Kaca:Bali-lontar-gaguritan-stri-sasana-b-300ppi.pdf/11

[᭑᭐ 10B]
᭑᭐᭞
ᬦᭀᬮᬶᬄ᭞ᬜᭂᬋᬧ᭄ᬓᬧᬶᬲᬕ᭞ᬘᬶᬘᬶᬗᬾᬫᬳᬸᬭᭀᬦᬦ᭄᭞ᬩᭂᬲᬸᬲ᭄ᬢᭀᬂᬤᬤᬶᬢᬓᭀᬦᬶᬦ᭄᭞ᬢ᭄ᬓᬜ᭄ᬮᬓ᭄ᬱᬓ᭄᭞ᬜᬶᬮᬶᬄᬤᬫᬃᬫᬜᬸᬦ᭄ᬤᬶᬄ᭟᭐᭟ᬤᬶᬚᬸᬫᬄᬫᭂᬢᬾᬦ᭄ᬩᬓᬢ᭄ᬤᬶᬤᬸᬮ᭄ᬯᬦ᭄ᬳᬧᬦ᭄᭞ᬳᭂᬦᬸᬓᭂᬍᬢ᭄ᬓᬲᬶ
ᬲᬶ᭞ᬳᬦ᭄ᬢᬸᬓᬶᬦᬼᬗ᭄ᬕᬢᬦ᭄᭞ᬦᬄᬓᬾᬢᬶᬤᭀᬂᬧᭂᬲᬸᬳᬦ᭄᭞ᬮᬯᬸᬢ᭄ᬧᭂᬲᬸᬩᬋᬂᬫᬸᬮᬶᬄ᭞ᬗᬸᬯᬾᬮ᭄ᬤᬶᬚᬮᬦ᭄᭞ᬗᭂᬫ᭄ᬧᭂᬗᬶᬦ᭄ᬦᬾᬫ᭄ᬯᬦᬶ᭟᭐᭟ᬳᬤᬩᭂᬮᭀᬕ᭄ᬳᬗ᭄ᬓᬭᬫᬫᬶᬗᬶᬢ᭄ᬲᭀᬫᬄ᭞ᬫᬧᬗᬬᬬ
ᬲᬸᬕᬶᬄ᭞ᬦᬗ᭄ᬓᭂᬩᬂᬭᬭᬲᬦ᭄᭞ᬢᭀᬂᬳᬤᬳᬶᬲᬶᬦ᭄ᬳᬯᬓ᭄᭞ᬦᬾᬫ᭄ᬯᬦᬶᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭞ᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬳᬶᬩᬸᬓ᭄ᬩᬵᬦ᭄ᬓᬧᬶᬗᬶᬢ᭄᭟᭐᭟ᬢᬸᬫ᭄ᬩᬾᬦ᭄ᬳᬤᬘᬸᬓᬸᬄᬜᬶᬗ᭄ᬲᬾᬳᬂᬫᬮᬮᬩ᭄᭞ᬦᭂᬮᬦᬂ
