Kaca:Bali-lontar-gaguritan-stri-sasana-b-300ppi.pdf/13

[᭑᭒ 12B]
᭑᭒
ᬰᬭᬡ᭞ᬳᬤᬦᬸᬗᬮᬶᬓᬂᬘᭂᬦᬶᬂ᭞ᬘᭂᬢᬶᬓ᭄ᬫᬗ᭄ᬤᬾᬘᬧᬶᬲᬦ᭄᭞ᬲᬧᬮᬫᬲᬶᬦ᭄ᬫᬢᬶ᭟᭐᭟ᬧᬥᬗᬫ᭄ᬩᬸᬮ᭄ᬫᬗᬗ᭄ᬕᭀᬳᬂᬮᬶᬬᬂᬫᬦᬄ᭞ᬫᬫᭂᬚᬂᬫᭂᬚᬂᬫᬸᬜᬶ᭞ᬫᬢᬶᬦᬾᬳᬧᬲᬦ᭄᭞ᬢ᭄ᬯᬭᬜᬦ᭄ᬤᬂᬧᬗᭂᬦᬂ᭞ᬇ
ᬤᬸᬧᬾᬧᬥᬮᬦ᭄ᬫᬢᬶ᭞ᬦᬕᭂᬮᬕᭂᬮ᭞ᬦᬦ᭄ᬤᬗᬶᬦ᭄ᬲᬓᬶᬢ᭄ᬳᬢᬶ᭟᭐᭟ᬳᬤᬓᬂᬓᬂᬩᬤᭀᬳᭀᬲ᭄ᬓᭂᬋᬂᬫᬘᬭ᭞ᬫᬫᬸᬕ᭄ᬧᬸᬕ᭄ᬲᬳᬶᬲᬳᬶ᭞ᬚᭂᬫ᭄ᬩᬸᬂᬧᬶᬭᬶᬂᬧᬶᬗ᭄ᬕᬦ᭄᭞ᬕᭂᬫ᭄ᬧᬸᬂᬢᬸᬳᬸᬢᬂᬘᬭᬢᬦ᭄᭞ᬧ
ᬦᬾᬧᬲᭀᬕᭂᬦ᭄ᬢᭀᬂᬚᬲᬶ᭞ᬢᬸᬗ᭄ᬕᬮ᭄ᬧᬓ᭄ᬦᬦ᭄᭞ᬢ᭄ᬯᬭᬲᬸᬳᬸᬤ᭄ᬫᬫ᭄ᬩᭂᬮᬶ᭟᭐᭟ᬢᬸᬮ᭄ᬬᬓᬵᬮᬢ᭄ᬯᬭᬫᬩᬳᬦ᭄ᬩᬮᬧᬦ᭄᭞ᬫᬸᬜᬶᬦᬾᬩᬶᬓᬶᬃᬩᬶᬓᬶᬃ᭞ᬫᬦᬸᬚᬸᬕᬮᬸᬗᬦ᭄᭞ᬫᬓᬭᭀᬦᬦ᭄ᬫᬳᬾᬩᬢ᭄᭞ᬤᬶᬧ
ᬯᭀᬦ᭄ᬲᬮᬶᬂᬕᭂᬋᬗᬶᬦ᭄᭞ᬦᬾᬫ᭄ᬯᬦᬶᬓᬮᬄ᭞ᬦᬾᬮ᭄ᬯᬗᬸᬩᬲ᭄ᬳᬩᬶᬲ᭄᭟᭐᭟ᬧᬦ᭄ᬢᭂᬕ᭄ᬧᬲᭀᬗᭂᬦ᭄ᬢᬸᬗᬂᬩᬳᬦ᭄ᬧᬶᬗ᭄ᬕᬦ᭄᭞ᬮᬯᬸᬢ᭄ᬗᬫ᭄ᬩ᭄ᬭᬾᬲ᭄ᬕᭂᬤᬶ᭞ᬓᬳᬫ᭄ᬩᬾᬦᬾᬦᭂᬕᬓ᭄᭞ᬫᬘᬺᬂᬮᬶᬬᬢᬾᬲᬸᬫ᭄ᬩ᭄ᬭᬄ᭞
