[᭙ 9B]
᭙
ᬢ᭄ᬯᬭᬭᬾᬭᬵᬳᭂᬦᬦ᭄᭞ᬦᭂᬫ᭄ᬯᬂᬍᬕᬦ᭄ᬳᬢᬶ᭟ᬚᬦᬶᬳᬸᬬᬂᬧᬮᬶᬂᬫᬫᬗᭂᬦᬂᬳᬯᬓ᭄᭞ᬓᬤᬸᬂᬲᬦ᭄ᬫᬦᬜ᭄ᬚᬾᬤᬦ᭄᭞ᬓᬤᬾᬦ᭄ᬢ᭄ᬯᬭᬜᬓ᭄᭞ᬢᬸᬮᬢᬾᬘᬮᬸᬦᬸᬢᬦ᭄᭞ᬢᭀᬂᬫᬤᬬᬩᬸᬓᬚᬦᬶ᭞ᬜᬶᬳᭂᬧ᭄ᬗᬾᬧᬾᬓᬂ᭞ᬩᬸᬓᬢ᭄ᬯ
ᬭᬫᬦᭀᬮᬶᬄ᭟ᬦᬄᬳᭀᬜᬂᬦᬾᬚᬦᬶᬳᬗ᭄ᬕᭀᬳᬧᬗᬫᭂᬮᬄ᭞ᬩᭂᬓᭂᬮ᭄ᬫᬍᬕᬦ᭄ᬳᬢᬶ᭞ᬲᬸᬩᬓᬧᭂᬧᭂᬓᬦ᭄᭞ᬳᬧᬩᬸᬯᬶᬦ᭄ᬢᬕᬶᬳᬂ᭞ᬤᬚᬩᬲ᭄ᬜᬓᬶᬢᬶᬦ᭄ᬳᬢᬶ᭞ᬫᬜᭂᬍᬓ᭄ᬫᬢ᭞ᬳᭂᬗ᭄ᬲᬧ᭄ᬢᭂᬓᬾᬦ᭄ᬦᬾᬗᬹᬦᬶ᭟ᬧᭂᬢᭂᬂ
ᬍᬫᬄᬢ᭄ᬯᬭᬲᬸᬯᬸᬤ᭄ᬫᬗᬸᬯᬾᬮᬂ᭞ᬮᬘᬸᬭᬾᬩᬸᬓᬚᬦᬶ᭞ᬢᭀᬂᬳᬢᬳᬾᬦ᭄ᬓᬲᭀᬓᬦ᭄᭞ᬮᬯᬸᬢᬂᬓᬧᬶᬲᬕ᭞ᬫᬓᭂᬚᬂᬧᬤᬲᬤᬸᬳᬶᬦ᭄᭞ᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬫᬜᬾᬦ᭄ᬢᬾᬩᬸᬓᬚᬦᬶ᭟ᬩᬸᬯᬶᬦ᭄ᬳᬤᬩᭂᬮᭀ
ᬕ᭄ᬦᬂᬓᬂᬓᬢᬸᬯᬸᬓᬦ᭄᭞ᬫᬗᭂᬮᬄᬧ᭄ᬬᬦᬓ᭄ᬘᭂᬦᬶᬓ᭄᭞ᬦᬾᬫ᭄ᬯᬦᬶᬫᬫᬶᬢ᭄ᬭ᭞ᬢ᭄ᬯᬭᬧᬢᬶᬤᬶᬚᬸᬫᬄ᭞ᬦᬾᬮᬸᬄᬫᬗᬸᬯᬾᬮ᭄ᬲᬳᬶ᭞ᬫᬓᬓ᭄ᬭᬾᬜ᭄ᬘᭀᬗᬦ᭄᭞ᬢ᭄ᬯᬭᬳᬤᬦᬸᬮᬸᬗᬶᬦ᭄᭟ᬤᬤᬶᬓᬲᬸᬩ᭄ᬫ
