Kaca:Bali-lontar-gaguritan-stri-sasana-b-300ppi.pdf/14

[᭑᭓ 13B]
᭑᭓᭞
ᬤᬯᬸᬄᬧᬶᬲᬦ᭄᭞ᬫᬳᬬᬦᬾᬦᬾᬫ᭄ᬯᬦᬶ᭞ᬳᬤᬳᬸᬢᬸᬲᬦ᭄᭞ᬓᬲᬾᬗᬦ᭄ᬩᬵᬦ᭄ᬕᬸᬱ᭄ᬝᬶ᭟᭐᭟ᬫᬢᬩ᭄ᬢᬩᬦ᭄ᬫᬜ᭄ᬚᭂᬫᬓ᭄ᬲᬧᬸᬢ᭄ᬓᬤᬸᬢᬦ᭄᭞ᬢᬶᬦ᭄ᬤᬓᬾᬲᬤᬕᬢᬶ᭞ᬢ᭄ᬓᬦᬶᬂᬧᬸᬳᬭ᭞ᬩᬋᬂᬗᬚᬓ᭄ᬧᬫᬶᬢ᭄ᬭ᭞
ᬫᬤᬦ᭄ᬤᬦ᭄ᬮᬶᬫᬬᬫᬸᬮᬶᬄ᭞ᬢᭂᬓᭂᬤ᭄ᬤᬶᬚᬸᬫᬄ᭞ᬢᬶᬦ᭄ᬤᬓᬦᬾᬫᬕᬶᬕᬶᬧ᭄᭟᭐᭟ᬗᭀᬚᭀᬕ᭄ᬩᬮᬾᬕ᭄ᬤᬾᬦᬾᬮᬦᬂᬫᬦᭂᬕᬓ᭄᭞ᬫᬫᭂᬢᭂᬂᬳᬸᬮᬶᬲᭂᬮᬶᬤᬦ᭄ᬮᬯᬸᬢ᭄ᬧᬥᬗᭂᬩᬄ᭞ᬭᬯᭀᬲᬾᬕᬕᭂᬍᬲ
ᬦ᭄᭞ᬦᬾᬳᭂᬮᬸᬄᬢ᭄ᬓᬫᬗᬶᬦ᭄ᬢᬶᬧ᭄᭞ᬩᭂᬢᬾᬦᬦ᭄ᬲᬂᬮᬤ᭄᭞ᬦ᭄ᬤᭂᬲᭂᬓᬂᬗᭂᬲᬾᬗᬂᬓᬸᬧᬶᬂ᭟᭐᭟ᬦᬾᬫ᭄ᬯᬦᬶᬩᬯᬸᬫᬦᬶᬗ᭄ᬓᬳᬂᬩᬶᬓᬲ᭄᭞ᬦᬸᬳᬸᬓᬂᬤ᭄ᬫᭂᬦ᭄ᬳᬢᬶ᭞ᬦᬾᬮᬸᬄᬫᬫᬓ᭄ᬱᬬᬂ᭞ᬮᬾᬩᭂᬢ᭄ᬜᬫ᭄ᬩᬸᬢ᭄ᬫ
ᬘᬗᬂ᭞ᬦᭂᬓᭂᬓᬂᬗ᭄ᬕᬶᬲᬶᬓᬶᬓᬶᬜ᭄ᬘᬶᬂᬦᬾᬫ᭄ᬯᬦᬶᬓᬲ᭄ᬬᬩ᭄᭞ᬓᭂᬧᬃᬮᬶᬫᬦᬾᬦᭀᬮᬶᬄ᭟᭐᭟ᬧᬚᬼᬚᭂᬄᬳᬯᬓᬾᬚᬦᬶᬓᬢᬭ᭞ᬩᭂᬗᭀᬂᬢ᭄ᬯᬭᬫᬫᬸᬜᬶ᭞ᬦᬾᬮᬸᬄᬫᬚᬮ᭄ᬚᬮ᭄᭞ᬫᬸᬜᬶᬦᬾᬫᬕᭂᬦ᭄ᬢᬸᬳᬦ᭄᭞
