[᭔ 4B]
᭔
ᬤᬦᬕᬶᬄᬓᭂᬋᬂᬘᬭᬕᬕᬸᬦᬲ᭄ᬚᬭᬦ᭄᭞ᬫᬫᭀᬦ᭄ᬤᭀᬂᬧᬤᬶᬤᬶᬳᬶᬦ᭄ᬢ᭄ᬯᬭᬤᬢᬶᬫ᭄ᬩᬮᬦ᭄᭞ᬓ᭄ᬭᬡᬤᬫᬫᬶᬭᬶᬳᬂ᭞ᬫᬤᬸᬦᬾᬫᬗ᭄ᬕᭂᬮᬄᬫᭂᬮᬶᬓ᭄᭞ᬲᬬᬗᬂᬲᭀᬫᬄ᭞ᬧᬯᬓᬦ᭄ᬤᬺᬫᬦ᭄ᬩᬗ᭄ᬓᬶᬢ᭄᭟᭐᭟ᬫᬸᬮᬩᭂᬓᭂᬮ᭄ᬢᬸ
ᬫᬶᬢᬶᬲ᭄ᬓᬫᬤ᭄ᬬᬮᭀᬓ᭞ᬓᬸᬤ᭄ᬬᬂᬧᬘᬂᬦᬶᬤᭀᬗᬶᬦ᭄᭞ᬲᬺᬱ᭄ᬝᬶᬚᬕᬢ᭄ᬓᬃᬢ᭄ᬣ᭞ᬰᬵᬲ᭄ᬢ᭄ᬭᬓᬺᬢᬫᬦᬶᬢ᭄ᬬ᭞ᬘᬓ᭄ᬘᬓᬦᬾᬤᬺᬫᬦ᭄ᬩᬗ᭄ᬓᬶᬢ᭄᭞ᬫᬤᬦ᭄ᬓᬸᬲ᭄ᬢᬢ᭄ᬯ᭞ᬧᬫᬸᬮᬸᬲᭂᬍᬫ᭄ᬳᬸᬦ᭄ᬤᬶᬲ᭄᭟᭐᭟ᬳᬯᬓᬼᬗ᭄ᬓ᭄ᬬᬂᬧᬗᬤᭂᬕᬾᬘᬸᬫᬫ᭄ᬧ
ᬓ᭞ᬧᬸᬘᬸᬓ᭄ᬩᭀᬓᬾᬕᬤᬶᬂ᭞ᬳᬩᭂᬦ᭄ᬬᬦ᭄ᬭᬶᬂᬲᭀᬮᬄ᭞ᬢᬶᬦ᭄ᬤᬓᬦᬾᬫᬕᬫ᭄ᬧᬭᬦ᭄᭞ᬮᬶᬬᬢᬾᬕᬮᬓ᭄ᬳᬫᬦᬶᬲ᭄᭞ᬓᬸᬤ᭄ᬬᬂᬫᭂᬮᬶᬳᬂ᭞ᬧᬦ᭄ᬢᭂᬲ᭄ᬚᬗ᭄ᬓᬸᬢᬶᬦ᭄ᬲᬳᬶ᭟᭐᭟ᬕ᭄ᬭᬶᬦᬘᬭᬂᬳᬫᬕᬸᬢ᭄ᬧᬫᬸᬮᬸᬦᬾᬜᬮᬂ᭞ᬫᬤ
ᬋᬧᬦ᭄ᬧᭀᬄᬕᬤᬶᬂ᭞ᬜᭀᬜᭀᬦᬾᬲᬸᬫᬗ᭄ᬕ᭞ᬳᬮᬶᬲ᭄ᬤᭀᬦ᭄ᬳᬶᬦ᭄ᬢᬭᬦ᭄᭞ᬩᬸᬮᬸᬦ᭄ᬫᬢᬦᬾᬫᬩᬮᬶᬓ᭄᭞ᬧᬯᬓᬦ᭄ᬤᬺᬫᬦ᭄᭞ᬓᬸᬤ᭄ᬬᬂᬧᬘᬂᬗᬮᬳᬶᬦ᭄᭟᭐᭟ᬫᬬᬸᬭᬲ᭄ᬢᬶᬩᬗ᭄ᬓ᭄ᬬᬂᬭᬫ᭄ᬧᬶᬂᬫᬕᭀᬮᬾᬭᬦ᭄᭞ᬧᬫᬸ
[᭕ 5A]
