Kaca:Bali-lontar-gaguritan-stri-sasana-b-300ppi.pdf/4

Saking Wikisource
Kaca puniki kavalidasi

[᭓ 3B]

ᬦᬶᬦ᭄ᬫᬓᬃᬫ᭄ᬫ᭞ᬫᬧᬮᬦ᭄ᬫᬸᬲᬸᬕᬶᬄ᭞ᬢ᭄ᬓᬢᬦ᭄ᬧᬲᬗ᭄ᬓᬦ᭄᭞ᬘᭂᬫᭀᬄᬫᬤᬤᬸᬮᬗᬦ᭄᭞ᬲᬶᬂᬕᬯᬾᬦᬂᬤᬤᬶᬯᬺᬤ᭄ᬥᬶ᭞ᬮᬩᬓᬯᬶᬃᬬ᭄ᬬᬦ᭄᭞ᬦᬫᬬᬂᬍᬕᬦ᭄ᬳᬢᬶ᭟᭐᭟ᬰᬰᬶᬄᬳᬲᬤᬓᬢ᭄ᬓᬦ᭄ᬓᬾᬯᭂᬄᬲᬢᬢ᭞ᬕᬯᬾ
ᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬫᬓ᭄ᬭᬾᬜ᭄ᬘᭀᬗᬦ᭄᭞ᬲᬾᬧᬦ᭄ᬗᬯᬾᬦᬂᬳᬯᬓ᭄᭞ᬓᬢᬸᬗ᭄ᬓᬸᬮᬦ᭄ᬩᬕ᭄ᬩᬕ᭄ᬩᬶᬕ᭄ᬩᬶᬕ᭄᭞ᬍᬧᬸᬕ᭄ᬤᬶᬚᬮᬦ᭄᭞ᬮᬾᬦ᭄ᬫᬢᭂᬧᭂᬢᬶᬦ᭄ᬲᬓᬶᬢ᭄᭟᭐᭟ᬓ᭄ᬭᬡᬚᬦᬶᬢᬶᬗ᭄ᬓᬳᬾᬫᬧᬳᬸᬫᬳᬦ᭄᭞ᬓᬥᬃᬫ᭄ᬫᬦᬾᬚᬸᬯᬕᬶ
ᬲᬶ᭞ᬳᬶᬲ᭄ᬢ᭄ᬭᬶᬧᬢᬶᬩ᭄ᬭᬢ᭞ᬜᭀᬯᬓᬢ᭄ᬓᬾᬦ᭄‌ᬲᭀᬫᬄ᭞ᬧ᭄ᬭᬲᬶᬤ᭄ᬥᬫᬕᬸᬭᬸᬮᬓᬶ᭞ᬲᬓ᭄ᬧᬢ᭄ᬳᬶᬩᬧ᭞ᬗ᭄ᬕᬶᬲᬶᬳᬂᬧᬢᬶᬉᬭᬶᬧ᭄᭟᭐᭟ᬬᬦ᭄ᬲᬶᬤ᭄ᬥᬫᬫᬕᭂᬳᬂᬓᬧᬢᬶᬩ᭄ᬭᬢᬦ᭄᭞ᬩᬾᬲᬸᬓ᭄ᬢᭂᬓᬦᬶᬂᬧᬢᬶ᭞ᬫᬫᬗ᭄ᬕᬶᬳᬂ