[᭑᭔ 14A]
ᬜᬾᬦ᭄ᬓᬳᬚᬓ᭄ᬫᭂᬤᭂᬫ᭄ᬤᬶᬦᬶ᭞ᬳᭂᬮᬸᬄᬧᬶᬦ᭄ᬤᭀᬦᬦ᭄᭞ᬮᬯᬸᬢ᭄ᬩᬸᬦ᭄ᬢᭂᬃᬫᬮᬳᬶᬩ᭄᭟᭐᭟ᬦᬾᬫ᭄ᬯᬦᬶᬗᬶᬲᬾᬦ᭄ᬗᬗ᭄ᬓᭂᬦ᭄ᬓᬫᭂᬫᭂᬕᬦ᭄᭞ᬦᬾᬫᬗᬸᬤᬫᬫᭂᬤᬶᬮ᭄᭞ᬓᬾᬦ᭄ᬓᬾᬦ᭄ᬤᬤᬶᬚᬸᬫᬄ᭞ᬳᬸᬮᬢ᭄ᬗᬓᬸᬓᭂᬲᬾᬗᬦ᭄᭞ᬳᭂᬦ᭄ᬢᭀ
ᬜᬾᬦ᭄ᬦᬾᬫᬮᬳᬶᬩ᭄᭞ᬫᬫᬩᬃᬢᬩᬦ᭄᭞ᬚᬚᬦᬾᬫᬮᬗ᭄ᬢᭂᬢᬶᬓ᭄᭟᭐᭟ᬳᬤᬳᬗ᭄ᬓᬭᬲᬸᬩᬓᬢᬸᬳᬸᬓᬦ᭄᭞ᬳᬯᬓᬾᬲᬸᬩᬩᭂᬮᬶᬂ᭞ᬫᬾᬄᬢᬸᬢᬸᬕ᭄ᬳᬸᬮᬦᬦ᭄᭞ᬓᬸᬤ᭄ᬬᬂᬚᬦᬶᬦᬕᭀᬓᬂ᭞
ᬩᬲᬗᬾᬕ᭄ᬤᬾᬗᭂᬦ᭄ᬢᬸᬓᬶᬦ᭄᭞ᬢᭀᬂᬤᬤᬶᬢᬸᬦ᭞ᬫᬗᭀᬯᬾᬮ᭄ᬲᬳᬶᬲᬳᬶ᭟᭐᭟ᬦᬾᬫ᭄ᬯᬦᬶᬳᬤᬗ᭄ᬕᭂᬮᬄᬤᬤᭂᬫᭂᬦᬦ᭄᭞ᬳᬸᬩᬬᬲᬸᬩᬧᬲ᭄ᬢᬶ᭞ᬢ᭄ᬓᬦᬶᬂᬤᬶᬯᬰ᭞ᬢᬸᬯᭀᬦ᭄ᬫᬗᬭᭀᬭᭀᬤᬂ᭞ᬦᬾᬮᬸᬄᬩᬸ
ᬓᬓᬩᬗᬶᬦ᭄᭞ᬗᬭᬱᬭᬱ᭞ᬓᬫ᭄ᬧᬶᬄᬳᬯᬓᬾᬚᬦᬶ᭟᭐᭟ᬲᬸᬫᬗ᭄ᬓᬶᬦ᭄ᬓ᭄ᬭᭀᬥᬲᬳᬶᬗᭀᬯᬾᬮ᭄ᬫᬗᭀᬫ᭄ᬧᭀᬂ᭞ᬫᬲᬶᬄᬦᬸᬲᬓᬶᬢ᭄ᬳᬢᬶ᭞ᬳᬯᬓᬾᬓᬮᬳᬂ᭞ᬲᬕᬾᬢ᭄ᬫᬗᭂᬦ᭄ᬢᬓ᭄ᬳᬯᬓ᭄᭞ᬗᭂᬮᬮᬸᬫᬦᬶ