[᭒᭓ 23B]
᭓᭞
ᬭᬸᬭᬸᬳ᭄ᬦᬵᬤᬾᬦᬢᭂᬭᬸᬲ᭄᭞ᬳᬧᬦ᭄ᬢᬦ᭄ᬤᭀᬄᬧᬺᬡᬄᬦ᭄ᬬ᭞ᬳᬦᬭᬶᬂᬕᬃᬯ᭄ᬯᬦᬶᬭᬾᬓᬶ᭞ᬚᬵᬢᬶᬦᬶᬗᬫ᭄ᬩᬾᬓ᭄ᬳ᭄ᬬᬂᬓᬮᬵᬯᬦ᭄ᬳᬮ᭄ᬮᬄ᭟ᬧᬹᬚᬷᬓᬮᬵᬯᬦ᭄ᬲᭂᬫ᭄ᬳ᭄ᬬᬶᬫ᭄ᬩᬳ᭄ᬬᬂ᭞ᬧᬸᬦᬶᬓᬳᬯᬲ᭄ᬤᬾᬦ᭄ᬚᬵᬢᬶ᭞ᬫᬲᬶᬢ᭄ᬓᬮᬵᬯᬦ᭄ᬫᭂᬓ᭄ᬓᬄ᭞ᬭᬶ
ᬦᬵᬫ᭄ᬱᬾᬂᬫᬮᬾᬓᬢ᭄ᬓᬤᬶ᭞ᬫᬶᬯᬄᬲᬂᬧᬭᬦᬪᬶ᭞ᬧᬥᬳᬫᬹᬚᬶᬳ᭄ᬬᬂᬳᬕᬸᬂ᭞ᬭᬲᬸᬫ᭄ᬮᬯᬦ᭄ᬪᬕᬶᬡ᭄ᬥᬵ᭞ᬫᬦᬤᭀᬄᬲᬮᬶᬂᬕᬃᬯ᭄ᬯᬾᬓᬶ᭞ᬲᬮᬶᬦ᭄ᬢᭂᬫ᭄ᬮᬂᬳᬶᬗᬭᬦᬦ᭄ᬯᬯᬶᬗ᭄ᬓᬶᬗᬦ᭄ ᭟᭜᭟ ᬧᬂ᭟ᬳᬦᬵᬓᬯᬃᬡ᭄ᬦᬳᬲᬶᬭ᭞ᬲᬓᬶᬂᬅᬭᬩ᭄
ᬯᬶᬚᬶᬮᬾᬳᬶᬓᬂᬍᬯᬶᬄ᭞ᬫᬹᬮᬦᬶᬂᬫᬵᬦᬸᬱ᭄ᬬᬳᬶᬓᬸ᭞ᬮᬵᬯᬦ᭄ᬫᬹᬮᬦᬶᬂᬤᬾᬯ᭞ᬲᬂᬲᭀᬘᬧᬧᬭᬦᬵᬭᬶ᭞ᬧᬥᬦᬸᬲᬸᬂ᭞ᬧ᭄ᬭᬲᬫ᭄ᬬᬫᬦ᭄ᬢᬸᬓᬶᬂᬅᬭᬩ᭄᭞ᬧᬓᭀᬦᬾᬳ᭄ᬬᬂᬢᬦ᭄ᬓᬳᬓ᭄ᬱᬶ᭟ᬅᬳᬾᬭᬢ᭄ᬓᬮᬯᬦ᭄ᬤᬸᬦ᭄ᬬ᭞ᬯᬯᬲᬵ
ᬓ᭄ᬦᬵᬗᬯ᭄ᬭᬸᬳᬶᬓᬓᬓᬶ᭞ᬳᬦ᭄ᬤᬶᬓᬫᬹᬮᬦᬾᬳᬶᬓᬸ᭞ᬬᭀᬕ᭄ᬬᬢᬵᬢᬓᭀᬦᬦ᭞ᬬᬦ᭄ᬢᬦ᭄ᬯ᭄ᬭᬸᬳᬦᭀᬭᬲᭂᬮᬫ᭄ᬳᬭᬦᬶᬧᬸᬦ᭄᭞ᬲᬮᬄᬓᬧᬹᬚᬶᬬᬦᬶᬭ᭞ᬧᬥᬢᬦ᭄ᬧᬓᬵᬃᬬ᭄ᬬᬓᬓᬶ᭟ᬫᬹᬮᬦᬶᬂᬲᬗ᭄ᬓᬦᬶᬂᬲᬗ᭄ᬓᬦ᭄᭞ᬬᬦ᭄ᬢ
