Kaca:Bali-lontar-gaguritan-stri-sasana-b-300ppi.pdf/17

Saking Wikisource
Kaca puniki kavalidasi

[᭑᭖ 16B]
᭑᭖᭞
ᬦ᭄ᬫᬭᬶᬫᬗᬶᬩᬸᬓᬂ᭞ᬩᬳᬦ᭄ᬢ᭄ᬯᬭᬗᭂᬮᬄᬧᬶᬧᬶᬲ᭄᭞ᬧᬜ᭄ᬘᭂᬤᬾᬫᬜᬸᬩᬮ᭄᭞ᬗᭂᬦᭂᬗᬂᬧᬬᬸᬓ᭄ᬚᬓᬦ᭄᭞ᬦᬾᬫ᭄ᬯᬦᬶᬢ᭄ᬓᬫᬩᬮᬶᬄ᭞ᬤᬤᬶᬯᬶᬭᭀᬤ᭞ᬦᬾᬳ᭄ᬮᬸᬄᬫᬶᬲᬤ᭄ᬬᬫᬢᬶ᭟᭐᭟ᬓᭂᬩᬸᬲ᭄ᬚᭂᬗᬄᬩᬳᬦ᭄
ᬲᭀᬫᬳᬾᬫᬫᬶᬢ᭄ᬭ᭞ᬗᭂᬜ᭄ᬘᭀᬮ᭄ᬢᭀᬂᬢᬳᬾᬦ᭄ᬫᬸᬮᬶᬄ᭞ᬲᭂᬓᭂᬦ᭄ᬤᬶᬧᬶᬲᬕ᭞ᬗᬩᬓᬓᬸᬭᬸᬗᬦ᭄᭞ᬳᬗ᭄ᬕᭀᬫᬜᬭᬸᬂᬩᬗᬶᬦ᭄᭞ᬗᬧᬸᬲ᭄ᬓᬸᬋᬡᬦ᭄᭞ᬗᬸᬮᬸᬭᬶᬦᬼᬕᬦ᭄ᬳᬢᬶ᭟᭐᭟ᬬᬢ᭄ᬦᬲᬳᬶᬢᬦ᭄ᬲᬄᬫᬤ
ᬫ᭄ᬧᬶᬂᬓᬤᬸᬢᬦ᭄᭞ᬧ᭄ᬭᬬᬧᬘᬂᬫᬜᬧᬶᬄ᭞ᬚᬬᬧᬭᬚᬬ᭞ᬧᬶᬲᬦ᭄ᬳᬲᬶᬂᬩᬕ᭄ᬬᬦᬦ᭄᭞ᬫᬦ᭄ᬫᬸᬳᬂᬍᬕᬦ᭄ᬳᬢᬶ᭞ᬢ᭄ᬯᬭᬕᬯᬾᬦ᭄ᬬ᭞ᬳᬶᬤᬸᬧᬾᬩᬸᬓᬚᬦᬶ᭟᭐᭟ᬦᬤᬓᬂᬦᬾᬫ᭄ᬯᬦᬶᬗᬩᬲ᭄ᬬᬧ᭄᭞ᬧ᭄ᬭ
ᬬᬫᬗᬮᬶᬄᬳᬚᬶ᭞ᬗᭀᬚᭀᬕ᭄ᬓᬤᬸᬮᬸᬳᬦ᭄᭞ᬫ᭄ᬦᬾᬓ᭄ᬗᬩᬕ᭄ᬮᬗ᭄ᬕᬢᬦ᭄᭞ᬦᬾᬮᬸᬄᬦᭂᬩᭂᬓ᭄ᬳᬸᬮᬶᬤᬸᬭᬶ᭞ᬓ᭄ᬦᬓᬧ᭄ᬭᬡᬦ᭄᭞ᬫᬦᭀᬮᬶᬄᬮᬯᬸᬢ᭄ᬫᬢᬶ᭟᭐᭟ᬓᬢᬗᭂᬳᬦ᭄ᬳᬫᬸᬓ᭄ᬮᬯᬸᬢ᭄ᬫᬓᬸᬮ᭄ᬓᬸᬮᬦ᭄᭞