ᬲ᭄ᬯᬃᬕ᭄ᬕ᭞ᬧᬮᬦ᭄ᬲᬂᬧᬢᬶᬩ᭄ᬭᬢ᭞ᬭᬶᬂᬰᬶᬯᬮᭀᬓᬓᬧᬗ᭄ᬕᬶᬄ᭞ᬫᬩᬸᬓ᭄ᬢᬶᬲᬸᬓ᭞ᬉᬢᬫᬦᬶᬂᬤᬾᬯᬢᬶ᭟᭐᭟ᬬᬾᬦ᭄ᬓᬤᬸᬭᬸᬲ᭄ᬯᬗ᭄ᬮᬢ᭄ᬢᭂᬓᬦᬶᬂᬲᭀᬫᬄ᭞ᬫᬫᬶᬲᬸᬄᬩᬧᬓᭀᬫ᭄ᬧᬶ᭞ᬗᭀᬢᭀᬭᬶᬦ᭄ᬓᬯᬶᬢᬦ᭄᭞ᬗᬦ᭄ᬤᬾ
[᭔ 4A]
ᬬᬂᬩᬕᬧᭂᬮᬢ᭄᭞ᬫᬓᬤᬶᬫᬫᬢᬶᬫᬢᬶ᭞ᬜᭂᬢᬶᬓ᭄ᬫᬗᬸᬧᬲ᭄᭞ᬲᬮ᭄ᬯᬶᬭᬶᬂᬕᬸᬦᬤᬾᬱ᭄ᬝᬶ᭟᭐᭟ᬓᬢᬶᬩᬦᬦ᭄ᬤᬦ᭄ᬤᬲᬳᬸᬧᬤ᭄ᬭᬯ᭞ᬮᬶᬂᬦᬶᬂᬳᬭᬶᬘᬦ᭄ᬤᬦᬶ᭞ᬯ᭄ᬓᬲᬶᬂᬦᬭᬓᬶᬸᬓ᭞ᬢᬦ᭄ᬳᭂᬦ᭄ᬢᬲ᭄ᬰᬶᬯᬩᬸᬤ᭄ᬥ᭞ᬲᬲᭀᬗ᭄ᬓᬸᬦᬶᬂ
ᬧᬜ᭄ᬘᬪᬹᬫᬶ᭞ᬳᬶᬲᬶᬦᬶᬂᬓᬯᬄ᭞ᬤᬦ᭄ᬤᬦᬶᬂᬬᬫᬧᬢᬶ᭟᭐᭟ᬲᬓᬮᬦᬶᬲ᭄ᬓᬮᬫᬫᬗ᭄ᬕᬶᬳᬂᬧᬧ᭞ᬬᬦ᭄ᬢᭂᬓᬦᬶᬦ᭄ᬓᬧᬢᬶᬦ᭄᭞ᬢᬸᬫᬶᬢᬶᬲ᭄ᬓᬲᬲᬃ᭞ᬘᬘᬶᬂᬮᬶᬦ᭄ᬢᬄᬓᬸᬭᬶᬘᬓ᭄᭞ᬦᬫᬸᬦᬫᬸᬳᬸᬮᬤ᭄ᬳᬮᬶᬤ᭄᭞ᬤᬤ᭄ᬬᬦᬶᬂᬳᬸ
ᬧᬲ᭄᭞ᬰᬭᬡᬫᬢᬶᬫᬢᬶ᭟᭐᭟ᬢᭀᬓ᭄ᬭᬡᬤᬧᬫ᭄ᬩᬳᬂᬳᬶᬥᭂᬧ᭄ᬳᬗ᭄ᬓᬭ᭞ᬧᬍᬄᬧᬍᬄᬤᬶᬳᬢᬶ᭞ᬲᬶᬧᬢᬶᬦ᭄ᬩᬦ᭄ᬰᬵᬲ᭄ᬢ᭄ᬭ᭞ᬳᭂᬤᬦᬤᬸᬭᬸᬲ᭄ᬓᬂᬓᬂ᭞ᬫᬤᬸᬦᬾᬩᬸᬓᬲᬓᬶᬢᬶᬦ᭄᭞ᬤᬤᬶᬫᬫ᭄ᬩᬾᬤ᭞ᬫᬫᬍᬲ᭄ᬲᬓᬶᬢ᭄ᬳ
ᬢᬶ᭟᭐᭟ᬧᬕᭂᬳᬂᬫᬗ᭄ᬕᬶᬲᬶᬳᬂᬗᬥᭂᬧ᭄ᬓᬥᬃᬫ᭄ᬫᬦ᭄᭞ᬩᬋᬂᬳᬚᬓ᭄ᬫᬸᬧᭀᬦᬶᬦ᭄᭞ᬢᬺᬱ᭄ᬡᬦᬾᬫᬲᭀᬫᬄ᭞ᬲᬓ᭄ᬱᬢ᭄ᬲᬫ᭄ᬧᬶᬧᬢ᭄ᬓᬧ᭄᭞ᬧᬢᬸᬄᬢᬶᬦ᭄ᬤᬓᬾᬗᭂᬤᭂᬗᬶᬦ᭄᭞ᬩᬋᬂᬫᬬᬸᬕ᭞ᬢᭂᬢᭂᬳᬦᬾᬳᬩᭂᬲᬶᬓ᭄᭟᭐᭟