Kaca:Bali-lontar-gaguritan-stri-sasana-300ppi.pdf/8

Saking Wikisource
Kaca puniki sampun kauji-wacén

[᭗ 7B]

ᬫᬸᬮᬫᬩᬶᬓᬲᬼᬕᬫᬦᬫᭀᬯᬶᬓᬬ᭞ᬳᬾᬧᬾᬄᬫᬸᬜᬶᬦᬾᬫᬦᬶᬲ᭄᭞ᬦᬜ᭄ᬚᬾᬦ᭄ᬧᬧᬘᬾᬢᬦ᭄᭞ᬳᬾᬜᭀᬃᬲᬫ᭄ᬩᬶᬮ᭄ᬫᬘᬦ᭄ᬤ᭞ᬜᬮᬾᬮᬾᬕ᭄ᬗᬶᬫ᭄ᬧᭂᬓ᭄ᬗᬫᬜᬶᬂ᭞ᬦᬕᬶᬄᬧᬩᬳᬂ᭞ᬕᬧ᭄ᬕᬧᬦᬾᬫᬮᬮᬶᬦᬸᬚᬸᬢ᭄ᬯ
ᬭᬳᬤᬫᬩᬳᬦ᭄ᬫᬗ᭄ᬓᬸᬳᬦ᭄᭞ᬜᭂᬩᭂᬗᬶᬦ᭄ᬫᬺᬳᬕ᭄ᬫᬺᬢᬶᬕ᭄᭞ᬫᬗᭀᬫᬾᬮ᭄ᬫᬗᭀᬫ᭄ᬧᬂ᭞ᬲᬶᬂᬲᬶᬂᬳᬗ᭄ᬕᬾᬦ᭄᭞ᬲᭀᬫᬄᬓᬮᬄᬢᭂᬓᬯᬾᬮᬶᬦ᭄᭞ᬲᭂᬮ᭄ᬲᭂᬮ᭄ᬫᬗᭀᬜᬂ᭞ᬫᬗᬸᬢᬂᬳᬸᬢᬂᬧᬶᬧᬶᬲ᭄᭟
ᬳᬤᬩᬸᬯᬶᬦ᭄ᬓᬂᬓᬂᬢᭀᬂᬤᬤᬶᬢᬸᬦᬸᬬᬦ᭄᭞ᬳᬯᬓ᭄ᬫᬸᬮᬓᬧᬧᬾᬭᬶᬂ᭞ᬩᬸᬤ᭄ᬥᬶᬦᬾᬗᭂᬧᬓᬂ᭞ᬫᬲᬶᬄᬢ᭄ᬯᬭᬓᬲᬶᬤᬦ᭄᭞ᬤᬤᬶᬩᬸᬤᬸᬄᬳᬸᬬᬂᬧᬮᬶᬂ᭞ᬲᬳᬶᬗᬸᬮᬜ᭄ᬚᬃ᭞ᬓᬧᬶᬲᬕᬫᬮᬮᬶ᭟ᬜᬤ᭄ᬯᬂᬳᬯ
ᬓ᭄ᬫᬸᬬᬸᬄᬩᬶᬘᬓ᭄ᬫᬚᬮᬦ᭄᭞ᬗᬸᬩᬸᬓᬂᬳᬦᬓ᭄᭞ᬫ᭄ᬯᬦᬶ᭞ᬢᭀᬂᬩᬓᬢ᭄ᬳᬸᬦ᭄ᬤᬓᬂ᭞ᬢ᭄ᬯᬭᬲᬶᬓᭂᬦ᭄ᬗᭀᬬᭀᬃᬚᬸᬫᬄ᭞ᬳᭂᬦ᭄ᬢᭀᬓ᭄ᬭᬡᬗᬸᬓᬚᬦᬶ᭞ᬫᬓᬶᬭᬓᬶᬭ᭞ᬫᬗ᭄ᬕᬾᬗᭂᬩ᭄ᬳᬦᬾᬫ᭄ᬯᬦᬶ᭟ᬫᬫᬸᬤᬸᬄᬫ

