Kaca:Bali-lontar-gaguritan-smaragama-250ppi.pdf/11

Saking Wikisource
Kaca puniki sampun kauji-wacén

[᭑᭐ 10B]
᭑᭐
ᬤᬾᬰᬫᬮᬶᬄ᭞ᬤᬾᬰᬳᬮᬶᬢ᭄‌ᬧ᭄ᬭᬚᬸᬭᬶᬢ᭄᭞ᬧᬸᬦᬶᬓᬵᬤᬾᬭᬾᬂᬳᬦᬸᬗ᭄ᬓᬸᬮ᭄᭞ᬮᬶᬯᬢ᭄ᬤᬾᬦ᭄ᬬᬧ᭄ᬭᬓᭀᬱ᭞ᬧᬸᬗ᭄ᬕᬯᬵᬲᬮ᭄ᬬᬧ᭄ᬭᬚᬸᬭᬶᬢ᭄᭞ᬧᬸᬮᭀᬳᬶᬓᬵᬳᬲᬶᬗᬶᬢ᭄‌ᬧᬺᬡᬳᬾᬳᬶᬓᬵ᭟ᬧᬶᬗᬧᬶᬢᬶᬂᬓ
ᬭᬂᬧ᭄ᬭᬶᬗ᭄ᬕᬵ᭞ᬯᬢᬸᬭᬾᬚᬾᬂᬓᬓᬦ᭄ᬓᬾᬭᬶ᭞ᬲᬶᬗ᭄ᬳᬵᬩᬭᭀᬂᬮᬯᬦ᭄ᬫᬘᬦ᭄᭞ᬫᬸᬯᬳᬶᬓᬂᬲᬃᬯ᭄ᬯᬫᬦ᭄ᬤᬶ᭞ᬳᬗ᭄ᬫᬓ᭄ᬱᬳᬶᬂᬦᬵᬕᬭᬶ᭞ᬧᬧᬢᬶᬄᬭᭀᬭᭀᬲᬵᬫ᭄ᬬᬵᬕᬸᬂ᭞ᬯᬃᬡ᭄ᬦᬦᬶᬭᬮ᭄ᬯᬶᬃᬓᭂᬫ᭄ᬩᬃ᭞ᬯᬦᬶᬬᬾᬦᬫᬧᬕ᭄ᬚᬸᬭᬶᬢ᭄᭞ᬫᬋᬂᬫᬭᬵ
ᬯᬦ᭄ᬤᬗᬾᬮ᭄ᬯᬶᬃᬲᬶᬗ᭄ᬳᬵᬭᭀᬤ᭄ᬭ᭟ᬓᬤᬶᬓᬓᬂᬳ᭄ᬭᬸᬭᬶᬦᬓᬶᬢᬦ᭄᭞ᬧᬥᬲ᭄ᬭᬶᬂᬫᬸᬲᬸᬄᬓᬂᬧ᭄ᬭᬵᬧ᭄ᬢᬶ᭞ᬳᬓᬾᬄᬭᬢᬸᬮᬸᬫᬸᬭᬸᬕᬵ᭞ᬧ᭄ᬭᬤᬾᬦᬾᬦᭀᬭᬵᬗᬸᬦ᭄ᬤᬶᬮᬶ᭞ᬬᬢᬪᬕᬶᬡ᭄ᬥᬵᬳᬮᬶ᭞ᬓᬵᬰ᭄ᬘᬃᬬ᭄ᬬᬳᬗᬺᬗᭃᬢᬸᬢᬸᬃ᭞ᬳᬭᬶᬲ᭄ᬗᬦ᭄ᬤᬶ
ᬓᬵᬲᬶᬭ᭞ᬳᬯᬢᬓᬾᬦ᭄ᬫᬭᬳᬶᬂᬭᬩᬶ᭞ᬬᬄᬬᬬᬶᬢᬸᬚᬸᬳᬦᬗ᭄ᬕᭀᬦᬾᬳᬶᬓᬵ᭟ᬧᬺᬡᬳᬾᬤᬾᬕᬳᬦ᭄ᬤᬕ᭞ᬳᬕᬾᬳᬶᬗ᭄ᬲᬸᬦ᭄ᬫᬧᬕ᭄ᬚᬸᬭᬶᬢ᭄᭞ᬳᬕᬶᬭᬂᬳᬶᬗ᭄ᬲᬸᬦ᭄ᬫᬶᬳᬃᬱ᭞ᬬᬦ᭄ᬚᬦ᭄ᬓᬮᬳᬤᬾᬦ᭄ᬤᬫᬶ᭞ᬮᬄᬢᬵᬯ

