Kaca:Bali-lontar-gaguritan-sucita-300ppi.pdf/17

Saking Wikisource
Kaca puniki sampun kauji-wacén

[ ᭑᭖ 16B]
᭑᭖᭞
ᬦ᭄ᬧᬵᬢ᭄ᬫ᭞ᬗᭂᬢᭀᬦ᭄ᬮᬫ᭄ᬩᬾᬦᬾ ᬫᬲ᭄ᬫᬦᬶᬲ᭄᭞ᬳᬶᬜᬸᬄᬕᬥᬶᬂᬓᬮᬧᬩᬸᬮᬦ᭄᭞ᬓᬦ᭄ᬢᬶᬢᬸᬄᬢᬸᬮᬄᬦᬦ᭄ᬤᬶᬗᬶᬦ᭄᭞ᬲᬸᬲᬸᬦ᭄ᬳᬶᬫᬶᬭᬳᬾᬜᬗ᭄ᬓᬶᬄ᭞ᬓᬮᬶᬗ᭄ᬓᬾᬳᭂᬦ᭄ᬢᬶᬓ᭄ᬕᬥᬸᬂ
᭞ᬩᬲ᭄‌ᬘᭀᬭᬄᬬᬦ᭄ᬧᬸᬭᬸᬦ᭄ᬦᬗᬄ᭞ᬫᬥ᭄ᬬᬦ᭄ᬳᬶᬭᬢᬸᬦᬾᬭᬫ᭄ᬧᬶᬂ᭞ᬋᬧ᭄ᬫᬦᬸᬗ᭄ᬓᬸᬮ᭄᭞ᬓᬸᬮᬗᬸᬦᬦᬾᬫᬓᭂᬚᬂ᭟᭐᭟᭖᭘᭟ᬚᭂᬦᭂᬂᬳᬶᬫᬶᬭᬄᬓᬾᬘᬮᬦ᭄᭞ᬲᬗ᭄ᬓᬦ᭄ᬲᭂ
ᬦ᭄ᬤᬸᬲᬤᬕᬶᬧᬶᬄ᭞ᬬᬦ᭄ᬯᬦ᭄ᬢᬄᬮᬾᬤᬂᬫᬯᭀᬲᬂ᭞ᬦᬯᭂᬕ᭄ᬚᬢᬶᬢ᭄ᬬᬂᬦᬶᬓᬳᬶᬦ᭄᭞ᬫᬦᬯᬶᬢᬶᬢ᭄ᬬᬂᬫᬫᬗ᭄ᬕᬶᬄ᭞ᬲᬶᬦᬄᬓᬵᬢᬹᬃᬭᬶᬂᬲᬂᬳᬬᬸ᭞ᬦᬾᬳᬶᬲ᭄ᬢ᭄ᬭᬷᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬫᬲ
ᬯᬸᬃᬋᬫ᭄ᬧᬸᬄᬫᬦᬶᬲ᭄᭞ᬥᬸᬄᬲᬂᬩᬕᬸᬲ᭄᭞ᬫᬫᬹᬃᬢ᭄ᬢᬶᬦᬶᬂᬳ᭄ᬬᬂᬲ᭄ᬫᬭ᭟᭖᭙᭞ᬯ᭄ᬬᬓ᭄ᬢᬶᬩᬲᬼᬩᬶᬄᬫᭂᬮᬄ᭞ᬧᬫᬸᬧᬸᬮᬦ᭄ᬳᬭᬸᬫ᭄ᬫᬦᬶᬲ᭄᭞ᬧᬦ᭄ᬢᭂᬲ᭄ᬭᬢᬸᬦ᭄ᬓᬸᬮᬗᬸᬦᬦ᭄᭞
[ ᭑᭗ 17A]
ᬢᬸᬭᬸᬦ᭄ᬫᬦᭀᬤ᭄ᬬᬦᬶᬦ᭄ᬕᬸᬫᬶ᭞ᬫᬭᬵᬕᬳ᭄ᬬᬂᬲ᭄ᬫᬭᬧᬢᬶᬲ᭄᭞ᬫᬶᬚᬶᬮ᭄ᬲᬓᬶᬂᬲᬵᬕᬭᬫᬥᬸ᭞ᬧᬮᬶᬂᬫᬶᬤᭂᬃᬫᬲᬸᬲᬸᬧᬦ᭄᭞ᬜᭂᬋᬧᬂᬳᬶᬤᬾᬯᬷᬭᬢᬶᬄ᭞ᬲᬗ᭄ᬓᬦ᭄ᬧᬸᬧᬸᬢ᭄᭞
ᬩᬕᬸᬲ᭄ᬜᬮᬂᬢᬦ᭄ᬧᬘᭂᬤ᭟᭐᭟᭗᭐᭟ᬕᭂᬮᬶᬲ᭄ᬢᬶᬢ᭄ᬬᬂᬗᬸᬦᬶᬗᬬᬂ᭞ᬳᬯᬶᬦᬦ᭄ᬕᬶᬧᬶᬄᬫᬭᬶᬓᬶ᭞ᬓᬯᬶᬢ᭄ᬢᬶᬢ᭄ᬬᬂᬗᬋᬧᬶᬸᬋᬄᬲᭂᬓᬃ᭞ᬲᬓᬶᬂᬧᬶᬢᬸᬥᬸᬄᬳᬶᬳᬚᬷ᭞ᬫᬗ᭄ᬕᬾ
ᬭᬶᬂᬧᬫᬸᬚᬦ᭄‌ᬯ᭄ᬬᬓ᭄ᬢᬶ᭞ᬧᭀᬮᬶᬳᬾᬤᬸᬭᬸᬂᬚᬘᬸᬓᬸᬧ᭄᭞ᬲᬗ᭄ᬓᬦ᭄ᬫᬮᬶᬄᬫᬗᬸᬮᬳᬂ᭞ᬲᬕᬾᬢ᭄ᬳᬗ᭄ᬰᭀᬓᬳᬓ᭄ᬱᬶ᭞ᬫᬗᬋᬫ᭄ᬩᬸᬦ᭄᭞ᬫᬗᭂᬦᬄᬫᬫᬶᬗ᭄ᬕᬶᬃᬢᬸᬓᬤ᭄᭟᭐᭟
᭗᭑᭟ᬳᬦ᭄ᬢᬸᬓ᭄ᬫᭂᬍᬤᬾᬓᬮᬶᬦ᭄ᬢᬂ᭞ᬲᬗ᭄ᬓᬦ᭄ᬓᬢ᭄ᬦᬦᬾᬢᬶᬧᬶᬲ᭄᭞ᬩᬢᬸᬕᬜ᭄ᬚᬶᬄᬳᭂᬜ᭄ᬚᭂᬓ᭄ᬢᬶᬢ᭄ᬬᬂ᭞ᬭᬶᬂᬪᬬᬢᬦ᭄ᬯᬾᬦ᭄ᬢᭂᬦ᭄‌ᬳᬾᬮᬶᬂ᭞ᬗᬮᬶᬩᭂᬕ᭄ᬩᬢᬸᬦᬾᬓ