[᭒᭖ 26B]
᭕᭞
ᬯᬦᬚ᭄ᬜᬵ᭞ᬧᬹᬚᬶᬓᬮᬯᬦ᭄ᬲᭂᬫ᭄ᬩᬳ᭄ᬬᬂ᭞ᬳᬶᬓᬓᬩᬾᬄᬓᬢᬸᬗ᭄ᬓᬸᬮᬦ᭄᭞ᬍᬬᭂᬧ᭄ᬮᬗᬶᬢ᭄ᬲᬫ᭄ᬩ᭄ᬭᬡ᭞ᬢᬦ᭄ᬧᬭᬯᬢ᭄ᬭᬯᬢᬶᬓᬸ᭞ᬳᬭᬵᬳᬭᬵᬳᬦᬶᬂᬤᬯᬓ᭄᭟ᬳᬯᭂᬢᬸᬓᭂᬫ᭄ᬩᬗᬶᬂᬮᬶᬭᬶᬂ᭞ᬯᬗᬶᬦᬶᬭᬦᭀ
ᬭᬳᬦ᭞ᬢᬦ᭄ᬧᬳᬫᭂᬗᬦ᭄ᬢᬋᬓᭀ᭞ᬳᬢᬵᬢᬢᬵᬢᬭᬶᬂᬢᬢ᭄ᬯ᭞ᬓᬮᬗᭂᬦᬶᬓᬂᬧᭂᬚᬄ᭞ᬓᬵᬤᬶᬂᬧᬗᬶᬧ᭄ᬬᬦ᭄ᬧᬸᬦᬶᬓᬸ᭞ᬢᬦᬶᬂᬭᬵᬢ᭄ᬧᬶᬦᬗ᭄ᬕᬶᬳᬶᬭ᭟ᬮᬸᬫᬓᬸᬧᬓ᭄ᬱᬳᬗᬯᬶ᭞ᬓᬯ᭄ᬬᬯᭀᬂᬢᬢᬲᬶᬂᬰᬵ
ᬲ᭄ᬢ᭄ᬭ᭞ᬢ᭄ᬯᬦ᭄ᬲᬸᬫᬾᬭᬸᬢᬋᬓᬾ᭞ᬓᬗᬶᬓᭂᬢᬶᬓᭂᬢ᭄ᬧ᭄ᬭᬮᬫ᭄ᬩᬂ᭞ᬓᬤ᭄ᬬᬵᬗ᭄ᬕᬦᬶᬂᬓᬸᬓᬸᬦᬂ᭞ᬳᬦ᭄ᬤᬭᬸᬂᬓᭂ᭠ᬜᬃᬰᬶᬢᬗ᭄ᬲᬸ᭞ᬤᬸᬭᬦ᭄ᬧᬥᬭᬶᬂᬲᬂᬓᬯ᭄ᬬᬵ᭟ᬯᬸᬲ᭄ᬓᬾᬓᭂᬢ᭄ᬓᭂᬫ᭄ᬩᬗᬶᬂᬮᬗᬶᬢ᭄᭞ᬳᬭᬦᬶᬂᬧ᭄ᬭᬮᬫ᭄ᬩᬂᬳᬶᬓᬵ᭟
ᬓᬂᬓᬸᬓᬸᬲ᭄ᬓᭀᬲᬧᬶᬂᬕᬶᬢ᭞ᬳᬧᬶᬦᬾᬳᬶᬗ᭄ᬲᬸᬦ᭄ᬢᬦ᭄ᬯᬶᬓᬦ᭄᭞ᬤᬤᬶᬳᬶᬗ᭄ᬯᬂᬢᬦ᭄ᬢᬢᬲ᭄᭞ᬮᬶᬭᬶᬗᬶᬗ᭄ᬲᬸ᭠ᬦ᭄ᬫᬦ᭄ᬱ᭄ᬬᬩᬶᬗᬸᬂ᭞ᬳᬬ᭄ᬯᬳᬶᬚᭂᬧᬶᬓᬂᬲᬸᬭᬵᬢ᭄ ᭟᭜᭟ ᬥᬂ᭟ᬳᬦᬓᬶᬤᬸᬂᬳᬗ᭄ᬭᬓ᭄ᬱᬲ᭄ᬬᬂᬯ᭄ᬗᬶ᭞ᬢᭂᬕᬸᬄᬭᬳᬬᬸ᭞ᬳ