[᭑᭑ 11A]
ᬭᬄᬤᬾᬦᬕ᭄ᬮᬶᬲ᭄᭞ᬧᬢᬶᬫᬄᬫᬾᬲᭂᬫ᭄ᬳᬫᬸᬯᬸᬲ᭄᭞ᬲᬶᬗ᭄ᬕᬶᬄᬳᬶᬗ᭄ᬲᬸᬦ᭄ᬢᬦ᭄ᬯᬶᬓᬦ᭄᭞ᬧᬺᬡᬳᬾᬤᬾᬰᬓᬂᬍᬯᬶᬄ᭞ᬓᬾᬯᬮᬾᬗ᭄ᬲᬸᬦ᭄ᬳᬗ᭄ᬭᬸᬗᭃᬢᬸᬢᬸᬃᬓᬾᬯᬮ᭟ᬬᬾᬦ᭄ᬢᬸᬯᬦ᭄ᬳᬃᬱᬯᬶᬓᬦ᭞ᬧᬺᬡᬳᬾᬤᬾᬰ
ᬧᬺᬚᬸᬭᬶᬢ᭄᭞ᬢᬸᬯ᭄ᬯᬦ᭄ᬳᬢᬓᬾᬦᬫᬳᬗ᭄ᬓᭀᬅᬢᬃᬗᬶᬂᬧᬦᬸᬢᬸᬧ᭄‌ᬦᬵᬪᬶᬬᬢᬪᬕᬶᬡ᭄ᬥᬵᬳᬮᬶ᭞ᬫᬫᬋᬓᬶᬦᬵᬪᬶᬧᬦᬸᬢᬸᬧ᭄᭞ᬦᬵᬪᬷᬫᬗ᭄ᬓᬾᬗᬦ᭄ᬤᬶᬓᬵᬮᬄᬪᬕᬾᬬᬓᬓᬶᬮᬮᬶᬫᬭᬦ᭄ᬓᬵᬬ᭄ᬬᬓᬢ᭄ᬫᬸᬭᬳᬶᬭᬶᬂ
ᬗ᭄ᬯᬂ᭟ᬪᬕᬶᬡ᭄ᬥᬵᬮᬶᬫᬗ᭄ᬓ᭄ᬬᬦᭂᬫ᭄ᬩᬄ᭞ᬫᬵᬢᬸᬭᬶᬂᬧᬦᬸᬢᬸᬧ᭄ᬦᬵᬪᬶ᭞ᬧᬸᬦᬶᬓᬵᬦᬵᬪᬶᬳ᭄ᬬᬵᬂᬦᭀᬦ᭄᭞ᬤᬾᬦᬶᬂᬳᬫ᭄ᬩᬵᬳᬫᬋᬓᬶ᭞ᬳᬫ᭄ᬩᬵᬳᬃᬱ᭄ᬫᬵᬢᬸᬭᬶ᭞ᬧᬸᬫᬢᬂᬢᬸᬯ᭄ᬯᬦ᭄ᬧᬸᬦᬶᬓᬸ᭞ᬗᬦ᭄ᬤᬶᬓᬵᬦᬵᬪᬷᬦᬶᬳ᭄ᬬᬂᬮᬄᬢᬸᬢᬸᬭᬓᬓᬶ
ᬳᬮᬶ᭞ᬪᬕᬶᬡ᭄ᬥᬵᬮᬶᬫᬢᬸᬲᬯ᭄ᬬᬵᬳᬧᬸᬂᬲᭂᬫ᭄ᬩᬄ᭟ᬲᬶᬗ᭄ᬕᬶᬄᬦᬵᬪᬶᬦᬶᬳ᭄ᬬᬂᬲᬹᬓ᭄ᬱ᭄ᬫ᭞ᬳᬶᬂᬧᬸᬦ᭄ᬤᬶᬧᬺᬡᬳᭂᬢᬾᬓᬶ᭞ᬦᬵᬕᬭᬓᬂᬤᬾᬭᬾᬂᬓᬮᬄ᭞ᬤᬾᬦᬶᬂᬓᬯᬸᬮᬧᬸᬦᬶᬓᬶ᭞ᬧᬦ᭄ᬲᬓᬾᬳᬶᬂᬦᬵᬕᬭᬶᬧ᭄ᬭᬲᬫ᭄ᬬᬢᬦᬵᬦᬓᬦ᭄ᬢᬸᬦ᭄᭞ᬯᬾ