[ ᭑᭒᭔ 124B]
᭑᭒᭔᭞
ᬗ᭄ᬕᬶᬮ᭄᭞ᬭᬶᬂᬲᬂᬳ᭄ᬬᬂᬩᬬᬸᬪᬸᬯᬦ᭟᭐᭟᭑᭒᭑᭟ᬮᬯᬸᬢ᭄ᬧᭂᬕᭂᬂᬫᬢᭂᬮᬦᬦ᭄᭞ᬲᬯᬸᬲᬦᬾᬫᭂᬤᬮᬂᬫᬮᬶᬄ᭞ᬲᬓᬶᬂᬳᬮᭀᬦ᭄ᬧᬂᬤᬲᬫ᭄ᬩ᭄ᬭᬕ᭄᭞ᬩᬬᬸᬦᬾᬫ
ᬤᬮ᭄ᬓᬳᬶᬭᬸᬂ᭞ᬲᬸᬩᬫ᭄ᬭᬲᬢᭂᬮᬄᬫᭂᬤᬮ᭄᭞ᬩᬮᬶᬓ᭄ᬩᬸᬯᬶᬦ᭄᭞ᬳᬸᬬᬸᬧ᭄ᬓᬧᬸᬲᬃᬳᬦ᭄ᬢᭂᬕᬂ᭟᭐᭟᭑᭒᭒᭟ᬩᬸᬯᬶᬦ᭄ᬧᭂᬓᭂᬓ᭄ᬘᬭᬳᬶᬩᬸᬲᬦ᭄᭞ᬢᭂᬭᬸᬲᬂᬩᬸᬮᬓ᭄ᬩᬮᬶ
ᬓᬶᬦ᭄᭞ᬧᬚᬮᬦ᭄ᬩᬬᬸᬧᬂᬤᬩ᭄ᬤᬩ᭄᭞ᬘᭂᬦᬶᬓ᭄ᬳᬮᬸᬲ᭄ᬢᬸᬭᬶᬂᬭᬸᬭᬸᬲ᭄᭞ᬳᬧᬂᬤᬫᭂᬕᬢ᭄ᬫᭂᬕᬢ᭄᭞ᬓᬦ᭄ᬢᬶᬲᭂᬧᬶ᭞ᬢᬦ᭄ᬳᬤᬲ᭄ᬯᬭᬫᬭᬯᬢ᭄᭟᭐᭟᭑᭒᭓᭟ᬲᬤᬸ
ᬭᬸᬂᬫ᭄ᬭᬡᬬᬫ᭞ᬢᭂᬕᬓᬾᬳᬧᬗᬕᬫ᭄ᬧᬶᬮ᭄᭞ᬩᬯᭀᬂᬮᬦ᭄ᬩᬗ᭄ᬓ᭄ᬬᬂᬚᭂᬕ᭄ᬚᭂᬕᬂ᭞ᬳᭂᬤᬩᭂᬗ᭄ᬓᬸᬓ᭄ᬳᭂᬤᬗᬸᬦ᭄ᬢᬸᬮ᭄᭞ᬫᬰᬶᬮᬫᬲᬶᬄᬲᭂᬓᭂᬤᬂ᭞ᬢᬗᬦ᭄ᬓᬮᬶᬄ᭞ᬍᬲᬶᬃ
[ ᭑᭒᭕ 125A]
ᬤᬶᬮᬸᬮᬸᬤ᭄ᬢᭂᬓᭂᬧᬂ᭟᭐᭟᭑᭒᭔᭟ᬢᬮᬧᬓ᭄ᬢᬗᬦᬾ ᬓᬶᬯ᭞ᬢᭂᬓᭂᬧᬂᬤᬶᬮᬸᬮᬸᬤ᭄ᬓᬶᬭᬶ᭞ᬓᬦᬦᬾ ᬭᬶᬂᬮᬸᬮᬸᬤ᭄ᬓᬦᬦ᭄᭞ᬓᬾᬢᭀᬩᬳᬦ᭄ᬳᬧᬂᬮᬸᬯᬸᬂ᭞ᬢᬹᬃᬤᭂᬕᭂᬗᬂᬧᬂ
ᬤᬳᭀᬜᬄ᭞ᬫᬭᬗᬯᬶᬢ᭄᭞ᬫ᭄ᬭᬡᬬᬫᬓᬤᬶᬩᬸᬲᬦ᭄᭟᭐᭟᭑᭒᭕᭟ᬓᭂᬦᭂᬳᬾᬤᬩ᭄ᬬᬄᬧᬭ᭞ᬳᬧᬂᬦᬸᬢᬸᬕ᭄ᬩᬬᬸᬗᬶᬮᬶᬲ᭄᭞ᬫᬸᬗ᭄ᬕᬄᬫᬸᬯᬄᬫᭂᬦᭂᬤᬸᬦᬂ᭞
ᬥᬸᬓ᭄ᬫᭂᬓᭂᬓ᭄ᬫᬓᬤᬶᬦ᭄ᬳᬶᬧᬸᬦ᭄᭞ᬫᬦᬳᬾᬫᬶᬮᬸᬳᭂᬜ᭄ᬘᭂᬧᬂ᭞ᬳᬧᬂᬲᭂᬧᬶ᭞ᬢᬦ᭄ᬳᬤᬓ᭄ᬭᬶᬫᬶᬓᬦ᭄ᬫᬦᬄ᭟᭐᭟᭑᭒᭖᭟ᬲᬬᬦ᭄ᬮᬫᬶᬓᬫᬃᬕ᭄ᬬᬂ᭞ᬩᬬᬸᬦᬾᬧᬂᬲ
ᬬᬦ᭄ᬳᬮᬶᬢ᭄᭞ᬧᬶᬧᬶᬢᬂᬳᬧᬂᬜᬶᬤᬬᬂ᭞ᬓᬦ᭄ᬢᬶᬢ᭄ᬯᬭᬫᬸᬗ᭄ᬕᬄᬢᭂᬤᬸᬦ᭄᭞ᬤᭂᬕᭃᬂᬩᬋᬗᬦ᭄ᬭᬶᬂᬫᬦᬄ᭞ᬤᬤᬶᬳᬩᭂᬲᬶᬓ᭄᭞ᬳᭂᬜ᭄ᬘᭂᬧ᭄ᬮᬸᬯᬶᬃᬢᬦ᭄ᬧᬭᬲ᭟
Kaca:Bali-lontar-gaguritan-sucita-300ppi.pdf/125
Kaca puniki sampun kauji-wacén