ᬫ᭄ᬩᬸᬓᬄᬓᭀᬭᬶ᭞ᬮᬘᬸᬃᬓᬢᬗᭂᬳᬦ᭄᭞ᬓᬸᬤ᭄ᬬᬂᬤᬬᬦᬾᬳᭀᬜ᭞ᬚᬩᬦᬶᬂᬢ᭄ᬓᬗᬮᬶᬓᬶᬄ᭞ᬲᬭᬸᬲᬭᬸᬳᬂ᭞ᬫᬦᬳᬶᬂᬦᬜ᭄ᬚᬶᬂᬓᭀᬭᬶ᭟᭐᭟ᬳᬶᬗᭂᬢ᭄ᬢᭂᬓᬾᬦ᭄ᬳᬯᬓ᭄ᬲᬳᬶᬓᬘᬢᭀᬦᬦ᭄᭞ᬓ᭄ᬭᬡ
[᭑᭑ 11A]
ᬤᬩᬸᬓᬚᬦᬶ᭞ᬧᬗᬗ᭄ᬕᭀᬦᬾᬩᬸᬗᬄ᭞ᬳᬶᬦ᭄ᬤ᭄ᬭᬶᬬᬓᬢᬸᬳᬸᬓᬦ᭄᭞ᬳᬗᬶᬂᬚᬩᬦᬶᬂᬳᬩᭂᬲᬶᬓ᭄᭞ᬫᬜᭀᬮᭀᬂᬲ᭄ᬫᬭ᭞ᬤᬤᬶᬲᬓᬶᬢ᭄ᬤᬶᬳᬢᬶ᭟᭐᭟ᬓᬮᬦ᭄ᬢᬲᬦ᭄ᬲᬓᬶᬢ᭄ᬭᬸᬫ᭄ᬧᬸᬄᬳᬯᬓ᭄ᬩᭂᬭᬕ᭄᭞ᬓᬫᬦᬾᬫ
ᬗᭂᬩᬸᬲᬶᬦ᭄᭞ᬗᬮᬶᬬᬄᬤᬶᬳᬯᬓ᭄᭞ᬤᬤᬶᬕᬢᭂᬮ᭄ᬢᬳᬸᬦᬦ᭄᭞ᬢᭀᬂᬳᬤᬳᬸᬩᬤ᭄ᬗᭂᬜ᭄ᬘᬢᬶᬦ᭄᭞ᬮᬶᬯᬲ᭄ᬯᬘᬓᬂ᭞ᬗᭂᬦᬄᬫᬳᬸᬩᬤ᭄ᬗᬸᬮᬶᬄ᭟᭐᭟ᬩᬬᬢᬶᬢᬄᬳᬯᬦᬶᬦ᭄ᬧᬘᬂᬧ᭄ᬭᬮᬬ᭞ᬩᬬᬸ
ᬦᬾᬲᬬᬦ᭄ᬳᬶᬭᬶᬢ᭄᭞ᬢᭀᬂᬫᬫ᭄ᬧᬸᬄᬫᬚᬮᬦ᭄᭞ᬫᬳᭂᬧᭂᬧᬦ᭄ᬤᬶᬚᬸᬫᬄ᭞ᬓᭂᬦᭂᬄᬳᭂᬦᬸᬩᬚᬂᬘ᭄ᬦᬶᬓ᭄᭞ᬓᬧᭀᬩᬵᬦ᭄ᬮᬶᬓᬤ᭄᭞ᬲᬓᭂᬜ᭄ᬘᭂᬗᬾᬢᬗ᭄ᬓᭂᬓᬶᬦ᭄᭟᭐᭟ᬳᬤᬩᬸᬯᬶᬦ᭄ᬧᭂᬗ᭄ᬓᬸᬂᬪ᭄ᬭᬾᬗᬾᬢ᭄ᬘᬘᭂ
ᬓᭂᬢᬦ᭄᭞ᬫᬸᬜᬶᬦᬾᬲᬤᬘᬗ᭄ᬕᬶᬄ᭞ᬓᬩᬢᭂᬓ᭄ᬩᬳᬦ᭄ᬓᬂᬓᬂ᭟ᬢᬸᬫ᭄ᬩᬾᬦ᭄ᬲᭀᬫᬳᬾᬲᬶᬗ᭄ᬕᬄ᭞ᬚᬸᬫᬄᬫᬤᬸᬦᬾᬫᬮᬮᬶ᭞ᬓᬤᬸᬂᬧᭂᬢᭂᬗᬦ᭄᭞ᬳᭂᬦ᭄ᬤᭂᬓᬂᬳᬸᬚᬦ᭄ᬤᬗᬶᬦ᭄᭟᭐᭟ᬗᭂᬫ᭄ᬩᭀᬂᬲᬲᬶᬫ᭄ᬩᬶᬗᬾ