[᭑᭗ 17A]
ᬧᭂᬦ᭄ᬤᭂᬳᬦ᭄ᬧᬥᬕᬢᬶ᭞ᬫᬗᭂᬩᭂᬓᬶᬦ᭄ᬫᬃᬕ᭄ᬕ᭞ᬮᬾᬦ᭄ᬗᭂᬮᬦ᭄ᬢᬲ᭄ᬫᬸᬮᬶᬳᬦ᭄᭞ᬲᬳᬲᬢ᭄ᬓᬦᬸᬫ᭄ᬩᬓᬶᬦ᭄᭞ᬧ᭄ᬭᬲᬶᬤ᭄ᬥᬭᬸᬲᬓ᭄ᬮᬸᬄᬫ᭄ᬯᬦᬶ᭟᭐᭟ᬮᬾᬦ᭄ᬳᬤᬓᬂᬓᬂᬘᬗ᭄ᬕᬶᬄᬲᬳᬶᬫᬬᭂᬕᬦ᭄᭞ᬳᬲᬶᬂᬧᬳᬓ᭄ᬳᬸᬘᬸᬧᬶᬦ᭄᭞ᬳᬋ
ᬧᬶᬦ᭄ᬫᬬᭂᬕᬦ᭄᭞ᬢᭀᬂᬢᬳᬾᬦ᭄ᬜᬓ᭄ᬓᬮᬳᬦ᭄᭞ᬳᬶᬧᬄᬫᬢ᭄ᬯᬧᬥᬧ᭄ᬯᬶᬓ᭄᭞ᬫᬤᬸᬜᭂᬗᬶᬢᬂ᭞ᬓᬾᬮᬗᬦ᭄ᬲᬳᬶᬲᬳᬶ᭟᭐᭟ᬳᬲᬶᬂᬧ᭄ᬚᬂᬳᬶᬮᬂᬢᭀᬂᬩᬓᬢ᭄ᬲᬺᬧᬂ᭞ᬧ᭄ᬭᬩᭀᬢ᭄ᬘᬯᬩ᭄ᬧᬶᬭᬶᬂ᭞ᬬᬓᬾ
ᬲᬃᬯ᭄ᬯᬯᬶᬚ᭞ᬫᬓᬤᬶᬓ᭄ᬢᬦ᭄ᬩᬳᬲ᭄᭞ᬳᭂᬫ᭄ᬧᬸᬂᬢ᭄ᬓᬦᬶᬂᬦᬸᬚᬶᬚᬶᬄ᭞ᬢᬸᬯᬶᬲ᭄ᬧᬶᬗᬦ᭄᭞ᬜ᭄ᬚᬸᬯᬂᬲᬮᬶᬂᬮᬶᬗ᭄ᬕᬾᬦᬶᬦ᭄᭟᭐᭟ᬢᭀᬓ᭄ᬭᬡᬓᬾᬯᭂᬄᬜᬸᬗᭂᬜ᭄ᬘᬦᬂᬧᬬᬸᬓ᭄ᬚᬓᬦ᭄᭞ᬫᬓ᭄ᬚᬂᬫᬩᬸᬲᬸᬭᬶᬦ᭄᭞ᬳᬯ
ᬓᬾᬩᬲ᭄ᬓᬂᬓᬂ᭞ᬢ᭄ᬯᬭᬤᬤᬶᬢᭂᬫ᭄ᬧᬶᬮᬦ᭄᭞ᬜᬗ᭄ᬓᬸᬢᬶᬦ᭄ᬳᬦᬓ᭄᭞ᬫ᭄ᬯᬦᬶᬤᬤᬶᬗᭂᬭᭀᬦ᭄ᬢᬂ᭞ᬫᬤᬸᬦᬾᬧᬥᬲᭂᬗᬶᬢ᭄᭟᭐᭟ᬩᬸᬯᬶᬦ᭄ᬳᬫᬓᬂᬓᬂᬢᭀᬂᬤᬤᬶᬢᬸᬦᬬᬦ᭄᭞ᬕᭂᬫᭂᬲ᭄ᬜᬚᬬᬂᬦᬶᬕ᭄ᬢᬶᬕ᭄᭞