[ ᭑᭒ 12B]
᭑᭒᭞
ᬦ᭄ᬤᭀᬦ᭄ᬫᬗᬮᬧ᭄ᬭᬩᬷ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬢᬳᬸᬢᭂᬓᬾᬦ᭄ᬲᬃᬯ᭄ᬯᬓᬃᬬ᭄ᬬ᭟᭐᭟᭕᭐᭟ᬳᭂᬤᬗᬸᬢᬂᬓᬧᬢᬹᬢᬦ᭄᭞ᬜᬮᬦᬶᬦ᭄ᬲᬮ᭄ᬯᬶᬃᬇᬡ᭄ᬥᬶᬓ᭄᭞ᬳᬧᬦ᭄ᬬᬦᬶ
ᬯᬂᬧᬫᬃᬕ᭄ᬕ᭞ᬢᬦᬸᬭᬸᬂᬳᬮᬦᬾᬧᬗ᭄ᬕᬶᬄ᭞ᬫᬯᬲᬦᬲᬓᬶᬢ᭄ᬳᬢᬶ᭞ᬳᬯᬶᬦᬦ᭄ᬳᭂᬤᬫᬫᬸᬭᬸᬕ᭄᭞ᬘᬢᬸᬃᬯᬃᬕ᭄ᬕᬦᬾᬳᬾᬮᬶᬗᬂ᭞ᬳᭂᬦ᭄ᬢᭀᬬᭀᬕ᭄ᬬᬳᬗ᭄ᬕᭀᬦ᭄ᬢᬶᬣᬶ᭞ᬲᬶ
ᬦᬄᬮᬦ᭄ᬢᬸᬃ᭞ᬭᬾᬄᬫᬦᬸᬳᬸᬢ᭄ᬫᬃᬕ᭄ᬕᬉᬢ᭄ᬢᬫ᭟᭐᭟ᬦᬾᬫᬳᬤᬦ᭄ᬘᬢᬸᬃᬯᬃᬕ᭄ᬕ᭞ᬢᭂᬕᭂᬲ᭄ᬜᬫᬗ᭄ᬤᬳᬸᬦᬶᬗᬶᬦ᭄᭞ᬥᬃᬫ᭄ᬫᬅᬃᬣᬓᬫᬫᭀᬓ᭄ᬱ᭞ᬧᬶᬥᬃᬣᬦ᭄ᬜᬩᭂᬘᬶᬓ᭄ᬩᭂ
ᬘᬶᬓ᭄᭞ᬥᬃᬫ᭄ᬫᬰᬷᬮᬦᬾᬮ᭄ᬯᬶᬄ᭞ᬢᬳᬸᬭᬶᬂᬧᬢᬹᬢᬶᬂᬳᬶᬤᬸᬧ᭄᭞ᬢᬦ᭄ᬗᬶᬫ᭄ᬧᬲᬶᬦ᭄ᬧᬳᬫᭀᬗᬦ᭄᭞ᬗᬫᭀᬂᬕᬫᬰᬲ᭄ᬢ᭄ᬭᬳᬚᬶ᭞ᬲᬧᬢᬸᬥᬸᬄ᭞ᬕᬸᬭᬸᬮᬦ᭄ᬭ
[ ᭑᭓ 13A]
ᬢᬸᬤᬢᬸᬮᬓ᭄᭟᭐᭟᭕᭒᭟ᬳᭂᬦ᭄ᬢᭀᬦᬾᬫᬜ᭄ᬚᬶᬂᬭᬶᬂᬥᬃᬫ᭄ᬫ᭞ᬅᬃᬣᬦᬾᬫᬢᭂᬕᭂᬲ᭄ᬧᬶᬧᬶᬲ᭄᭞ᬬᬦᬶᬂᬓᬥᬃᬫ᭄ᬫᬦᬾᬩᬓᬢ᭄᭞ᬲᬶᬤ᭄ᬥᬩᬳᬦ᭄ᬫᬜᬮᬦᬶᬦ᭄᭞ᬳᬸ
ᬮᬶᬤᬶᬢᬸᬗᬮᬶᬄᬤᬶᬸᬧᬶᬧᬶᬲ᭄᭞ᬳᬧᬂᬢ᭄ᬯᬭᬧᬢᬶᬧᬸᬭᬸᬕ᭄᭞ᬬᬦ᭄ᬧᬶᬧᬶᬲᬾᬲᬸᬩᬩᬓᬢ᭄᭞ᬮᬯᬸᬢᬂᬓᬫᬦᬾᬳᬮᬶᬄ᭞ᬲᬶᬦᬄᬮᬸᬯᬸᬂᬓᬫᬫᬢᭂᬕᭂᬲ᭄ᬓᬸᬋᬡ
ᬦ᭄᭟᭐᭟᭕᭓᭟ᬤᬶᬲᬸᬩᬦᬾᬗᭂᬮᬄᬓᬸᬋᬡᬦ᭄᭞ᬳᭂᬤᬩᬲ᭄ᬲᬗᭂᬢ᭄ᬗᬸᬮᬸᬭᬶᬦ᭄᭞ᬤᭂᬫᭂᬦᬾᬗᬥᬸᬇᬦ᭄ᬤ᭄ᬭᬶᬬ᭞ᬳᭂᬤᬗᬶᬸᬳᭂᬗ᭄ᬲᬧ᭄ᬭᬶᬂᬳᬯᬓ᭄ᬫᬮᬶᬄ᭞ᬫᬸᬮᬶᬄᬓ
ᬚᬕᬢᬾᬰᬸᬘᬶ᭞ᬰᬸᬘᬶᬢᬦ᭄ᬧᬮᬢᬄᬮᬸᬢᬸᬄ᭞ᬳ᭄ᬦᬶᬂᬩᬺᬱᬶᬄᬕᬮᬂᬳᬧᬥᬂ᭞ᬳᭂᬦ᭄ᬢᭀᬫᭀᬓ᭄ᬱᬳᬤᬦᬶᬦ᭄᭞ᬢᭂᬕᭂᬧ᭄ᬲᬵᬫ᭄ᬧᬸᬦ᭄᭞ᬳᬦᬾᬫ
Kaca:Bali-lontar-gaguritan-sucita-300ppi.pdf/13
Kaca puniki sampun kauji-wacén