[᭘ 8A]

ᬗᭀᬜᬂᬳᬶᬲᬶᬦ᭄ᬧᬳᬸᬫᬳᬦ᭄᭞ᬢᬦᬶᬤᬸᬲᬶᬦ᭄ᬫᬗᬸᬮᬶᬲ᭄ᬢᬶᬂ᭞ᬳᬗ᭄ᬕᭀᬫᭂᬮᬶᬕᬸᬡ᭞ᬫᬗ᭄ᬤᬾᬦᬾᬤᬤᬶᬤᬺᬫᬦ᭄᭞ᬫᬲᬗᬂᬕᭂᬢᬶᬄᬕᬯᬾᬘᬶ᭞ᬓᬲᬸᬦᬦᬸᬗ᭄ᬕᬮ᭄᭞ᬧᬫᬸᬂᬧᬸᬂᬲᬃᬯ᭄ᬯᬫᬦ᭄ᬤᬶ᭟ᬳᬤᬗᭂᬓᭂᬃᬲᭀᬲᬄᬢᭀ
ᬤᬤᬶᬫᬫᬶᬢ᭄ᬭ᭞ᬲᬗ᭄ᬓᬬᬲᬳᬶᬲᬳᬶ᭞ᬗᬶᬦ᭄ᬳᬾᬩᬵᬦ᭄ᬮᬮᬶᬳᬢ᭄᭞ᬜᭂᬍᬳᬶᬦ᭄ᬲᬲᬶᬮᬶᬩᬦ᭄᭞ᬢᬦ᭄ᬫᬭᬶᬳᬧᬂᬫᬲᬦ᭄ᬤᬶᬂ᭞ᬲᬶᬭᬶᬦᬾᬤᬺᬫᬦ᭄᭞ᬦᬕᬶᬄᬤᬾᬯᬓᬧᬸᬚᬶ᭟ᬧᭂᬢᭂᬂᬍᬫᬄᬲᬳᬶᬢᭀᬂᬢᬸᬦᬫ
ᬳᬬᭂᬕᬦ᭄᭞ᬧᬢᬶᬤᬮᬶᬄᬤᬮᬶᬳᬶᬦ᭄᭞ᬳᬸᬩᭂᬓ᭄‌ᬤᬶᬧᭂᬤᭂᬫᬦ᭄᭞ᬲᬶᬧ᭄ᬢᬳᬶᬦ᭄ᬤ᭄ᬭᬭᬫ᭄ᬩᬗᬳᬲᭂᬩᭂᬗᬾᬢᬸᬦ᭄ᬢᬶᬓ᭄᭞ᬳᬸᬮᬶᬄᬲᭂᬮᬶᬤᬦ᭄᭞ᬗᬭᭀᬂᬫᭀᬂᬦᬾᬫ᭄ᬯᬦᬶ᭟ᬳᬦ᭄ᬢᬾᬩᬵᬦ᭄ᬭᬭᬲᬦ᭄ᬳᬶᬲᬶᬦ᭄ᬧ
ᬬᬸᬓ᭄ᬚᬓᬦ᭄᭞ᬫᬗ᭄ᬤᬾᬢ᭄ᬯᬭᬗᬮᬳᬶᬦ᭄᭞ᬳᬸᬩᭂᬓ᭄‌ᬤᬶᬧᭂᬤᭂᬫᬦ᭄᭞ᬲᬶᬧ᭄ᬢᬳᬶᬦ᭄ᬤ᭄ᬭᬭᬫ᭄ᬩᬗᬦ᭄᭞ᬳᬗ᭄ᬕᬾᬦ᭄ᬭᬗ᭄ᬲᬶᬢ᭄ᬫᬗᬚᬓᬶᬦ᭄᭞ᬲᬳᬶᬓᬸᬯᬗᬦ᭄᭞ᬚᬦᬶᬦᬕᬶᬄᬳᬸᬩᬸᬗᬶᬦ᭄᭟ᬮᬾᬦ᭄ᬳᬤᬗᭂ