[ ᭑᭓ 13B]
᭑᭓᭞
ᬤᬜ᭄ᬘᬢᬸᬃᬯᬃᬕ᭄ᬕ᭟᭐᭟᭕᭔᭟ᬤᬶᬲᬶᬤ᭄ᬤᬦᬾᬧᬢᬸᬄᬩᬳᬦ᭄᭞ᬲᬸᬓᬤᬸᬄᬓᬦᬾᬫᬦᬫ᭄ᬧᬶ᭞ᬚᬵᬢᬶᬓᬮᬶᬲ᭄ᬢᬦ᭄ᬲᬗ᭄ᬰᬬ᭞ᬩᬳᬦ᭄ᬲᭂᬓᭂᬦ᭄ᬓᬳᬸᬦᬶᬗᬶᬦ᭄᭞ᬫᬦᬳᬾᬫ
ᬢᬓ᭄ᬗᬧᬸᬲᬶᬦ᭄᭞ᬳᭂᬦ᭄ᬢᭀᬚᬵᬢᬶᬩᬺᬱᬶᬄᬫᬸᬮᬸᬲ᭄᭞ᬳᭂᬦ᭄ᬢᭀᬦᬾᬫᬳᬤᬦ᭄ᬫᭀᬓ᭄ᬱ᭞ᬳᬸᬮᬶᬄᬳᬶᬤᬸᬧ᭄ᬕᬾᬮᬄᬧᬗ᭄ᬕᬶᬄ᭞ᬩᬋᬂᬦᬸᬢᬸᬕ᭄᭞ᬓᬬᬂᬲᬾᬤᬫᬗ᭄ᬕᬸᬄᬩᬾᬩᬲ᭄᭟
᭐᭟᭕᭕᭟ᬳᬫᭀᬦ᭄ᬢᭀᬢᬶᬢ᭄ᬬᬂᬗᬸᬦᬶᬗᬂ᭞ᬧᬯᬭᬄᬬᬂᬕᬸᬭᬸᬗᬹᬦᬷ᭞ᬩᬶᬮᬶᬄᬩᭂᬮᬶᬲᬵᬫ᭄ᬧᬸᬦ᭄ᬯᬶᬓᬦ᭄᭞ᬭᬶᬂᬳᬧ᭄ᬢᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬲᬂᬲᬸᬩᬸᬤ᭄ᬥᬶᬕᭂᬮᬶᬲ᭄ᬜᬯᬸᬭᬶᬦ᭄᭞
ᬧᬢᬹᬢᬾᬩᭂᬮᬶᬢᬦ᭄ᬧᬸᬭᬸᬦ᭄᭞ᬜᬶᬦᬳᬂᬦᬾᬤᬸᬭᬸᬂᬲᬶᬦᬄ᭞ᬚᬦᬶᬲᬓᬶᬂᬫᬕᬩᬳᬶᬦ᭄᭞ᬩᬳᬦ᭄ᬘᬮᬸᬄ᭞ᬩᬦᬶᬗᬸᬕᬸᬫᬸᬜᬶᬦ᭄ᬭᬲ᭟᭐᭟ᬫᬶᬭᬶᬩ᭄ᬳᬤᬶᬓᭂᬦ
[ ᭑᭔ 14A]
ᬉᬭᬲ᭄᭞ᬧᬦᬄᬳ᭄ᬬᬂᬲ᭄ᬫᬭᬮᬜ᭄ᬘᬶᬧ᭄᭞ᬳᬮᬶᬲᬾᬦᬗ᭄ᬕᬮ᭄ᬲᬧᬶᬲᬦ᭄᭞ᬦ᭄ᬢᭀᬫᬫᬾᬤᬓ᭄ᬭᬡᬲᬓᬶᬢ᭄᭞ᬍᬦ᭄ᬲᬸᬲᬸᬦᬾᬧᬸᬍᬄᬜᬗ᭄ᬓᬶᬄ᭞ᬮ᭄ᬯᬶᬃᬕᬶᬮᬶᬓᭂᬫ᭄ᬩᬃᬳᬮᬸᬲ᭄
᭞ᬳᭂᬦ᭄ᬢᭀᬫᬦᭂᬢᭂᬄᬳᬶᬤᬾᬯ᭞ᬓᬸᬤ᭄ᬬᬂᬜᬶᬤ᭄ᬥᬬᬂᬫᬢᬗᬶ᭞ᬮᬸᬤ᭄ᬓᬍᬩᬸ᭞ᬢᬓᭂᬪᭀᬫ᭄ᬩᬓ᭄ᬫᬓᬩᬸᬗᬄ᭟᭐᭟᭕᭗᭟ᬢᬗᬦ᭄ᬫ᭄ᬭᭀᬲ᭄ᬫᬥ᭄ᬬᬍᬗ᭄ᬓ᭄ᬬᬂ᭞ᬓᬮᬸᬤ᭄ᬘᭀ
ᬓᭀᬃᬧᬸᬢᬶᬄᬕᬤᬶᬂ᭞ᬳᬶᬩᬸᬗ᭄ᬳᬦ᭄ᬕᬥᬸᬂᬮᬦ᭄ᬧᬸᬥᬓ᭄᭞ᬓᬢᭂᬫ᭄ᬧᬸᬃᬢᬦ᭄ᬧᬸᬭᬸᬦ᭄ᬦᭀᬮᬶᬄ᭞ᬳᬦ᭄ᬢᭀᬦᭂᬧᬾᬦ᭄ᬫᬸᬯᬄᬫᬮᬶᬮᬶᬢ᭄᭞ᬦᬾᬮ᭄ᬯᬶᬃᬢᬓ᭄ᬱᬓᬳᬕᬸᬂ᭞ᬓᬸᬤ᭄ᬬᬂ
ᬩᬳᬦ᭄ᬫᬗᬮᬾᬲᬂ᭞ᬮᬾᬦ᭄ᬧᬶᬧᬶᬧᬸᬢᬶᬄᬗᬸᬮᬧᬶᬦ᭄᭞ᬧᬦ᭄ᬢᭂᬲ᭄ᬮᬶᬩᬸᬢ᭄᭞ᬢ᭄ᬯᬭᬗᭂᬦᬄᬧᬚᬕᬢᬦ᭄᭟᭐᭟᭕᭘᭟ᬤᬕᬶᬂᬩᭂᬮᬶᬫᬜᬶᬦᬳᬂ᭞ᬳᬤᬫᬓᬬᬸᬦ᭄ᬫᬭ