[᭑᭐ 10A]
᭑᭐
ᬫᬓᬸᬂᬧᭂᬓᭂᬦ᭄ᬫᬫᬸᬧᬲ᭄᭞ᬫᬦᬸᬢᬸᬕ᭄ᬳᬦᬓ᭄᭞ᬫ᭄ᬯᬦᬶ᭞ᬓᬯᭀᬭᬶᬦ᭄ᬫᬫᬶᬢ᭄ᬭ᭞ᬫᬚᬮᬦ᭄ᬳᬜ᭄ᬘᬗᬜ᭄ᬘᬩ᭄᭞ᬫᬸᬜ᭄ᬘᬸᬓ᭄ᬜᭀᬜᭀᬦᬾᬫᬦᬸᬂᬓ᭄ᬮᬶᬓ᭄᭞ᬢᬸᬢᬸᬕ᭄ᬧ᭄ᬬᬦᬓ᭄᭞ᬗᬸᬭᬦ᭄ᬢᬾᬂᬫᬗᭂᬮᬶᬂ᭟ᬤᬕᬶᬄᬲᬶᬗᬮ᭄ᬗᬮᬦ᭄ᬢᬶᬂ
ᬫᬗᭂᬮᬸᬢ᭄ᬩᬗ᭄ᬓ᭄ᬬᬂ᭞ᬫᬾᬫᭂᬦ᭄ᬦᬾᬗᬸᬩᬲ᭄ᬳᬩᬶᬲ᭄᭞ᬫᬦᬫ᭄ᬧᭀᬓᬂᬮᬶᬫ᭞ᬓᬫ᭄ᬩᭂᬦ᭄ᬫᬲᭂᬗ᭄ᬓᬾᬭᬾᬤᬦ᭄᭞ᬧᬦᬓᬾᬓᬸᬢᬂᬓᬮᬳᬶᬦ᭄᭞ᬩᭀᬓ᭄ᬫᬕᬫ᭄ᬩᬳᬦ᭄᭞ᬲᬩᬸᬓᬾᬓᭂᬮᬾᬲ᭄ᬗᬸᬮᬦ᭄ᬤᬶᬃ᭟ᬢᬦ᭄ᬫᬭᬶᬜᬶᬗ᭄ᬲᭂᬢᬂᬓ
ᬫ᭄ᬩᭂᬦ᭄ᬫᬸᬲ᭄ᬫᬚᬮᬦ᭄᭞ᬩᬸᬓᬢ᭄ᬯᬭᬫᬦᭀᬮᬶᬄ᭞ᬜᭂᬋᬧ᭄ᬓᬧᬶᬲᬕ᭞ᬘᬶᬘᬶᬗᬾᬫᬳᬸᬭᭀᬦᬦ᭄᭞ᬩᭂᬲᬸᬲ᭄ᬢᭀᬂᬤᬤᬶᬢᬓᭀᬦᬶᬦ᭄᭞ᬢᭂᬓᬜᬮᬓ᭄ᬱᬓ᭄᭞ᬜᬶᬮᬶᬄᬤᬫᬃᬫᬜᬸᬦ᭄ᬤᬶᬃ᭟ᬤᬶᬚᬸᬫᬄᬫᭂᬢᬾᬦ᭄ᬩ
ᬓᬢ᭄ᬤᬶᬤᬸᬮᬸᬦ᭄ᬳᬧᬤ᭄᭞ᬳᭂᬦᬸᬓᭂᬍᬢ᭄ᬓᬲᬶᬲᬶ᭞ᬳᭂᬦ᭄ᬢᬸᬓᬦ᭄ᬮᬗ᭄ᬕᬢᬦ᭄᭞ᬤᬄᬓᬾᬢᬶᬤᭀᬂᬧᭂᬲ᭄ᬯᬦ᭄᭞ᬮᬯᬸᬢ᭄ᬧᭂᬲᬸᬩᬋᬂᬫᬸᬮᬶᬄ᭞ᬗᬸᬫᬾᬮ᭄ᬤᬶᬚᬮᬦ᭄᭞ᬗᭂᬫ᭄ᬧᭂᬗᬶᬦ᭄ᬳᬦᬾᬫ᭄ᬯᬦᬶ᭟ᬳᬤᬩᭂᬮᭀᬕ᭄ᬳᬗ᭄ᬓᬭ
