ᭄ᬲᭂᬮ᭄ᬲᭂᬮᬦ᭄᭞ᬳᬾᬮᬶᬂᬭᬶᬂᬇᬡ᭄ᬤᬶᬓᬾᬲᬶᬲᬶᬧ᭄᭞ᬮᬸᬯᬶᬃᬢᬶᬗ᭄ᬓᬄᬳᬶᬲ᭄ᬢ᭄ᬭᬷᬚᬮᬶᬃ᭞ᬗᬸᬫ᭄ᬩᬭᬗᬮᬶᬄᬯᭀᬂ
ᬓᬓᬸᬂ᭞ᬬᬦ᭄ᬩᭂᬮᬶᬢᬸᬳᬸᬲᬸᬯᬾᬘ᭞ᬭᬶᬂᬢᬶᬢ᭄ᬬᬂᬳᬶᬢᬸᬦᬩᬸᬤ᭄ᬥᬶ᭞ᬫᬦ᭄ᬢᬶᬓ᭄ᬤᬸᬫᬸᬦ᭄᭞ᬯᬸᬲᬦᬦ᭄ᬫᬗ᭄ᬓᬶᬦ᭄ᬯᬶᬮᬗᬦ᭄᭟᭐᭟ᬲᬂᬰᬸᬘᬶᬢᬓᬬᬸᬦᬾᬧᬸᬦᬄ᭞ᬭᬘᬸᬦ᭄ᬓᬥᬃᬫ᭄ᬫ
ᬦ᭄ᬦᬶᬩᬾᬦᬶᬦ᭄᭞ᬢᬸᬫᬸᬮᬶᬭᬭᬶᬲ᭄ᬗᬦ᭄ᬤᬶᬓ᭞ᬥᬸᬄᬭᬢᬸᬳ᭄ᬬᬂᬲᬭᬲ᭄ᬯᬢᬷ᭞ᬢᬸᬳᬸᬫᬭᬵᬕᬰᬵᬲ᭄ᬢ᭄ᬭᬯᬶᬢ᭄᭞ᬲᬗ᭄ᬓᬦ᭄ᬓᬧ᭄ᬭᬚ᭄ᬜᬦᬾᬫᬸᬮᬸᬲ᭄᭞ᬧᬦ᭄ᬢᭂᬲ᭄ᬢᬸᬭᬸᬦᬦᬸᬢ᭄ᬢᬫ᭞