[᭑᭗ 17A]
᭑᭗
ᬳᬶᬂᬢ᭄ᬯᬦ᭄᭟ᬮᬶᬗᬶᬭᬦᬪᬶᬫᬸᬳᬫ᭄ᬫᬤ᭄᭞ᬫᬭᬶᬂᬲᬶᬭᬚᬩ᭄ᬭᬅ᭄ᬳᬶᬮ᭄᭞ᬲᬵᬧᬢᬂᬳᬤᬭᬲ᭄ᬳᬭ᭄ᬩ᭞ᬚᬩ᭄ᬭᬅ᭄ᬳᬶᬮ᭄ᬳᬸᬫᬢᬸᬃᬳᬭᬶᬲ᭄᭞ᬲᬓᬶᬂᬧᬓᭀᬦ᭄ᬳ᭄ᬬᬂᬯᬶᬥᬶ᭞ᬳᬢ᭄ᬩᬵᬓᬶᬦᬾᬦ᭄ᬳᬜᬸᬓᬸᬃ᭞ᬥᬢᭂᬂᬓᬧᬤᬢ᭄ᬯᬦ᭄᭞ᬤᬾᬦᬶᬭᬳ᭄ᬬᬂᬫᬳᬵ
ᬢᬶᬗ᭄ᬕᬶ᭞ᬤᬤ᭄ᬬᬳᬕ᭄ᬮᬶᬲ᭄ᬦᬵᬪᬶᬫᬸᬳᬫ᭄ᬫᬤ᭄ᬧᬶᬦᬭᬲ᭄᭟ᬢᬢ᭄ᬓᬵᬮᬦᬶᬭᬧᬶᬦᬭᬲ᭄᭞ᬦᬵᬪᬶᬤᬾᬦᬶᬂᬚᬩ᭄ᬭᬅ᭄ᬳᬶᬮ᭄᭞ᬤᬯᭂᬕ᭄ᬲᬗ᭄ᬳᬵᬯ᭄ᬮᬲ᭄ᬤᬶᬦ᭞ᬳᬶᬰᬰᬶᬄᬭᬫ᭄ᬮᬦ᭄ᬲᬶᬗ᭄ᬕᬶᬄ᭞ᬳᬶᬗ᭄ᬲ᭄ᬦᬾᬦ᭄ᬤᬶᬦᬦᬾᬓᬶ᭞ᬢᬸᬫᬸᬮ᭄ᬬᬲᭂᬫ᭄ᬩᬳ᭄ᬬᬂᬳᬶᬓᬸ᭞ᬭᭀᬂ
ᬋᬓᬅᬓ᭄ᬳᬲᬮᬫ᭄᭞ᬧ᭄ᬭᬢᬶᬗ᭄ᬓᬄᬦᬵᬪᬶᬳᬓᬸᬭᬶᬲ᭄᭞ᬓᬧ᭄ᬦᭂᬤᬦ᭄ᬲᬥᬬᬲᬫᬶᬢᬸᬫᬶᬗ᭄ᬕᬮ᭄᭟ᬭᬾᬫᬲᬫᬶᬳᬶᬦᬫ᭄ᬧᬦᬦ᭄᭞ᬲᬍᬫ᭄ᬩᬃᬢᬦ᭄ᬢᬶᬩᬾᬂᬓ᭄ᬱᬶᬣᬶ᭞ᬦᬵᬪᬶᬫᬗ᭄ᬓᬾᬳᬗᬦ᭄ᬤᬶᬓᬵ᭞ᬫᬭᬶᬂᬚᬩ᭄ᬭᬅ᭄ᬳᬶᬮ᭄ᬮᬶᬂᬦᬾᬓᬶ᭞ᬳᬧᬓ᭄ᬭᬡᬦᬾ
ᬳᬾᬓᬶ᭞ᬤᬾᬦᬾᬭᬾᬫᬵᬦᬶᬗ᭄ᬲᬸᬦᬶᬓᬸ᭞ᬦᭀᬭᬦᬢᬶᬩᬾᬂᬍᬫᬄ᭞ᬚᬭᬅ᭄ᬳᬶᬮ᭄ᬳᬸᬫᬢᬸᬃᬳᬭᬶᬲ᭄᭞ᬳ᭄ᬬᬸᬫᬸ᭠ᬳᬫ᭄ᬫᬤ᭄ᬧᬸᬦᬶᬓᬵᬯᬶᬓᬦ᭄ᬢᬢ᭄ᬯᬦ᭄᭟ᬫᬶᬮᬦᬾᬢᬦ᭄ᬢᬶᬩᬾᬂᬍᬫᬄ᭞ᬫᬗ᭄ᬓᬾᬭᬾᬫᬦᬾᬢ᭄ᬯᬦ᭄ᬲᬶᬗ᭄ᬕᬶᬄ᭞ᬤᬾᬦᬾᬲᬫᬶᬢᬶ
