Kaca:Bali-lontar-gaguritan-sriwulan-450ppi.pdf/13

Saking Wikisource
Kaca puniki sampun kauji-wacén

[᭑᭒ 12B]
᭑᭒
ᬗᭀᬂᬦ᭄ᬤᬸᬮᬸ᭞ᬩᬦ᭄ᬳᬰ᭄ᬭᬶᬦᬶᬂᬢᬫᬦ᭄ᬳᬾᬦ᭄ᬤᬄ᭞ᬮ᭄ᬯᬶᬄᬳᬸᬢᬫᬶ᭞ᬮᬸᬳᬸᬭᬶᬂᬭᬢ᭄ᬢᬦ᭄ᬲᬫ᭟ᬦᬸᬮ᭄ᬬᬫᬜ᭄ᬚᬶᬂᬚ᭄ᬭᭀᬦᬶᬂᬢᬫᬦ᭄᭞ᬫᬫᬃᬕ᭄ᬕᬶᬳᬮᭀᬦ᭄ᬢᬶᬦ᭄ᬚᬶᬓ᭄ᬢᬶᬦ᭄ᬚᬶᬓ᭄᭞ᬲᬫᬃᬤᬯᬸᬦᬶᬂᬧᬶᬢ᭄ᬯᬶᬳᬦ᭄᭞ᬫ
ᬳᬮᬶᬗᬦ᭄ᬢᬭᬸᬓ᭄ᬧᬸᬄ᭞ᬭᬶᬲ᭄ᬦᬶᬜ᭄ᬚᭀᬲᬂᬤᬶᬯ᭄ᬬᬲᬶᬭᬫ᭄᭞ᬢᬮᬕᬳ᭄ᬦᬶᬂ᭞ᬗᬶᬂᬲᬂᬳᬤ᭄ᬬᬸᬲ᭄ᬢᬦ᭄ᬳᬸᬦᬶᬗ᭟ᬲᬂᬫᬗᬶᬦ᭄ᬢᬶᬧ᭄ᬭᬶᬫᭀᬫᭀᬢ᭞ᬓ᭄ᬭᬲᬦ᭄ᬳᬯᬓ᭄ᬭᬶᬓᬯᭀᬭᬶᬦ᭄᭞ᬲ
ᬚ᭄ᬭᭀᬦᬶᬂᬲᬸᬦ᭄ᬬᬫᬗ᭄ᬭᬲ᭞ᬓᬶᬧᬸᬦ᭄ᬢᬢᬦ᭄ᬤᬸᬭᬶᬂᬓᬬᬸᬦ᭄᭞ᬳᬾᬗᭂᬢ᭄ᬩᬦ᭄ᬤᬤᬶᬳᬸᬢᬸᬲᬦ᭄᭞ᬲᭀᬭᬾᬂᬕᬸᬲ᭄ᬢᬶ᭞ᬢᬶᬯᬲ᭄ᬮᬫᬸᬦ᭄ᬦᭀᬭᬓᬃᬬ᭄ᬬ᭟ᬲᬂᬓᬮᬶᬄᬳᬾᬗ᭄ᬕᬮ᭄ᬲᭀᬦᬶᬭᬫ᭄᭞
ᬫᬢᬸᬮᬓ᭄ᬫᬢᬸᬃᬭᬶᬂᬕᬸᬲ᭄ᬢᬶ᭞ᬕᬜ᭄ᬘᬗᬦ᭄ᬫᬃᬕ᭄ᬕᬶᬜᬧᬦ᭄᭞ᬢᬦ᭄ᬓᭀᬘᬧ᭄ᬭᬶᬂᬫᬃᬕ᭄ᬕᬶᬲᬫ᭄ᬧᬸᬦ᭄᭞ᬭᬯᬸᬄᬭᬶᬂᬳᬚᭂᬂᬭᬳᬤ᭄ᬬᬦ᭄᭞ᬮᬭᬲ᭄ᬳᬢᬶ᭞ᬳᬾᬜ᭄ᬘᭀᬂᬲᬂᬓᬮᬶᬄᬫᬢᬸᬭ᭟ᬳᬶᬗ᭄ᬕᬶᬄᬭ