ᬮᬸᬧᬸᬢᬶᬄᬕᬤᬶᬂ᭞ᬜᭀᬜᭀᬦᬾᬲᬸᬫᬗ᭄ᬕ᭞ᬳᬓᬮᬸᬢ᭄ᬢ᭄ᬭᬗᬶᬂᬫᬢ᭞ᬧᬗᬸᬘᬧᬾᬋᬫ᭄ᬧᬸᬄᬫᬦᬶᬲ᭄᭞ᬜᬦᬹᬂᬲᭂᬳᭂᬤᬂ᭞ᬢ᭄ᬯᬄᬓᬸᬦ᭄ᬓᬸᬦ᭄ᬲᬳᬶᬲᬳᬶ᭟᭐᭙᭟ᬓᬸᬮᬲ᭄ᬦᬳᬮᬸᬲ᭄ᬧᬫᬸᬮᬸᬦᬾᬫᬤᬧ᭞ᬧᬯᬓᬦ᭄ᬲᬤᬮᭀᬮᬶᬂ᭞
ᬧᬸᬘᬸᬓ᭄ᬩᭀᬓᬾᬩᬳᬓ᭄᭞ᬚᬭᬶᬚᬶᬲᬤᬮᬫ᭄ᬩᬲ᭄᭞ᬓᭂᬜᬸᬗᬾᬫᬭᬯᬢ᭄ᬫᬦᬶᬲ᭄᭞ᬓᬸᬤ᭄ᬬᬂᬗᬮᬾᬩᬂ᭞ᬧᬦ᭄ᬢᭂᬲ᭄ᬫᬦ᭄ᬤᬸᬤᬸᬢ᭄ᬳᬢᬶ᭟᭐᭟ᬕᬸᬮᬚᬶᬦᬲᬶᬧᬢ᭄ᬳᬧᬸᬲ᭄ᬫᭀᬳᬜᬫ᭄ᬩᬸᬂ᭞ᬓᬤᬶᬩᬸᬮᬦ᭄ᬦ᭄ᬤᬤᬭᬶᬦ᭄᭞ᬩᬢᬶᬲᬾ
ᬫᬫᬸᬤᬓ᭄᭞ᬩᬗ᭄ᬓ᭄ᬬᬗᬾᬲᬤᬍᬗ᭄ᬓ᭄ᬬᬂ᭞ᬜᭀᬜᭀᬦᬾᬫ᭄ᬩᬶᬮᬸᬮᬸᬓᬸᬦᬶᬂ᭞ᬧᬦ᭄ᬢᭂᬲ᭄ᬲᬬᬗᬂ᭞ᬢᬦ᭄ᬧᬧᬲᬄᬫᬲᬦ᭄ᬤᬶᬂ᭟᭐᭞ᬓᬸᬲᬸᬫᬶᬢᬕᬦ᭄ᬤᬳᭂᬩᭀᬓᬾᬳᬯᬯᬃ᭞ᬩᬗ᭄ᬓ᭄ᬬᬂᬗᬮᬾᬬᭀᬃᬭᬫ᭄ᬧᬶᬂ᭞ᬮᭀᬮᭀᬳᭀ
ᬓᬶᬂᬫᬢ᭞ᬫᬦᭀᬳᬜ᭄ᬚᬸᬃᬩᬶᬭᬸᬳᬸᬤ᭞ᬳᬦ᭄ᬢᬾᬫᬲ᭄ᬲᬸᬳᬸᬤ᭄ᬫᬲᬗ᭄ᬮᬶᬂ᭞ᬓᬸᬤ᭄ᬬᬂᬫᬓᬳᬤ᭄᭞ᬫᬧᬦ᭄ᬢᭀᬓᬢᭀᬗᭀᬲᬶᬦ᭄᭟᭐᭟ᬲ᭄ᬭᬗ᭄ᬕᬶᬦᬮᬶᬓᬗᭂᬭᭀᬜ᭄ᬚᭀᬲᬤᬮᬜ᭄ᬚᬃ᭞ᬜᬍᬤᬸᬶᬤᬾᬢ᭄ᬩᬸᬓ
Kaca:Bali-lontar-gaguritan-stri-sasana-b-300ppi.pdf/5
Kaca puniki kavalidasi
