[ ᭑᭒᭙ 129B]
᭑᭒᭙᭞
ᬓ᭄ᬫᬲᬯᬸᬄᬅᬰ᭄ᬭᬷ᭟ᬢᬸᬫᬸᬮᬶᬓᬳᬢᬹᬭᬂ᭞ᬲᬥᬸᬓ᭄ᬲᬂᬰᬸᬘᬶᬢᬦᬗ᭄ᬕᬧ᭄᭞ᬫᬧ᭄ᬭᬪᬯᬮᬶᬦᬸᬄᬤᬶᬳᬢᬶ᭞ᬳᬶᬧᬸᬢᬸᬲᬦ᭄᭞ᬫᬢᬹᬃᬤᬦᬾᬗᬫᬮᬶᬳᬶᬦ᭄᭟᭐᭟᭒᭑᭟ᬥᬸᬄᬲᬂ
ᬩᬕᬸᬲ᭄ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬸᬦᬶᬗᬬᬂ᭞ᬯᬱ᭄ᬝᬦ᭄ᬢᬶᬢ᭄ᬬᬂᬗᬾᬧᬸᬦᬶᬓᬶ᭞ᬳᬶᬫᬳᬵᬥᬃᬰᬡ᭞ᬫᬸᬮᬯᬶᬢ᭄ᬧᬋᬓᬦ᭄ᬲᬬᬂ᭞ᬲᬓᬶᬂᬮᬫᬶᬢᬶᬢ᭄ᬬᬂᬗᬶᬭᬶᬂ᭞ᬤᬸᬓᬸᬄᬧ᭄ᬭᬚ᭄ᬜᬵᬦ᭄᭞ᬚᬸᬭᬸᬳᭂᬫ᭄ᬩᬦ᭄ᬤ᭄ᬬᬄᬓ
ᬭᬸᬡ᭟᭐᭟ᬓᬯᬶᬳᬚ᭄ᬭᬶᬄᬓᬓᭂᬘᬧ᭄ᬲᬸᬭᬵᬢᬾᬗᭂᬦ᭄ᬢᬧ᭄᭞ᬯᬶᬭᬾᬄᬩᬯᭀᬲ᭄ᬳᬦᬓ᭄ᬳᬲ᭄ᬢ᭄ᬭᬷ᭞ᬗᭂᬦ᭄ᬢᬧ᭄ᬓᬃᬡ᭄ᬦᬮᬦᬂ᭞ᬦᬸᬮᬸᬄᬳᬸᬯᬢ᭄ᬳᬮᬶᬢ᭄ᬧᬶᬲᬦ᭄᭞ᬫᬦᬸᬚᬸᬳᬸᬦ᭄ᬢᭂᬗᬶᬂᬳᬢᬶ
᭞ᬮᬶᬦ᭄ᬢᬂᬭᬸᬗ᭄ᬓ᭞ᬩᭂᬘᬶᬓ᭄ᬢᬶᬢ᭄ᬬᬂᬫᬢᬹᬃᬓᬶᬥᬶᬓ᭄᭟᭐᭟᭒᭓᭟ᬫᬗ᭄ᬤᬯᬾᬦ᭄ᬢᭂᬦ᭄ᬦᬦ᭄ᬤᬦ᭄ᬗᬩᬶᬄᬩᬯᭀᬲ᭄ᬳᬶᬤ᭞ᬗᬶᬭᬶᬂᬗᭂᬦ᭄ᬢᬧ᭄ᬫᬃᬕ᭄ᬕᬲ᭄ᬭᬶᬲᬶᬢ᭄᭞ᬦᬯᬶᬯᬾᬦ᭄ᬢᭂᬦ᭄ᬪᬬ᭞ᬧᬫ᭄ᬬᬮᬂᬫᬶ
[ ᭑᭓᭐ 130A]
ᬯᬄᬫᬧᬸᬦᬄ᭞ᬫᬗ᭄ᬤᬯᬾᬦ᭄ᬢᭂᬦ᭄ᬫᬦᬢᬷᬗᬶᬦ᭄᭞ᬫᬗ᭄ᬤᬾᬦ᭄ᬲᬶᬤ᭄ᬥ᭞ᬓᬵᬤᬶᬧᬗᬾᬲ᭄ᬢᬶᬦᬶᬂᬳᬢᬶ᭟᭐᭟᭒᭔᭟ᬦᬶᬓᬶᬲᬓ᭄ᬱᬢ᭄ᬲᬗ᭄ᬓᬦᬶᬂᬯᬶᬢ᭄ᬫᬦᬄᬢᬶᬢ᭄ᬬᬂ᭞ᬫᬢᬹᬃᬭᬶᬂᬳᬶᬭᬢᬸ
ᬫᬗ᭄ᬓᬶᬦ᭄᭞ᬦ᭄ᬤᬯᭂᬕ᭄ᬚᬸᬯᬕᭂᬮᬶᬲᬂ᭞ᬳᬫ᭄ᬩᬶᬮ᭄ᬳᬶᬤᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬭᬾᬄᬳᬗᭂᬦ᭄ᬢᬶᬢ᭄ᬬᬂᬗᭂᬢᭀᬦᬶᬦ᭄᭞ᬲᭀᬮᬄᬳᬶᬤ᭞ᬩᬗᭂᬢ᭄ᬩᬶᬗᬸᬂᬓᬶᬭᬂᬳᬾᬮᬶᬂ᭟᭐᭟᭒᭕᭟ᬲ᭄ᬭᬶᬂᬜᬭᬸᬓ
ᬩᬢᬦ᭄ᬧᬸᬥᬓ᭄ᬗᬭᬵᬕ᭞ᬗᬗ᭄ᬓᭂᬦ᭄ᬳᭀᬗ᭄ᬓᭂᬩ᭄ᬗᬮᬶᬄᬳᭂᬢᬶᬲ᭄᭞ᬯᬯᬸᬢᬶᬢ᭄ᬬᬂᬫ᭄ᬭᬶᬓ᭞ᬳᬾᬜ᭄ᬘᭀᬮ᭄ᬫᬜᬸᬢ᭄ᬲᬸᬢᬶᬦ᭄ᬢᬶᬗ᭄ᬕᬮ᭄᭞ᬭᬶᬳᬦ᭄ᬢᬸᬓ᭄ᬢᬗ᭄ᬕᬸᬦ᭄ᬓᬜ᭄ᬘᭂᬭᬶᬓ᭄᭞ᬓᭂᬜᭂᬫ᭄ᬦᬥ
ᬓ᭄᭞ᬗᬗ᭄ᬓᭂᬦ᭄ᬲᭂᬧᭂᬦᬦ᭄ᬭᬶᬂᬅᬓ᭄ᬱᬶ᭟᭐᭟᭒᭖᭟ᬲᬚᬵᬢᬶᬦ᭄ᬜᬤᬾᬯᬕᬸᬫᬦ᭄ᬢᬸᬗᬶᬂᬢᬶᬗ᭄ᬳᬮ᭄᭞ᬗᬯᬾᬲᭂᬤᬶᬄᬲ᭄ᬭᬶᬂᬦᬗᬶᬲ᭄᭞ᬢᭂᬫ᭄ᬩᬾᬧᬗ᭄ᬕᬸᬄᬢᬶᬢ᭄ᬬᬂ᭞ᬳᬶᬤᬕ᭄ᬮᬶᬢᬶᬓ᭄ᬗ
Kaca:Bali-lontar-gaguritan-sucita-300ppi.pdf/130
Kaca puniki sampun kauji-wacén