[᭑᭓ 13A]
ᬫᬫᬸᬜᬶᬮᬯᬸᬢ᭄ᬫᬦᬸᬤᬶᬂ᭞ᬗᬸᬯᬾᬮ᭄ᬫᬗᭀᬫ᭄ᬧᬂ᭞ᬫᬫᬸᬤᬸᬄᬤᬢᬩᬶᬲ᭄ᬩᬶᬲ᭄᭟᭐᭟ᬲᬬᬦ᭄ᬮᬦ᭄ᬢᬂᬇᬥᭂᬄᬲᬩᬓᬮ᭄ᬳᬶᬗᭂᬢᬂ᭞ᬲᬸᬫᬗ᭄ᬓᬶᬦᬂᬫᬓᭂᬩ᭄ᬭᬶᬲ᭄᭞ᬮᬯᬸᬢ᭄ᬓᬤᬸᬮᬸᬳᬦ᭄᭞ᬜᬶᬢ᭄ᬲᬶᬢ᭄ᬓᬫ᭄ᬩᭂᬦ᭄ᬳᬓᭀᬢᬓ᭄᭞
ᬜᭂᬫᬓ᭄ᬢᬶᬬᬸᬓ᭄‌ᬦᬾᬭᬾᬲ᭄ᬤᬶᬦ᭄ᬤᬶᬂ᭞ᬫᬫᬾᬗ᭄ᬓᬾᬄᬢᭂᬧᬲ᭄᭞ᬧᬸᬮᬸᬩᭂᬮᬄᬗᬮᬶᬮᬶᬂ᭟᭐᭟ᬮᬾᬦ᭄ᬳᬤᬓᬂᬓᬂᬗᬍᬬᭂᬧ᭄ᬫᬫ᭄ᬩᬍᬫᬦ᭄᭞ᬢ᭄ᬯᬭᬧᬢᬶᬫᬫᬸᬜᬶ᭞ᬓᬶᬫᬸᬤ᭄ᬧᬓᬢᭀᬦᬦ᭄᭞ᬤᬳᬧ᭄ᬕᬮ
ᬓᬾᬫᬜᬭᬧ᭄᭞ᬢᭀᬂᬤᬤᬶᬢᬸᬦᬳᬯᬳᬶ᭞ᬲᬳᬶᬓᬸᬯᬗᬦ᭄᭞ᬚᬳᭂᬦ᭄ᬢ᭄ᬯᬭᬦᬦ᭄ᬤᬶᬗᬶᬦ᭄᭟᭐᭟ᬦᬾᬫ᭄ᬯᬦᬶᬫᬲᬶᬄᬫᬗᭂᬮᬄᬧᬫᬶᬢ᭄ᬭ᭞ᬳᬗᬶᬂᬫᬜᬶᬮᬶᬩ᭄ᬜᬶᬮᬶᬩ᭄᭞ᬦᬸᬗᬮᬶᬄᬤᬮᬶᬳᬦ᭄᭞ᬦᬸᬚᬸ
ᬲᬸᬯᬸᬂᬤᬶᬚᬸᬫᬄ᭞ᬜᭂᬮᬦᬶᬦ᭄ᬫᬗᬚᬓ᭄ᬫᬸᬮᬶᬄ᭞ᬭᬱᬢᭀᬂᬳᬤ᭞ᬳᬦᬓ᭄ᬧᬘᬂᬦᭀᬗᭂᬭᬶᬦ᭄᭟᭐᭟ᬢᬗᭂᬄᬦᬾᬳᭂᬮᬸᬄᬭᬭᬯᬢᬾᬲᭂᬮᬶᬤᬦ᭄᭞ᬳᬤᬧᬘᬂᬦᭂᬓᬦᬶᬦ᭄᭞ᬲᬚᬢ᭄ᬯᬭᬍᬧᬲ᭄᭞ᬧᭂᬢᭂᬗᬾ