Kaca:Bali-lontar-gaguritan-smaragama-250ppi.pdf/22

Saking Wikisource
Kaca puniki sampun kauji-wacén

[᭒᭑ 21B]
᭑᭞
᭛ ᬅᬯᬶᬖ᭄ᬦᬫᬵᬲ᭄ᬢᬸ ᭛ ᬲᬶ᭟ᬯᬾᬦ᭄ᬢᭂᬦ᭄ᬓᬯ᭄ᬬᬵᬗᬺᬜ᭄ᬘᬓ᭞ᬲᬭᬲᬦᬶᬂᬯᭀᬂᬫᬤᬮᬶᬮ᭄᭞ᬢᬵᬢ᭄ᬓ᭄ᬭᬫᬳᬬᭀᬮᬸᬧ᭞ᬭᬶᬂᬲᬫᬦᬶᬂᬫᬵᬦᬸᬱ᭄ᬬᬾᬓᬶ᭞ᬳᬧᬦ᭄‌ᬓ᭄ᬮᬶᬭᬶᬂᬳ᭄ᬬᬂᬯᬶᬥᬶ᭞ᬭᬶᬂᬫᬵᬦᬸᬱ᭄ᬬᬓᬩᬾᬳᬶᬮᬸ᭞ᬮᬄᬭᬲᬦᬦᬋᬓᭀ᭞ᬭᬶᬂᬫᬹ
ᬮᬦᬶᬂᬚᬲᬤᬶᬲᬶ᭞ᬅᬗ᭄ᬭᬸᬳᬵᬬᬦ᭄ᬢᬦ᭄ᬯᬶᬥᬶᬲᬶᬳᬶᬂᬲᬶᬭ᭟ᬳᬾᬯᬸᬄᬳᬮᬶᬂᬤᬤᬶᬯ᭄ᬯᬂ᭞ᬫ᭄ᬯᬂᬫᬹᬮᬦᬶᬂᬳᬸᬭᬶᬧᬺᬓᭀ᭞ᬳᬶᬓᬸᬮᬶᬢᬺᬓᬾᬮ᭄ᬯᬶᬄ᭞ᬮᬄᬢᬵᬳᬓᭀᬦ᭄ᬤᬾᬦ᭄ᬚᬢᬶ᭞ᬭᬶᬂᬯᭀᬂᬢᬢᬲᬶᬂᬧᬗᬯ᭄ᬭᬸᬄ᭞ᬳᬚᬵᬕᬕᭂᬫ᭄ᬪᬕᭂᬫ᭄ᬪ᭞ᬳᬬᭀᬮᬳᬮᬶᬲᬭᬶᬲᬭᬶ᭞
ᬢᬫᬦ᭄ᬳᬸᬭᬶᬧ᭄ᬦᭀᬭᬮᬮᬦᬵᬭᬶᬂᬰᬭᬷᬭ᭟ᬇᬲᬸᬧ᭄ᬭᬢᬶᬗ᭄ᬓᬳᬶᬂᬚᬦ᭄ᬫ᭞ᬦᭀᬭᬲᬶᬲᬶᬧ᭄ᬢᬸᬳ᭄ᬯᬧᬢᬶ᭞ᬫ᭄ᬯᬂᬲᬸᬓᬤᬸᬄᬓᬵᬢᬫᬗ᭄ᬓᭀ᭞ᬳᬧᬦ᭄ᬲᬶᬢᬦᬶᬂᬤᬸᬫᬤᬶ᭞ᬦᭀᬭᬮ᭄ᬬᬦ᭄ᬓᬧᬶᬦᬹᬚᬶ᭞ᬭᬶᬂᬚᬕᬢ᭄ᬲᭂᬫ᭄ᬩᬳ᭄ᬬᬂᬳᬶᬓᬸ᭞ᬳ᭄ᬬᬂᬧᬦᭀᬦᬗ᭄ᬮᬬᬂ᭞ᬢ
ᬦ᭄ᬧᬤᬾᬰᬢᬦ᭄ᬧᬕᬸᬫᬶ᭞ᬳᬲᬶᬧᬸᬫ᭄ᬭᬶᬂᬢᬯᬂᬯᬢᬸᬦᬶᬂᬧᬥᬂ᭟ᬬᬦ᭄ᬲᬵᬫ᭄ᬧᬸᬦ᭄ᬢᬢᬲᬶᬂᬧ᭄ᬝᬵ᭞ᬓᬂᬱᬶᬭᬶᬂᬦᭀᬭᬵᬗᬯᬲᬶ᭞ᬯᬤ᭄ᬬᬍᬧᬲ᭄ᬢᬶᬗ᭄ᬳᬮ᭄ᬓᬯᭀᬢ᭄᭞ᬢᬦᬵᬦᬫᬵᬦᬸᬱ᭄ᬬᬢᬶᬓᬶ᭞ᬦᭀᬭᬧᬗ᭄ᬳᬾᬭᬦᬶᬓᬶ᭞ᬫᬫᬺᬥᬶᬢᬚᭂᬦᭂᬗᬶᬧᬸᬦ᭄᭞ᬤ