[᭒᭗ 27A]
ᬤᭀᬳᬶᬗᬮᬭ᭞ᬮᬸᬧᬸᬢᬶᬂᬩᬶᬮᬳᬶᬓᬩᬾᬄ᭞ᬚᬶᬦ᭄ᬲᬾᬢᬦ᭄ᬤᬢᬦ᭄ᬧᬸᬭᬸᬦ᭄᭞ᬧᬦ᭄ᬮᬸᬳᬦ᭄ᬧᬦ᭄ᬦᭀᬭ᭞ᬯᬦᬶ᭞ᬳᬤᭀᬄᬧᬕᬯᬾᬳᬮᬵ᭞ᬕ᭄ᬦᬶᬯᭀᬗ᭄ᬳᬮᬸᬧᬸᬢ᭄᭞ᬕ᭄ᬦᬶᬫᬢᭂᬫᬳᬦ᭄ᬢᬶᬃᬣ᭞ᬫᬮᬶᬗᬤᭀᬄ᭞ᬢᬦ᭄ᬳ
ᬦᬯᬦᬶᬭᬶᬂᬓᬫᬶ᭞ᬕᬸᬡᬤᬸᬤᬹᬧᬦ᭄ᬰᬶᬃᬡ᭄ᬦᬵ᭟ᬲᬓ᭄ᬯᬾᬳᬶᬂᬮᬭᬲᬫ᭄ᬬᬵᬫ᭄ᬩᬮᬶᬓ᭄᭞ᬲᬢᭀᬳᬶᬓ᭄ᬫᬢ᭄᭞ᬲᬶᬗᬧᬸᬭᬸᬦᬦ᭞ᬯ᭄ᬮᬲᬵᬲᬶᬄᬧᬦ᭄ᬤᬸᬮᬸᬦᬾ᭞ᬮᬓ᭄ᬯᬾᬳᬶᬂᬪ᭄ᬭᬚᬮᬸᬧᬸᬢ᭄᭞ᬓᬤᬶᬓᬧᬸᬓ᭄ᬢᬶᬩᬦᬶᬭᬾᬓᬶ᭞ᬲ
ᬓ᭄ᬯᬾᬳᬶᬂᬯᬶᬱᬢᬯᬃ᭞ᬲᬢᭀᬕᬮᬓ᭄ᬢᬸᬢᬸᬢ᭄᭞ᬓᬬᬸᬳᬕᬸᬂᬍᬫᬄᬲᬗ᭄ᬳᬃ᭞ᬮᬾᬗ᭄ᬳᬶᬂᬮᬡ᭄ᬥᬓ᭄᭞ᬕᬸᬳ᭄ᬯᬵᬦᬶᬂᬫᭀᬂᬍᬫᬄᬫᬾᬭᬶᬂ᭞ᬧᬓᬓᬶᬧ᭄ᬯᬦᬶᬂᬫ᭄ᬭᬓ᭄᭟ᬧᬕᬸᬮᬶᬗᬦᬶᬂᬯᬭᬓ᭄ᬲᬓᬮ᭄ᬯᬶᬃ᭞ᬓᬤ᭄ᬬᬵᬗᬫ᭄ᬩᬳᬶᬂᬲᬵᬕᬭᬳ
ᬲᬢ᭄᭞ᬓᬯᬰᬗᬫ᭄ᬗᬄᬧᬸᬘᬸᬓᬾ᭞ᬳᬧᬦ᭄ᬰᬭᬷᬭᬳᬬᬸ᭞ᬳᬶᬗᬶᬤ᭄ᬭᬦᬶᬂᬯᬶᬥ᭄ᬬᬤᬭᬷ᭞ᬭᬶᬦᬓ᭄ᬱᬾᬂᬫᬮᬳᬾᬓᬢ᭄᭞ᬲᬓᬢᬳᬶᬂᬭᬲᬹᬮ᭄᭞ᬤᬤ᭄ᬬᬦᬾᬰᬭᬷᬭᬢᬸᬗ᭄ᬕᬮ᭄᭞ᬦᬾᬢ᭄ᬭᬅᬤᬫ᭄᭞ᬉᬢᭂᬓ᭄ᬓᬸᬪᬕᬶᬡ᭄ᬥᬵ
