[ ᭑᭓᭖ 136B]
᭑᭓᭖᭞
ᬭᬶᬂᬢᬶᬢ᭄ᬬᬂᬚᭂᬕ᭄ᬢᬦ᭄ᬫᬗᬸᬩ᭄ᬤ᭞ᬲ᭄ᬭᬶᬂᬳᬶᬤᬗᬦ᭄ᬤᬶᬓᬳᬶᬦ᭄᭞ᬓᭀᬘᬧ᭄ᬳᬲᬶᬂᬓᬘᬶᬗᬓᬶᬦ᭄᭞ᬚᭂᬕ᭄ᬯᬃᬡ᭄ᬦᬦ᭄ᬳᬶᬭᬢᬸᬤᬶᬢᬸ᭞ᬓᭂᬜᭂᬫ᭄ᬢᬹᬃᬫᬢᬸᬫ᭄ᬩᬓ᭄ᬢᬶᬗ᭄ᬳᬮ᭄᭞ᬗᬯᬶᬦᬂᬓᭂᬢᬸᬕ᭄ᬤᬶᬳᬢᬶ᭞
ᬇᬗ᭄ᬕᬶᬄᬭᬢᬸ᭞ᬜᬮᬶᬢ᭄ᬢᬶᬢ᭄ᬬᬂᬗᬸᬦᬶᬗᬬᬂ᭟᭐᭟᭒᭓᭟ᬧᬫᬸᬧᬸᬢ᭄ᬳᬶᬢᬸᬦᬶᬦᬥᬓ᭄᭞ᬚᭂᬕ᭄ᬦᬾᬭᬤᬤᬶᬲᬗ᭄ᬓᬾᬦᬶᬦ᭄᭞ᬫᬗ᭄ᬤᬢᬶᬢ᭄ᬬᬂᬕᭂᬮᬶᬲ᭄ᬫᬫᬃᬕ᭄ᬕ᭞ᬗᬢᬹᬭᬂᬲᬭᬵᬢ᭄ᬧᬸᬦᬶᬓᬶ᭞
ᬳᬯᬦᬦ᭄ᬭᬯᬸᬄᬫᬦᬗ᭄ᬓᬶᬮ᭄᭞ᬇᬗ᭄ᬕᬶᬄᬢᬶᬢ᭄ᬬᬂᬧᬸᬧᬸᬢ᭄ᬫᬢᬹᬃ᭞ᬲᬚᬯᬶᬓᬶᬥᬶᬓ᭄ᬫᬸᬗᬸᬯᬂ᭞ᬩᭂᬘᬶᬓ᭄ᬳᬶᬤᬕᭂᬮᬶᬲ᭄ᬳᬫ᭄ᬩᬶᬮ᭄᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬕᭂᬮᬶᬲ᭄ᬲᬦ᭄ᬪᬾᬤᬲ᭄ᬫᬭ᭟᭐᭟᭒᭔᭟ᬲᬤᬸ
ᬭᬸᬂᬗᬯᬘᬾᬦ᭄ᬲᬸᬭᬵᬢ᭄᭞ᬢᬶᬢ᭄ᬬᬂᬧᬫᬶᬢ᭄ᬗᬭᬶᬳᬶᬦᬶᬦ᭄᭞ᬲᬂᬰᬸᬘᬶᬢᬜᬸᬓ᭄ᬱ᭄ᬫᬬᬂ᭞ᬲᬳᬵᬯᬾᬄᬧᬗ᭄ᬮᬦ᭄ᬢᬸᬃᬫᬃᬕ᭄ᬕᬶ᭞ᬲᬂᬲᬸᬩᬸᬤ᭄ᬥᬶᬗᬦ᭄ᬤᬶᬓᬳᬶᬦ᭄᭞ᬥᬸᬄᬳᬤᬶᬰᬸᬘᬶᬢᬩᬕᬸᬲ᭄᭞
[ ᭑᭓᭗ 137A]
ᬲᬸᬭᬵᬢᬾᬧᬘᬮᬯᬸᬢᬂ᭞ᬳᬶᬰᬸᬘᬶᬢᬗᬕᬄᬢᬸᬮᬶᬲ᭄᭞ᬦᬾ ᬫᬓᬧᬸᬢ᭄᭞ᬩᬦ᭄ᬓᭂᬥᬧᬦ᭄ᬦᬸᬤᬸᬓ᭄ᬫᬦᬄ᭟᭐᭟᭒᭕᭟ᬲᬦᬾ ᬭᬶᬂᬧᬶᬗ᭄ᬕᬶᬃᬓᭂᬥᬧᬦ᭄᭞ᬢᬫ᭄ᬧᬓ᭄ᬩᬾᬮᬅᬰ᭄ᬭᬶᬧᬸᬢᬶᬄ᭞ᬫᬓᭂ
ᬜᬶᬢ᭄ᬗᬢᬹᬢ᭄ᬲᭂᬓᬃᬜ᭞ᬩᬭᬓ᭄ᬳᬮᬶᬢ᭄ᬫᬸᬯᬸᬄᬩᬗ᭄ᬓᬶᬢ᭄᭞ᬫᬘᭂᬍᬓ᭄ᬓᭂᬫ᭄ᬩᬂᬲᬸᬮᬲ᭄ᬢ᭄ᬭᬶ᭞ᬫᬲᬶᬄᬫᬗᬜᬸᬤᬂᬘᬸᬓ᭄ᬱᬸ᭞ᬮᬧᬶᬲᬦᬾᬭᬶᬂᬢᭂᬗᬄ᭞ᬓᭂᬥᬧᬦ᭄ᬳᬶᬓᬬᬸᬫᬦᬶᬲ᭄᭞ᬤᬳᬢ᭄ᬳᬮᬸᬲ᭄᭞
ᬫᬯᬸᬮᬢ᭄ᬓᬲᬸᬦ᭄ᬢᬕ᭄ᬬᬂ᭟᭐᭟᭒᭖᭟ᬧᬸᬥᬓᬾ ᬧᭂᬢᬓ᭄ᬫᬜᬫ᭄ᬧ᭄ᬯᬄ᭞ᬓᬕᬸᬮᬸᬂᬳᬓᬸᬢᬸᬲ᭄ᬓᬢᬶᬄ᭞ᬫᬳᬶᬲᭂᬄᬢᬹᬃᬫᬧᭂᬢ᭄ᬧᭂᬢᬦ᭄᭞ᬓᬕᬕᬄᬫᬲᬸᬭᬵᬢ᭄ᬭᬯᬶᬢ᭄᭞ᬓᬤᬶᬳᬶᬲ᭄ᬢ᭄ᬭᬷᬋ
ᬜᬸᬄᬲᬶᬢ᭄ᬲᬶᬢ᭄᭞ᬓᬭᭀᬓᬾᬄᬩᬦ᭄ᬢᬭᬸᬡᬩᬕᬸᬲ᭄᭞ᬯ᭄ᬬᬓ᭄ᬢᬶᬳᬗᬺᬱᬶᬦ᭄ᬫᬦᬄ᭞ᬓᬢᬸᬭᬾᬓ᭄ᬱᬲᭂᬓᬲᬶᬓᬶ᭞ᬯᬸᬲ᭄ᬫᬢᬸᬭᬸᬢ᭄᭞ᬫᬤᬕᬶᬂᬳᬗ᭄ᬓᬲᬫ᭄ᬬᬦ᭄᭟᭐᭟᭒᭗᭟ᬫ
Kaca:Bali-lontar-gaguritan-sucita-300ppi.pdf/137
Kaca puniki sampun kauji-wacén