[᭒᭒ 22A]
ᬤᬶᬰᬭᬷᬭᬢᬸᬗ᭄ᬕᬮ᭄᭞ᬫᬜ᭄ᬚᬶᬗᬶᬂᬳᬾᬭᬲ᭄ᬧᬸᬦᬶᬓᬶ᭞ᬳᬭᬦ᭄ᬳᬾᬭᬢ᭄‌ᬲ᭄ᬯᬃᬕ᭄ᬕᬭᬶᬂᬢᭂᬍᬗᬶᬂᬢᬯᬂ᭟ᬳᬬ᭄ᬯᬯᭂᬤᬶᬬᬧ᭄ᬯᬕᬶᬮᬵ᭞ᬳᬬ᭄ᬯᬦᬕᬶᬗ᭄ᬲᬶᬭᬶᬂᬧᬢᬶ᭞ᬢ᭄ᬭᬸᬲᬦᬦᬧ᭄ᬲᬸᬦ᭄ᬬᬵᬯᭀᬃ᭞ᬯᬸᬲ᭄ᬢᭂᬓᬾᬂᬳᬾᬮ᭄ᬫᬸᬧᬸᬦᬶᬓᬶ᭞ᬮᬄᬢᬢᬲᭂᬦ᭄ᬤᬾᬦ᭄ᬚᬵᬢᬶ᭞ᬓᬵᬮᬦᬶᬂᬗ
ᬕᭂᬲᭂᬂᬳᬶᬓᬸᬫᬅ᭄ᬭᬶᬥᬢ᭄ᬮᬦᬄᬓᬓᬢ᭄᭞ᬳᬧᬦ᭄ᬲᬓᬶᬂᬅᬮ᭄ᬮᬄᬓᬓᬶ᭞ᬧᬦ᭄ᬯᭀᬂᬢᬸᬯᬵ᭞ᬳᬯᬮᬶᬂᬭᬲᬦᬶᬂᬓᬶᬢᬧ᭄᭟ᬤᭀᬓ᭄ᬢᬦ᭄ᬳᬦᬧᬭᬦ᭄ᬧᬭᬦ᭄᭞ᬦᭀᬭᬪᬸᬫᬶᬦᭀᬭᬮᬗᬶᬢ᭄᭞ᬳᭂᬦᬹᬃᬳᬓᬸᬳᬦᬋᬓᭀ᭞ᬬᬤᬤᬶᬪᬸᬫᬶᬮᬦ᭄ᬮᬗᬶᬢ᭄᭞
ᬳᬦᬫᬵᬦᬸᬱᬳᬶᬓᬶ᭞ᬮᬵᬯᬦ᭄ᬰᬵᬲ᭄ᬢ᭄ᬭᬳᬚᬶᬳᬶᬓᬸ᭞ᬫᬶᬯᬳᬶᬓᬵᬗᬮᬫ᭞ᬇᬲ᭄ᬮᬫ᭄ᬓᬮᬵᬯᬦ᭄ᬓᬨᬶᬃ᭞ᬳᬧᬦ᭄ᬲᬓᬶᬂᬦᬸᬕ᭄ᬭᬳᬦᬶᬭᬳ᭄ᬬᬂᬲᬹᬓ᭄ᬱ᭄ᬫᬵ᭟ᬚᬵᬢᬶᬦᬶᬂᬕᬫᬇᬲ᭄ᬮᬫ᭄᭞ᬦᭀᬭᬮ᭄ᬬᬗᬫᬳᬶᬓᬨᬶᬃ᭞ᬚᬵᬢᬶᬦ᭄ᬬᬧ᭄ᬭᬲᬫᬢᬸᬗ᭄ᬕᬮ᭄᭞
ᬲᬾᬯᬵᬲᬾᬰᬷᬮᬤᬾᬓᬓᬶ᭞ᬳᬕᬫᬳᬶᬮᬸᬫᬗ᭄ᬓᬶᬦ᭄᭞ᬦᭀᬭᬃᬯᬵᬢ᭄ᬮᬸᬧᬸᬦᬶᬓᬸ᭞ᬢᬸᬗ᭄ᬕᬮ᭄ᬧᬮᬫᬓ᭄ᬦ᭞ᬲᬢᬸᬗ᭄ᬓᭂᬧᬶᬂᬚᬕᬢᬶᬓᬶ᭞ᬭᬶᬂᬯᭀᬂᬲᬪᬸᬯᬦᬢᬸᬗ᭄ᬕᬮ᭄ᬳᬸᬭᬶᬧᬶᬭ᭟ᬳᬭᬡᬶᬂᬳᬦᬯᭀᬂᬲᭂᬮᬫ᭄᭞ᬫᬶᬯᬄᬯᭀᬂᬓᬨᬶᬃᬧᬸᬦᬶᬓᬶ