[᭑᭘ 18B]
ᬦᬫ᭄ᬧᬦᬦ᭄᭞ᬤᬾᬦᬶᬂᬲᬵᬓ᭄ᬯᬾᬄᬯᬶᬥᬥᬭᬷ᭞ᬦᬵᬪᬶᬗᬦ᭄ᬤᬶᬓᬵᬳᬭᬶᬲ᭄᭞ᬧᬶᬭᬓᬾᬭᬾᬧᬦᬶᬗ᭄ᬲᬸᬦ᭄᭞ᬚᬩ᭄ᬭᬅ᭄ᬳᬶᬮ᭄ᬳᬸᬫᬢᬸᬭ᭞ᬳᬓᬾᬳᬾᬳᬾᬭᬾᬫᬢ᭄ᬯᬦ᭄ᬲᬶᬗ᭄ᬕᬶᬄ᭞ᬳᬲ᭄ᬢᬶᬢᬶᬕᬂᬮᬓ᭄ᬱᬮᬯᬦ᭄ᬢᬶᬕᬂᬍᬫ᭄ᬩᬃ᭟ᬢᬶᬕᬗᬢᬸᬲ᭄ᬢᬶᬕᬂ
ᬤᬰ᭞ᬓᬮᬶᬄᬍᬫ᭄ᬩᬃᬧᬸᬢᬸᬲ᭄ᬦᬾᬓᬶ᭞ᬧᬸᬦᬶᬓᬵᬲᬍᬫ᭄ᬩᬃᬲᭀᬯᬂ᭞ᬓᬵᬕᭂᬫ᭄ᬤᬾᬦᬶᬂᬯᬶᬥ᭄ᬬᬥᬭᬶ᭞ᬢᬦᬦᬢᬶᬩᬾᬂᬓ᭄ᬱᬶᬯᬸᬶ᭞ᬫᬃᬫ᭄ᬫᬦᬾᬲᬧᬶᬭᬶᬦᭂᬩᬸᬢ᭄᭞ᬧᬓᬶᬂᬧᬺᬫᬦᬶᬂᬳᬮᬄ᭞ᬫᬭᬶᬂᬧᬓ᭄ᬯᬾᬯᬶᬥ᭄ᬬᬥᬭᬷ᭞ᬳᬶᬗᬦ᭄ᬤᬶ
ᬓᬦ᭄ᬤᬥᬭᬷᬦᬤᬾᬦᬶᬂᬳ᭄ᬬᬂᬲᬹᬓ᭄ᬱ᭄ᬫᬵ᭟ᬧ᭄ᬭᬫᬦᬶᬂᬳ᭄ᬬᬂᬫᬳᬵᬫᬸᬮ᭄ᬬ᭞ᬫᬗ᭄ᬓᬾᬫᬭᬶᬂᬯᬶᬥ᭄ᬬᬥᬭᬷ᭞ᬧᬥᬫᬗ᭄ᬓᬢᬤᬾᬦᬾᬗ᭄ᬮᬮ᭄᭞ᬫᬭᬶᬂᬓᬓᬵᬲᬶᬄᬲᬸᬦᬶᬓᬶ᭞ᬮᬸᬗ᭄ᬳᬵᬓᬲᬶᬭᬲᬫᬶ᭞ᬳᬫᬸᬧᬸᬯᬭᬾᬫᬳᬶᬓᬸ᭞ᬧᬥᬓᬵᬃᬬ᭄ᬬᬦᭂ
ᬦ᭄ᬚᭂᬫᬢ᭄᭞ᬭᬾᬫᬦᬾᬫᬵᬲᬶᬄᬫᬫᬶ᭞ᬧᬥᬢᬮᬾᬓ᭄ᬦᬫᬭᬶᬂ᭞ᬍᬗᭂᬦᬶᬭ᭟ᬲᬸᬧᬬᬲᬶᬭᬲᬤᬬ᭞ᬲᬸᬦ᭄ᬮᬸᬧᬸᬢᬓ᭄ᬦᬶᬂᬩᬾᬜ᭄ᬚᬶᬂ᭞ᬲᬓᬶᬂᬳᬦᭂᬫ᭄ᬯᬧᬶᬦ᭄ᬭᬓᬵ᭞ᬧᭀᬫᬝᬦᬶᬫ᭄ᬧᭂᬓᬶ᭞ᬳᬶᬂᬘᬭᬶᬢᬧᬸᬦᬶᬓᬶ᭞ᬓᬓᬵᬲᬶᬄᬳᬶ᭝