[᭑᭓ 13A]
ᬢᬸᬲᬤ᭄ᬬᬓᬃᬬ᭄ᬬ᭞ᬗᬸᬢᬸᬲ᭄ᬢᬶᬢ᭄ᬬᬂᬲᬸᬓᬯᬺᬤᬶ᭞ᬬᬸᬓ᭄ᬢᬶᬲ᭄ᬯᬭᬳᬦᬹᬢ᭄ᬭᬸᬧ᭞ᬬᬦᬶᬂᬯᬃᬡ᭄ᬦᬲᬫ᭄ᬬᬳᬬᬸ᭞ᬲᬂᬮᬗᭂᬦᬶᬂᬳᬲᬶᬢᬫ᭄ᬳᬦ᭄ᬤᬂ᭞ᬲᭀᬮᬄᬳᬰ᭄ᬭᬶ᭞ᬢᬦ᭄ᬳᬦᬭᬶᬲᬾᬤᬲᬫ᭄ᬬ᭟ᬫᬜ᭄ᬚᬶᬂᬜ᭄ᬭ
ᬲᬧ᭄ᬫᬭᬶᬂᬘᬶᬢ᭞ᬭᬲᬯᬬᬚ᭄ᬭᭀᬦᬶᬂᬕᬮᬶᬄ᭞ᬲᬳᬢᬸᬭᬾᬧᬫᬦ᭄ᬧᬸᬦ᭄ᬢ᭞ᬲ᭄ᬭᬸᬗᬦ᭄ᬤᬶᬓᬓ᭄ᬜᭂᬫ᭄ᬓᭂᬜᬸᬂ᭞ᬬᬦᬶᬂᬓᬾᬢᭀᬚᬮᬦ᭄ᬲᬸᬩ᭞ᬦᬾᬫᬫᬃᬕ᭄ᬕᬶ᭞ᬫᬂᬳᬾᬗ᭄ᬕᬮ᭄ᬳᬶᬗ᭄ᬲᬸᬦ᭄ᬳᬧᬗ᭄ᬕᬶᬳ
᭟ᬗᬶᬭᬶᬂᬭᬢᬸᬦᬾᬫᬫᬃᬕ᭄ᬕ᭞ᬦᬸᬮ᭄ᬬᬫᬫᬃᬕ᭄ᬕᬲᬳᬶᬭᬶᬂ᭞ᬭᬾᬄᬓᬲᬸᬓᭂᬢ᭄ᬧᬭᬗᬦ᭄᭞ᬦᬸᬳᬸᬢ᭄ᬩᬜᬸᬭᬶᬸᬚᬸᬭᬶᬂᬕᬸᬦᬸᬂ᭞ᬚᬸᬭᬂᬩ᭄ᬮᬶᬕ᭄ᬢᬦ᭄ᬓᬾᬢᬸᬗᬦ᭄᭞ᬲᬓᬶᬂᬚᬢᬶ᭞ᬧ᭄ᬲᬺᬗ᭄ᬓᬬᬸ
ᬦᬾᬭᬳᬤ᭄ᬬᬦ᭄᭞ᬬᬸᬦᬾᬍᬲᬸᬳᬦ᭄‌ᬓᭀᬢ᭄ᬬᬦ᭄᭞ᬲᬓᬶᬂᬲᬳᬢᬾᬧᬶᬦᬗ᭄ᬕᬶᬄ᭞ᬲᬕᬾᬢ᭄ᬭᬯᬸᬄᬚᬳᬦ᭄ᬢᬫᬦ᭄᭞ᬳᬮᬶᬗ᭄ᬕᬶᬄᬳᬭᬭ᭄ᬬᬦ᭄ᬲᬂᬩᬕᬸᬲ᭄᭞ᬲ᭄ᬧᬶᬭᬍᬲᬸᬫᬶᬋᬂᬲ᭄ᬯᬭ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-sriwulan-450ppi.pdf/13&oldid=64262"