[᭒᭔ 24A]
ᬦ᭄ᬳᬦᬧᬵᬡ᭄ᬥᬶᬢᬳᬗᬯ᭄ᬭᬸᬳᬶ᭞ᬦᭀᬭᬧᬵᬡ᭄ᬥᬶᬢᬵᬭᬦᬶᬧᬸᬦ᭄᭞ᬫᬮᬄᬓᬧᬸᬢᬸᬲᬦ᭄ᬬ᭞ᬯᭀᬂᬫᬗ᭄ᬓᬦᬬᭀᬕ᭄ᬬᬓᬢᭀᬦ᭄ᬭᬶᬂᬲᬂᬧᬸᬢᬸᬲ᭄᭞ᬓᬂᬯᬸᬲ᭄ᬦᭂᬫᬸᬓᬂᬲᬶᬦᬤ᭄ᬬ᭞ᬧᬦ᭄ᬲᬶᬭᬍᬯᬶᬳᬶᬂᬤᬤᬶ᭟ᬧ᭄ᬭᬣᬶᬯᬶᬚᬵᬢᬶᬘᬭᬶᬢ᭞ᬳᬶᬓᬵᬭ
ᬦᬶᬧᬦ᭄ᬧᬸᬧᭀᬫᬜ᭄ᬚᭂᬢᬶ᭞ᬧᬺᬡᬳᬾᬲᬚ᭄ᬭᭀᬦᬶᬂᬭᬢᬹᬳᬗᬶᬂᬳᬭᬂᬯᭀᬂᬯᬶᬓᬦ᭄᭞ᬬᬦ᭄ᬯᬶᬓᬦᬳᬶᬓᬸᬕᬫ᭄ᬩᬃᬕᬫ᭄ᬩᬭᬦᬶᬧᬸᬦ᭄᭞ᬲᬮ᭄ᬯᬶᬭᬶᬂᬕ᭄ᬭᬶᬂᬢᭂᬓᬯᬭᬲ᭄᭞ᬳᬧᬦ᭄ᬓᬮᬶᬦ᭄ᬢᬗᬶᬂᬍᬯᬶᬄ᭟ᬳᬦᬳᬗᬦ᭄ᬤᭂᬮᬶᬂᬚᬲᬤ᭄᭞
ᬫᬼᬂᬫᬼᬂᬳᭂᬦᬶᬂᬦᭀᬭᬫᬥᬦᬶ᭞ᬳᬸᬭᬶᬧᬶᬂᬲᬃᬯ᭄ᬯᬫᬩᬬᬸ᭞ᬳᬶᬗᭂᬦ᭄ᬳᬶᬲᬗ᭄ᬓᬦ᭄ᬧᬭᬦ᭄᭞ᬳᬶᬓᬂᬯ᭄ᬭᬸᬳᬳᬶᬓᬸᬳᬶᬗᬭᬦ᭄ᬕᬸᬭᬸ᭞ᬢᬦ᭄ᬲᬶᬲᬶᬧᬲ᭄ᬦᬾᬂᬲᭂᬫ᭄ᬩᬄ᭞ᬳᬶᬬᬧᬶᬦᬹᬚᬶᬳᬂᬪᬸᬫᬶ᭟ᬳᬶᬓ᭄ᬬᬭᬭᬾᬲᬶᬮᬶᬭᭀᬭ᭄ᬯᬵ᭞ᬫᬶᬚᬶᬮ᭄ᬲᬓᬶᬂᬯᭀᬂ
ᬫᬓ᭄ᬓᬄᬯᭀᬗᬧᭂᬓᬶᬓ᭄᭞ᬓᬳ᭄ᬬᬤᬾᬕᬮᬂᬤᬶᬦᬸᬮᬸ᭞ᬬᬳᬭᬦ᭄ᬚᬵᬢᬶᬓ᭄ᬯᬭ᭞ᬓᬶᬲᬚᬵᬢᭀ᭠ᬧᬥᬳᬓᬭᭀᬦ᭄ᬧᬮᬓᬸ᭞ᬢᬦ᭄ᬲᬶᬫ᭄ᬧᬂᬲᬓᬶᬂᬦᬵᬕᬭ᭞ᬳᬶᬬᬫᬹᬮᬦᬾᬓᬂᬳᬚᬶ᭟ᬳᭂᬦ᭄ᬤᬶᬳᬶᬗᬭᬦ᭄ᬫᭂ
